آخر المشاركات



أهلا وسهلا بك زائرنا الكريم في ديوان الشاعر نافل علي الحربي، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .


الملاحظات





ديوان الشاعر محمد بن حمود الجويدي الحربي

السلام عليكم ورحمة الله وبركاته ديوان الشاعر محمد بن حمود الجويدي الحربي هذا الديوان يحتوي على قصائد الشاعر المعروف م ..




25-08-2019 07:28 مساء
نافل علي الحربي
menu_open عضوية موثقة
مدير المنتدى
rating
معلومات الكاتب ▼
تاريخ الإنضمام : 27-07-2019
رقم العضوية : 2
المشاركات : 335
الجنس : ذكر
الدعوات : 1
يتابعهم : 0
يتابعونه : 1
قوة السمعة : 10
موقعي : زيارة موقعي
 offline 







السلام عليكم ورحمة الله وبركاته

ديوان الشاعر محمد بن حمود الجويدي الحربي

هذا الديوان يحتوي على قصائد الشاعر المعروف محمد بن حمود الجويدي، بالإضافة إلى القصائد التي يعارضها، أو توجه إليه على سبيل المساجلة 0 
الشاعر محمد بن حمود الجويدي، من الكتمة، من بني علي، من مسروح، من قبيلة حرب، ولد حوالي سنة 1336هـ، من سكان قبة، ومن شعرائها البارزين 0
ولن أزيد عما قلت عنه في كتابي " تحفة المساجلات "، والذي قلت فيه عنه كما يلي:
شاعر فذ، من فطاحل شعراء النبط، يمتاز شعره بسمة الحكمة، وبُعد النظر، وطول النفس، وسعة الخيال، ودقة الوصف، له كثير من المساجلات، مع بعض الشعراء، وغيرها من الأشعار في جميع أغراض الشعر، وتنم قصائده سواء ما كان منها قبل خمسين عاماً، أم ما كان في الوقت الحالي، عن أنه عفيف اللسان، عذب التعبير، يعالج المواضيع بأسلوبٍ واقعي، رصين، جزل الألفاظ، محكم المعاني، عماده عزة النفس، وسمو الهدف، والتقيد بحدود القيم الفاضلة، والعادات الحميدة، والأخلاق النبيلة 0
قال العديد من القصائد، بعضها لم يحفظ، لتقدُّم عهدها، وعدم تدوينها، حيث قرض الشعر، وهو في ريعان شبابه، وهو الآن في 
العقد الثامن من العمر، ولم يزل - ما شاء الله تبارك الله - شديد البنية، سليم الذاكرة، يملك جميع مقومات الشاعر المبدع، 
الحكيم، نتمنى له مزيداً من الصحة، والعافية، والعمر المديد 0
زرت الشاعر محمد الجويدي عدة مرات، للحصول على شيءٍ من قصائده، ولكنه يعتذر إليّ بأنه لا يحفظ ما يقدّمه لي منها، ولما لم يكن لدي أمل بالحصول على ما يسد حاجتي من الشعر القديم، الذي خصصت له أول بحثي، لأنه مهدد بالاندثار، والنسيان، ولأنه يروي لنا عن حياةٍ خلت، لا نعرف عنها سواء بعض الروايات، حين ذلك اتجهت إلى الالتقاء ببعض الشعراء المخضرمين والشباب، وعند مقابلاتي لعددٍ منهم وبمحض الصدفة، وجدت أغلب قصائد كلٍّ منهم مساجلات مع محمد الجويدي، ووجدتهم يحتفظون بقصائده، فحصلت منهم على عددٍ منها 0
واليوم وقد أنتقل الشاعر محمد الجويدي رحمه الله إلى جوار ربه، فقد توفي قبل عدة سنوات، وسأبحث عن تأريخ وفاته، وأضيفه إلى ديوانه بأذن الله، فقد خلف لنا هذا الكم الهائل من الأشعار النبطية جزيلة الألفاظ، قوية المعاني، هادفة الأغراض، لم تترك غرضاً من أبغراض الشعر إلا وطرقته، وهي بحق قصائدٌ تستحق التدوين، ولهذا فقد وضعت لها ديزوان خاص باسم شاعرها، ولكنني لم أبوبه بعد، لأنني لا أجد عندي سوى بعض قصائده، والتي أغلبها تتطرق إلى المساجلات، ولكنني سأبحث عن بقية أشعاره متى وجدت للبحث عنها سبيلاً، وأضيفها مبوبة بأبوابٍ خاصةٍ، ولا استغني عن مساعدة الأخوان الذين لديهم شيئاً من أشعار الشاعر محمد الجويدي، 

الباب الأول: في المديح

1- وأجيب باقي دلايله
أولى قصائد هذا الباب قصيدة للشاعر المرحوم/ محمد الجويدي، في المرحوم الشيخ/ عبد المحسن بن صنيتان الفرم، شيخ بني علي، من قبيلة حرب:

ياسامعين الصوت صلو على النبي =  أبا أطلب الله طلبةٍ مـن فضايلـه
الأوله عز الرفاقـه مـن الولـي يأمر بها اللي ضافيـات جمايلـه
والثانيـة بديارهـم ينثـر الحيا = وسمٍ على الديرة تركـز مخايلـه
جانا الخبر مع طارشٍ تو ما لفـا = مـا واديٍ إلا سايـلاتٍ مسايـلـه
صبح الثلاثا كل خضـراً نشوفهـا = يفرح بها اللي مهـز لاتٍ زمايلـه
أميرنـا محسـن نلقابـه الـذراء = وحنا ليا ثار الملح نبـرد غلايلـه
يعطي النضا والخيل ليا جاه عاني = ويزبَن اللـي ضايقـاتٍ محايلـه
شريدة الفرسان وإن جيت بالظفـر = يموت زيزوم العـدا مـن غلايلـه
زيزوم عيـراتٍ ومقـدام سربـه = وقطَاع قطعان القطا مـن مقايلـه
كمٍ فتـاةٍ جـرف المـس خدهـا = لا قيل شاريهـا ولا مـن عدايلـه
فود ٍ من العدوان في غارة الضحا = جابوه ربعه يـوم هيبـت جلايلـه
جاب الحلال وحلة القـوم جابهـا = شقحٍ على المشراق تومـي فلايلـه
واللي يقول اخطيت ما دمت حاضر = يردنـي واجيـب باقـي دلايلـه

الباب الثاني: الحكم والنصائح
هذا هو الباب الأول من أبواب ديوان الشاعر محمد الجويدي رحمه، وهو يضم قصائده التي تتطرق إلى قصائد النصح والتوجيه، والحكم0

2- ما تمتّع بتشريف
للشاعر محمد بن حمود الجويدي رحمه الله، هذه القصيدة الرائعة، المليئة بالحكم، والنصائح: 

هات القلم واكتب جوابٍ علـى كـافحدّه ورده لين يمشي على الكيـف (1)
من هاجسٍ مـا كلّفـه منهـج القـافعليـه صعبـات المعانـي معاطيـف
على هدف والناس كـلٍ لـه أهـدافمهما تكون الحـال مـن دون تكليـف
والعرف ما يعرض على غير عـرّافوأسف على اللي ما يعرف المعاريـف
كم واحدٍ حي وعليـه الشـرف طـافتمضي حياتـه مـا تمتـع بتشريـف
لو يجمع الدنيا علـى سبعـة أصنـافتهيي لهـا غبـر الليالـي صواديـف
أما ارتحل عنها على درب الأسـلافوإلاّ تـروح وراس مالـه تحاسـيـف
ما له مع الأجـواد مجلـس وميقـافيفرض عليه ابليـس بالحكـم توقيـف
ويصبر على حمل الرداء فوق الأكتافلمّا يشـوف دمـوع عينـه ذواريـف
سـمّـام نـمّـامٍ كــذوبٍ وقــذّافما احدٍ يعزه جـار أو يكرمـه ضيـف
أبعد عن اللي تشترك فيـه الأوصـافاحذر يقولون الرياجيل يـا حيـف (2)
أرفع مقامك بالشرف يا ابن الأشـرافيا من عليك مـن المهـادي تواصيـف
بقعاء كفـا الله شرهـا قـدم واخـلافناسٍ بها غـزوٍ ونـاسٍ مناكيـف (3)
قدامنا حـيٍ بهـا عـاف مـا شـافيامـا ويامـا فرقـت مـن موالـيـف
أن قلت لك يـا فالـح الـرأي تنعـافأكبر دليل يدلك العشب بالصيـف (4)
اطرح نظرك وتجـده ناشـفٍ حـافحلّت وفاته وانتها تقل مـا شيـف (5)
هـذي هـي الدنيـا تلفلـف تلفـلافوتلعب على بعض المـلا بالزخاريـف
حاسب ضميرك يا مصـدّق بالإتـلافوالماقف اللي يجمع الموس والسيف (6)
باليـوم الآخِـر والمخاليـق وقّــافوالملـك للـي مـا لغيـره تصاريـف
ربٍ تعالـى واجـبٍ منـه ينـخـافيحكـم ولا يظلـم وسيـع المحاريـف

الحاشية: 
(1)- لين: إلى أن،بمعنى حتى 0 الكيف: الشكل المطلوب 0
(2)- يا حيف: كلمة للدلالة على الاستنكار والندم، تقال لمن تقاعس عن فعل عملٍ حتى فات الأوان، أو قام بفعلٍ لا يجب منه 0
(3)- مناكيف: عائدون من الغزو، ويقصد الشاعر بذلك الكناية عن مَنْ طعنوا في السن، حتى تلاشت رغباتهم في الطمع بالدنيا 0
(4)- يا فالح الرأي: عبارة للدلالة على التنبيه للمخاطب، فيسأل بعد عن طريق ، غير الطريق الذي هو ذاهب إليه، أو يخبر 
بعدها برأي غير رأيه 0 الرأي الفالح: هو الرأي الصالح، والذي يدل طريق الفوز، والنجاة 0 
(5)- اطرح نظرك: ألق نظرك، أي اكترث، ولاحظ، واستمع 0 
(6)- الماقف: الموقف، والمكان الذي يحشر فيه الناس، يوم القيامة 0 الموس والسيف: كناية عن تساوي الضعيف والقوي، في ذلك المكان 0

3- عرضوه البرادي 
وله في الحكم، والنصائح، والإرشادات، في ما يتعلق غلاء المهور:

هات القلم والبوك والفكر موجود = نبي المواقف مع طريق المبادي
اكتب حماك الله عن كل منقود = أبيات من هاجوس حي النوادي
الناس تدري بين قايد ومقيود = والفرق واضح والعمل بالوكادي
احدٍ يبي العليا وخطرٍ على الزود = وله منهجٍ عن درب الأجواد غادي
ودّه يطيب وتايه الرأي مقيود = أحدٍ على دقم الشوراب يقادي
حيله ضعيف وداخل البيت بالود = يؤمر عليه ويستمع ما يسادي
أخذ عباته وأنسحب يجمع اشهود = عساه يوم العرض ماله منادي
على نسيبه ما يقلّد بصاهود = وسعَيّد الذِكري بعيد المعادي
يصيح صاحنه بناته يبي الفود = عسا أمهن تلبس عليه الحدادي
وإلاّ ترى المحتاج يصبر على الكود = ولا احدٍ يلومه يوم حاديه حادي 
ما يستوي رجلٍ شريفٍ بلا خُوْد = ولا ينطح الكايد قصير الأياد
خله على كيفه وربعه له اعضود = فرحة صديق وصدمةٍ للمعادي
ما أمسا عليه بخير وسرور وسعود = بليلٍ طويل ويصبح الصبح هادي
يا معشر الشعّار يا ماكر الجود = يا أهل المواقف يا طيور الهدادي
ضدٍ لبيّاع الغنادير مرصود = إن ما تعدّل عرّضوه البرادي
أنتم لكم بالمجتمع صدر وورود = حقٍ يبدونه على كل بادي
ردو النقا ثاني وثالث ومجرود = على الذي عن سلم ربعه حيادي
ليته يبيع بدين ويسجّل اقصود = حتى نقول فلان رجّال عادي
لا ناشدٍ عنا ولا عنه منشود = إلاّ مجاله بالورق والروادي
يأخذ نصيبه لوم وابعاد ولهود = واسمه تعدد به جميع البوادي
واللي يعم الناس مخطئ و مقرود = والطيب أخير من الرداء والعنادي
الجيل الأول خابرينه وماكود = ما عندنا به شك يا أبو دوادي 
أحدٍ جمل وأحدٍ مع الزمل مفرود = والنار تقبس في شرار الزنادي
قلته وأنا مالي مع الناس مقصود = إلاّ السماح بنيتي واجتهادي
شكرٍ لكم وتحيةٍ مالها احدود = تبقا مع اللي توهم بالمهادي
وصلاة ربي عد ما ذعذع النود = على نبيٍ لأهل الدين هادي

(1)- الكود: الصعوبة 0
(2)- الخُوْد: جمع خَوْد، وهي المرأة الشابة 0 الكايد: الصعب 0
(3)- ماكود: مؤكّد 0 

الباب الثالث: المساجلات 
 صلاته مع الزام 
وللشاعر فايز البسيس القصيدة الآتية، قالها بمناسبة رحيل جاره شايز بن سعدون العنزي، بعد جيرةٍ دامت عشرين عاماً، لم 
يمضِ منها يومٌ، وشايز لم يدعُ جيرانه على تناول القهوة، في بيته، بعد صلاة فجر كلّ يوم، ما لم يكن غير موجود، كما كان حسن الجيرة، محباً لفعل الخير، لا يضن بما يملك:

مع السلامه يا ابو فايز ومشكور = من عندنا بالخير وسعود الأيام 
يا مزيّن الفنجال مع شقة النور = لا زان نوم اللي صلاته مع الزام
يركض وراء الدنيا وبالدين مغرور = ما همّه إلا النوم وأكله إلى قام
ما همّه اللي جاء مع نفخة الصور = يوم السلاسل بالنواصي والأقدام
يا مسلف المحتاج قادر ومعسور = عساك في خضراك عامٍ بعد عام
من عندنا شديت في شهر عاشور = واقفن بك الزلبات عجلات الأولام
صوّت لك الشملي على نايف القور = وأصبحت بالأسياح في رد الاعلام
العايله بالجيب والعفش بالمور = وأمسيت بديار الجماعه والأعمام
أولاد وايل بالحرايب لهم دور = أبطال باللقوات شجعان واكرام
والبعد مثل الموت راعيه معذور = والحر يعود لماكره بعدما حام
وصلو على المعصوم غيّاب وحضور = اللي حما التوحيد وأركان الاسلام
الشاعر/ فايز البسيس الحربي

(1)- أبو فائز: كنية شايز العنزي 0 

4- ترفعونه للأعلام 

وللشاعر الجويدي صاحب هذا الديوان، هذه القصيدة، قالها معارضة للشاعر فايز البسيس، في قصيدته " صلاته مع الزام "، 
السابقة، وفيها ينحو نحوه، في مدح جاره شايز بن سعدون العنزي، ومؤكدا أن الحديث والاستماع إليه، في مجال حسن الجوار، ومدح الجار، أفضل منه في مجال سوء الجوار، وذم الجار، مهما استغنى عن الاستجارة، والجار، وأصبح الناس، كالأسرة الواحدة، بفضل الله، ثم بفضل حكومتنا الرشيدة، التي أمنت للمواطن السعودي، جميع متطلباته:

حي الجواب اللي غريبٍ بهالدور = مع المجالس والجرايد والأقلام
أحلا نبا وأشرف معاني و مقفور = عما نشوف من المشاكل والأوهام 1 
أقول بعد الله راعيه مشكور = بعد التحيه والمعزه والإكرام
الشاعر اللي في معانيه دكتور = هو المعلم والتلاميذ خدّام
يقول أبو بادي عسا خير وسرور = يوم ارتحل جاره هاك اليوم ما نام
جارٍ عساه من الصواديف ماجور = كلٍ يعزه مار ما طاب ما دام
هذا الجواب اللي بعيدٍ عن الزور = يدري به اللي للخفيات علاّم
يا اهل الجواب الزين عندي لكم شور = وش رأيكم لو ترفعونه للأعلام
حيثه لكم تشريف من غير مخصور = لأهل اليمن والشرق والغرب والشام 2 
صوّتٍ يسر البال مع كل جمهور = وأظلم من الظلماء على وجه صدّام 
واللي مثل شرواه مبعد ومدحور = لا قرّب الله دار عِبّاد الأصنام
قلته وأنا ماني على الناس ناظور = كلٍ على ما حاش حظه وما رام
الطيب مرقابٍ تعلا به صقور = والدرب واضح والرضا سيد الأحكام
وأحدٍ من الجيران منهي ومأمور = برا فلان وداخل البيت خدّام
بأمر الحليله دايـم الدوم دنـهور = لا حاشته سمر الليالي والأيام 2
بدل صباح الخير باده بقاهور = وانحش عن الخايب مع الشارع العام 3
وادي محسِّر منزلٍ فيه محذور = مرّه سريع ولا تبني به خيام
تلقا مثل فايز وأبو فايز احضور = مرّه سريع ولا تبني به خيام
واجلس على زل وتساند على كور = في مجلسٍ ما به مشاكل ونـمّام 4
وصلو عدد ما نوّر البر بزهور = وارفع مقامك واعرف الدرب قدّام 5
على النبي اللي خضع له جبل نور = بأمر الكريم وعز به دين الإسلام
الشاعر/ محمد الجويدي الحربي

الحاشية:
(1)- مقفور: محقّق، ومؤكد خلوه من أي شائبة تعيبه، أو غرضٍ غير مرغوبٍ، وذلك مأخوذاً من قفر الأرض، أي التأكّد من أنها خالية، فيقال في اللهجة العامية: " قفر الدوّارُ الأرضَ "، أي تأكّد من أن ضالته، التي يبحث عنها غير موجودة فيها، ويقال: " وجد الروّادُ الأرضَ قفراً "، أي وجدها خالية من البشر، والدبش ( رعايا الحيوانات )، ولم توطأ بعد نبت عشبها، فتكون الأرض القفر عادةً أفضل المراعي، التي يهتم الرائد بالحث عنها 0
(2)- من غير مخصور: دون استثناء لأحدٍ دون أحد، ومعنى مخصور، أي محذوف من الحساب، أو مأخوذاً من خصر الشيء، أي ادار وجهه عن وجهه 0
(3)- دنـهور: أي الذي من عادته أن يُرى مدنـهر، أي مطأطيئاً رأسه حقيراً 0
(4)- معنى الشطر الأول من هذا البيت: بدل من أنتقول له: صباح الخير، قل له: قاهور، وكلمة " قاهور " تقال رداً على من حمل كلامٍ غير مرغوب، فأنبأبه على مسمع من الناس، وهذا الشخص الذي أخبر بالخبر السيء لا يوثق بروايته، أما لأنه جاهل، وأما لأنه متسرع عادةً بنقل الأخبار دون أن يعيرها أي اهتمام، من فكرهمن حيث صحتها، أو عدم صحتها، وما يمكن أن يحدث عند سماعها، من ايجابيات أو سلبيات 0
(5)- كور: شداد، والشداد ( الكور ) هو الرحل المخصص للركوب على الجيش، لأنه لا يتحمل الأثقال، ولكونه حسن المنظر، خفيف الحمل، يستخدم عادةً متكأ، يضع الجالس كوعة فوقه، ويسند جنبه عليه، ومنه المساند الحديثه، المستخدمة بهذا الغرض، والمصنوعة على هيئة شداد 0

5- طير الهوى بالكتافي 

حدثني الشاعر محمد الجويدي، عن مناسبة القصيدة الآتية، فقال: في حوالي سنة 1367هـ، قدمت ضمن أهل ركب من القصيم، في طريق عودتنا إلى أهلنا، في الشمال الغربي من البشوك، شمال الدهناء، وبعد أن تجاوزنا النفود، وكدنا نتجاوز التيسية، رأينا أمامنا إبلاً، في حد العرق شمالاً من زبارة الدخول، في الجهة الغربية من الدهناء، وعند وصولنا إليها وجدنا راعيها المرحوم الشاعر بجاد بن حمدان المربوث الحربي، وبعد أن تبادلنا معه السلام، قال: ألا توجد معكم قهوة ؟ قلت له: بلى، قال: إنني دائخ على القهوة، لأنني لم أذقها منذ يومين، حيث ضاعت الإبل، وذهبت أبحث عنها، ولم أجدها إلاّ اليوم هنا، ولا يوجد لدي أي طعام، أو ماء، أوغيره 0
قال محمد الجويدي: فاستنزلت رفاقي، فنزلوا عن ركابهم، وقيدوهن يرعن، فأنخت ذلولي، ونزّلت مما عليها قهوة، وجميع موادها وأغراضها، وماءاً، فقيدت الذلول، وتركتها ترعى مع بقية الجيش، وأحضرنا حطباً، فعملت قهوةً، وبعد ما تقهوينا، واسترحنا، بعض الوقت مع بجاد، استأذنا منه، وقمنا إلى جيشنا، قال بجاد: خذوا قهوتكم، وأغراضكم 0 قلت: لا، لن نأخذ شيئاً 0 قال: لمن تتركونها ؟! قلت: لك 0 قال: يا محمد، أرى على ذلولك عفشاً زائداً، خيراً إن شاء الله ؟! قلت: أبشرك أنني معرس، وهذا الأثاث هو مهر العروس 0 قال بجاد: مبروك، واعتبر ذاك القعود لها لتركبه ( وأخذ يشير بيده إلى أحد قعدان إبله ) عانية مني لك، متى ما أردت تأخذه خذه 0 قلت: عساك قوي 0 ومضينا نسير نحو ركابنا فناداني بجاد قائلاً: يا محمد 0 قلت: نعم 0 قال: إن قدرت أن ترسل إليّ قعوداً، أرسله 0 قلت: إن شاء الله (1)، وبعد فترةٍ من الزمن، طلقت الزوجة التي أعرست عليها، وأصبحت أعاني من بعض الظروف، فتجهّمت لي الآمال، وذات يوم كنت في قمة جبل، فتذكّرت وصية بجاد لي، فقلت هذه القصيدة، وبعثتها إليه، ولكنه رحمه الله، توفي قبل أن يصلني منه ردٌ عليها:

عديت أنا وأشوف شوفٍ وراء شوف = شوفٍ قريب وشوف يـم المشافـي
الشوف الأدنا صابني عنه عاصوف = والشوف الأقصا متقٍ ما يشافـي
الله من قلبٍ حرق واحرق الجوف = ضو السعاير بالصناديق خافـي
طلبت أنا منه السكينه بـمعروف = أبي اتعافا قال ما من عوافـي
يا عاد أنا بالقيل مبلي ومكلوف = ما احدٍ تهيّض هيضتي واختلافـي 2
غديت مثل اللي على راس قفقوف = عودٍ تومي به هبوب الهيافـي
لاجيءٍ لجأ من بين ضلعان والجوف = بيح خفا قلبي وبيّنت ما فـي 3
يا راكب من عندنا فوق منحوف = هيّاف قطّاع الديار الفيافـي
أشقر حمر مترفعٍ ماله أوصوف = طولٍ وجل وكلما منه وافـي
يشدا ظليمٍ هج مع راس شفشوف = ما قلّبو خفه من القاع حافـي 4
بين الاثنين معرّب الأصل منصوف = بين الشمالي والجنوبي أنصافـي
وفوقه قراميشٍ بعد ما بـهن حوف = وايضا عليه مسددٍ ما يخافـي
معه مكاتيبٍ من القيل منقوف = وأمثال من قلبٍ فهيمٍ ألطافـي
من عندنا لبجاد نزّال بالنوف = بنّاي بيته في طويل الشرافـي
ما لفّته بين الدواوير من خوف = يبدي عليه الجار وإلاّ يضافـي
قبل طرف والبيت طرافه اوقوف = وذولا مقابيلٍ وذولا مقافـي
اقول وإلا ما على بالي احسوف = إلا ولاني خايفٍ من قوافـي
سلّم على اللي ريف مَنْ ماله اريوف = لا قل معروف الهبود الرهافـي
حكاي بالغيبات للستر كاشوف = كشّاف عن غيب الرفيق اللحافـي
موس القفا وامراية الوجه متلوف = سمّام نـمّام كذوبٍ اهلافـي
وإن جاء لزومٍ لازمٍ راعي اردوف = يصبح سمادٍ عقب الاوناس طافـي
وإلا بعد رسٍ ولو كان مصيوف = عد الظمأ لو جاه سيلٍ صيافـي
على الرفاقه والمعازيب ذايوف = وإلا على العدوان برد وعوافـي
يا بجاد يا مشكاي قل لي وش الحوف = لا صار أنا بحلان كيف احترافـي
كيف المحايل يا هوا كل غطروف = يا شوق مجلي الثمان الرهافـي
ما يرتهي بأدلاية الصيد مكتوف = ولا يرتفع طير الهوى بالكتافـي
وأنت الفهيم وعبّر القيل بحروف = واعرف مرامي يوم سويت قافـي

الحاشية
(1)- يعني بارسال القعود: ارسال قصيدة يوجهه إليه ليرد هو عليها، لأن القصيدة حينذاك تكون بدايتها بارسال راكب قعود أو ذلول، يوصى الشاعر راكبه بايصال القصيدة إلى الشخص الذي تسند إليه، حسب ما جرت عليه العادة عند الشعراء 0
(2)- يا عاد: مادام 0
(3)- الجوف: لجوف، ومفردها لجاف: وهو حفر في جانب البئر ، أو أكل الماء من نواحيها، وهنا استعمله الشاعر، من باب المجاز اسماً لما يقع داخل جوف الإنسان 0
(4)- ظليم: ذكر النعام 0 

6- الظلام اذهب النور !

كثيراً ما يكون بين الشعراء ترابطٌ، وتكاتفٌ، فيعبرون عن نصرهم، وتأييدهم، ووقوفهم إلى جانب الحق، أو تخليهم واستنكارهم، 
وتنصلهم من الباطل، فلا يبرحون يعالجون بعض المستجدات الاجتماعية، كما هو الحال مع بعض الشعراء، الذين أثار قرائحهم، وهيّج مشاعرهم، وألهب حماسهم، الشاعر محمد بن حمود الجويدي، بقصيدته التالية، والتي قالها حول انتشار غلاء المهور، بين شرائح المجتمع، بشكلٍ يبعث على الأسف، والقلق، حيث أصبح عائقاً لزواج الكثير من الشباب، الذين لا يملكون تلك المبالغ الباهضة، فضلاً عن ما فيه من خطورة، ومخالفة لجميع القوانين، والتشريعات، واختراقاً للاتفاقيات الاجتماعية، للحد من غلاء الأسعار، كالإجماع على وضع حد أقصى للمهر مقداره ستين ألف ريال، تدفع لأهل العروسة، وكلّ من أخذ أو دفع أكثر من هذا المبلغ يعتبر خارج دائرة مسمّى الجماعة، وغير متضامنٍ معهم، فلا تحضر وليمة زفافه، ولا يُعطى أي مساعدة 0
فيقول الشاعر محمد الجويدي:

هات القلم واكتب على قدر ما صار = أبياتٍ من هاجوس منهي ومأمور
يؤمر على المنهاج مع درب الأخيار = وينهي عن أهل الظلم والغدر والزور
نبي لنا يا فالح الرأي مسيار = يم الرجال اللي لهم يرجع الشور
أهل الشرف والمجد والعرف والكار = نسعا بخير وصاحب الصلح ماجور 
البارحه عندي على يمين ويسار = جملة هواجيسٍ عسى خير واسرور
اكنها لاشك يبدن الأخبار = ولا يختفي علمٍ مع الناس منشور 
العلم واضح والهدف بيع الأحرار = عيب وحرام البيع والمشتراء جور 
بئس الرجال اللي اخذو قيمة العار = لا يربح الشاري ولا ذاك مشكور  
بيع اللحم والدم منكر ومعيار = والشرع ما أجازه ولا هو بمأثور
والظالم الأول قرارٍ بلا إنكار = بيّاع دمه بالقراطيس مثبور
يبي التجاره من ثمن دمه الحار = هو ما درا أنه بعض الأيام معثور
نبي نسجل له مع العار والمار = أوراق عن قصة حياته بهالدور 
وان كان ما بالمجتمع صوت شعّار = شابت وعابت والظلام أذهب النور 
وين الرجال اللي يعدون الأنوار =  ما عدهم يدرون أو ما هم احضور 
ما هاجمو باللوم عميان الأبصار = اللي عليهم نقص تعليم واقصور
ولا للنسب عند المساكين مقدار = ومَن لا اعتبر حقه مقصر ومغرور
وهليل الله يرحمه والدٍ بار = جوز بناته طيب ما يأخذ مهور
وعقّب وصاه الله يجيره من النار = يعل ابن حمدان في جنة الحور
ومن لا يبي دربه يبيّع ويختار = خله يبيع ويشتري بالثمن مور
خوذو معه يا هل الدواوين مشوار = تعبرو به عدة أيام اشهور
وتـم الجواب الخاص في زود الأسعار = واسلم عساك بنية الخير مذكور
وصلاة ربي عد ما سايرٍ سار = وما غرهد القمري على نايف القور 
على النبي الهاشمي سيد الأبرار = صلو عليه وصاحب السوء محقور

الحاشية:
(1)- الكار: بمعنى العادة المشرفة 0
(2)- يبدن: يظهرن وينكشفن 0
(3)- جور: ميل وظلم 0
(4)- العار: العيب، وكلّ ما يعيّر به الإنسان من قولٍ أو فعلٍ، والمقصود به هنا المحرم، وما يلزم الإنسان، حمايته، وحفظه، وإن أهمله، ولم يتغضّب له، ولم يعتبره في ذمته، وضمانه، لزمه اللوم، والتعنيّف 0
وهو مأخوذاً من الفعل الأجوف التلاثي عار عَيْراً، وهومتعديّ، فيقال: " عار أو عيّر فلاناً بكذا "، أي نسبه إليه، وقبح عليه فعله 0
(5)- ولا هو بمأثور: أي لايوجد فيه أثرٌ للمآثر والمكارم، والأفعال الحميدة، المتوارثة جيلاً عن جيل 0
(6)- العار: الشخص الذي يجلب لغيره الأذى، والعيب والمسبّة، والأمرالقبيح، الذي يلطخه به 0 وهو مأخوذاً من الفعل 
المضاعف الثلاثي عَرَّ عَرّاً، وهو متعدي ولازم، ومن معانيه عُرَّ الجملُ: جَرِب، أي اصابه الجَرَب 0 ومن معانيه متعدي عَرَّه: ساءه 0 وعَرَّه بشرِّ: لطّخه بشرّ، وأصله من الجَرَب أي أعْدَاه شرُّه 0 بهالدور: بهذا الدور، أي في هذا العصر 0
(7)- شابتْ: صارت حالة المجتمع ذات شوائب، أي عيوب، وأدناس، وأمور مخيفة 0 أذهب النور: أزال النور من مكانه 0 أي حالة المآرب الدنيئة، والشرّ عند بعض الناس طغت على حالة الحقّ عندهم 0
(8)- يعدون الأنوار: يعدون: يظهرون 0 الأنوار: عكس الظلمات، ومفردها نور: ويعني العلامة، والوسم، والذي يبيّن الأشياء، والضؤ أياً كان، وهو خلاف الظلمة، والمقصود به هنا إيضاح الحقّ بالحجج، والبراهين 0 ماعدهم: ما كأنَّهم 0 احضور: حرف الألف: زائد للضرورة الشعرية، وهي تحسين اللفظ واستقامة الوزن 0 حضور: موجودون، ومشاهدون 
(9)- هليل: يقصد هليل بن حمدان بن سعيلي الكليخي العلوي الحربي، وهو من خيرة الرجال المتمسكين بالعادات الطيبة، وشاعرٌ مجيدٌ يحث على التمسك بها، قال العديد من القصائد، في مختلف المجالات والأهداف، له هذه الأبيات عن غلاء المهور، وهي التي يشير إليها الشاعر محمد الجويدي بذكر هليل، حيث يقول الشاعر هليل مخاطباً ابنته الطفلة آنذاك، والتي تدعى غريبة:

يا غريب الزين يا بنتي غريبهيا غريب الزين يا عين المهاتي
بنت عودٍ ما تحيّل في نسيبـه = ولا تعلـم للعلـوم الخايباتـي
حالفٍ عن بيعهـا والله رقيبـه = واعقبو ياللي تبيعـون البناتـي
وين هرجه بالمجالس وين طيبه = باع بنته بالشروط المعجزاتـي
يا نديبي راكبٍ فـوق النجيبـه = علّم اللي يشتهـون الطايلاتـي
بيعهن عند النشامـا نستعيبـه = ما جرى بسلوم نجد المقدماتـي

 ماهو بمعذور 

وللشاعر/ حواس بن غازي الديري الكتمي العلوي الحري، هذه القصيدة قالها معارضةً وتضامناً مع قصيدة محمد الجويدي الحربي " الظلام أذهب النور " حول غلا المهور:

يوم الجويدي شب للداعي اشعار = حنا إلى منه دعا الداعي احضور
يا محمد ابن حمود ما قلته إقرار = واقول يا ريف المسايير مشكور
مشكور يا ريف المسايير والجار = صبت الهدف سلمت من كل عاثور
يا شاعر في بعد الأمثال بيطار = قلت الصحيح وقايل الحق منصور
عالجت وضعٍ داخل المجتمع ضار = قضيةٍ يبحل بها طب دكتور
رسمت لك رسمٍ بقي نوع تذكر = ومن لا بغا زود السلامه بحادور
وأنا معك وأقول ياواف الأشبار = من باع عوراته ذليلٍ ومقهور
سلك طريق الذل والعيب والعار = وعن الشرف والطيب مبعد ومدحور
ورجلٍ بليا بأس ضايع ومحتار = والذل في قلبه مقيمٍ وممهور 1
يبي الغناة من الثمن عقب الإعسار = وبيع العذارا بزايد السعر محذور
عيبٍ ومنكر بيعهن سر وجهار = وراعيه عن درب السنع تقل مديور
ولا قلت له مخطيء يليّم لك أعذار = وراع الخطأ لو قال ما هو بمعذور
وأنا ما أعم الناس والحق يندار = أستثني اللي ما  يجي منهم قصور
أهل الوفاء اللي بالملازيـم حضار = كم واحدٍ بالطيب والعرف مشهور
ما ألوم ناسٍ بالشكاله لها أذكار = الكل منهم دون عانيه ممرور
اللي لهم مع سكة الجود معيار = ومن قارب الأجواد يربح ومسرور
ألوم من باع الشهامه بدينار = والمجتمع من فعل شرواه مخطور
وصلو عدد مَنْ حج للبيت زوّار = وعد النبات وعد ما تدرج نـهور
على النبي ما هل همّال الأمطار = شفيع الأمه يوم حاشر ومحشور 2
الشاعر/ حوّاس الديري الحربي

(1)- ممهور: مُغْراء ومشغول 0
(2)- عانيه: العاني: اسم يطلق على العاني وعلى صاحب العاني، وحرف الهاء في (عانيه) ضمير يعود على الشخص المعني بالعاني، والمطالب به 0 ويعني العاني كل ما كان حقّاً وحجةً لصاحبه على غيره، ومُلزِماً للمعنى به بواجب وحق صاحبه عليه 0
ومن العواني: صلة القرابة، الرحم، سابقة معروف وصنيع، أوجوار، أو خوّة (رفقة في سفر أو زمالة في عمل)، أوحلف، 
أوغيرذلك 0 ممرور: ذو نخوة ومروءة، قوي العزيمة، أبي لا يقبل الضيم 0

7- أكبر مذله وتحطيم ? 

وله مسنداً إلى حوّاس الديري: 
هات القلم واكتب جوابٍ على لام = شدّه وحدّه لين ياقف على ميم
يرحّب به المشتاق رسمٍ بالأقلام = وحرف المشد امْقسّمٍ فيه تقسيم
مع التحيه والمحبه والاكرام = من هاجسٍ لا ضام مسلم ولا ضيم
للشاعر اللي ما مشا درب الأوهام = ولا لفّق المعنا على غير تنظيم
حوّاس ابن غازي على منهجه دام = منهج شرف ويحكّم القاف تحكيّم
له دايـمٍ عندي تحيات الاسلام = وأزكا سلامي عد ما غيم الغيم
ألين من الماهود عن جملة الخام = وألذ وأحلا من حليب المرازيـم
يبقا على طول الليالي والأيام = عند الرجال أهل الوفاء والملازيـم
من المجالس يرفعونه للأعلام = عبر الاذاعه بين رحّال ومقيـم
هديةٍ يدري بـها الخاص والعام = ما أبي بـها دنيا ولا زود تكريـم
لحيث ماني من أهل القيل ظلاّم = اسمح عن الجاهل ولا أصاحب الليم 
أخاف وأدرا واحدٍ باللقا سام = اللي على الغايب يدوّر مثاليم
إلى تكلّم قلت ياوي ضرغام = هذا الأمير اللي يحكم الأقاليم
وإلى عرفته لا تحطه لك احْزام = خلّه مع اللي كنهن شرّد الريـم
يسرح ويـمرح وإن بغا يأخذ الزام = تقضي حياته بين سجّه وتنعيم
وأنا عرفت وشفت عامٍ بعد عام = وأخذت من كثر التجارب تعاليم
لقيت ناسٍ ما يحبون قدّام = أهل الوراء سود الوجيه المظاليم
تلقا لهم ما بين الأجواد نـمام = لو ما لقو غيبٍ يحطون ترهيم
الله لا ينعم عليهم بالأنعام = ويهب لهم عن نية الخير تحريـم
تأدّبو لإبليس تأديب خدّام = مشو وراءه ووقعو بالأباهيم
وصلاّ بـهم شرق ويـمن وانقلب شام = عن سنة محمد وملّة ابراهيم 
واستعملو من كيفهم قطع الأرحام = ورضو على شِيب النواصي مقاديـم 
صارن عليهم بآخر الوقت حكّام = صيحة خلا وأكبر مذله وتحطيم
والعلم الأول عندهم مثل الأحلام = على ما قالو قالة الناس بشريـم 
خَذْ الكلام وتابعه كان هو تام = واقبل تحياتي وصلاةٍ وتسليم
على النبي الهاشمي سيد الأنام = اللي عطاه الله محبه وتعظيم
الشاعر/ محمد الجويدي الحربي                       



(1)- الماهود: قماش من الحرير، لين الملمس 0 
(2)- الليم: اللئيم، أي البخيل، الدنيء الأصل، الشحيح النفس، المهان 0
(3)- ضرغا: أسد، شجاع، قويّ 0 الأقاليم: مفردها الإقليم، أي قسم من البلاد كالمنطقة الشرقية، والغربية 0
(4)- ترهيم: انتحال، أو تزوير 0
(5)- يهب: يعطي، ويهيئ 0 
(6)- صلَّى بهم شرق: كناية عن الإحراف، وتغيير مجرى الحياة، إلى حالٍ سيئة 0
(7)- شِيب النواصي: كناية عن شمط مقاديم الرؤوس من النساء، أي المسنات منهن 0
(8)- ما قالوا الناس بشريم: شُرَيْم هو تصغير أشرم، أي مشقوق الشفه، وهو مصغّر تصغير ترخيم ، لغرض التدليل، أو استحقار فعله، وهو على القياس أُشيرم، والمقصود بـ " قول الناس بشريم " مثل شعبي دارج بين الناس، وهو قولهم: " شُرَيْم يضلع من برطمه " أي يعرج بسبب إيلام شق شفته 0
ويقصد الشاعر بذلك إن ثمّة مَنْ يهمل الواجب، الذي يخصه، أو يعجز عن أدائه، فيلتمس أقرب مبرر مناسب، يعزو إليه تقصيره في واجبه، ليوهم الآخرين بأنه لم يتخلَّ عن أداء واجبه إلاّ لهذا السبب 0

 ببصمة الذل تبصيم ?

رد الشاعر/ حواس الديري، على قصيدةٍ الشاعر محمد الجويدي السابقة " أكبر مذله وتحطيم ": 

قال الذي سوّى التماثيل بإحكام = متعلمٍ ما هو بحاجه لتعليم
يا الله يا معيش الضعافـي والأيتام = رحـمتك يا منشي المزون المرازيـم
رب العباد وللخفيات علاّم = من لاج بك يأمن من الخوف والضيم
ومن بعد ذا ما خط باللوح رسّام = يا مرحبا مع زود قدرٍ وتحشيم
تحيةٍ بإخلاص نبدأ بها شمام = أحلا من السكر بدر المجاهيم 1 
للشاعر اللي بالأدب يحمل اوْسام = بيطار في نظم التماثيل وافهيم
عد الرواء ما قالو اوروده احْيام = لا صار للشعّار محكم وتنظيم 2
و هو الجويدي من عقب ناسٍ احْشام = لا عدو أهل الطيب له فيه تقديـم
محمد ابن احمود بارع ومقدام = وله بالسخاء والجود حظ ومقاسيم
هديتك وصلت سِلِم شخصك ودام = ومشكور يا عقب الرجال الشغاميم 3
واللي ذكرته شايفينه له أعوام = ناسٍ تليم خاير الهرج تلييم
سلعة رداء يركض بها نذل وخمام = بأرخص ثمن يبيع حظه إلى سيم 4
ناسٍ على درب الرداء تبني اخيام = على الرداء حطو حدود ومراسيم
ولأتباعهم رزو بنايات وأعلام = وتجمعو فيها كبار البلاعيم
ذولا عساهم للمذله والإعدام = اللي على هرج القفيا مواليم
في غيبتك يمشون عجلين واهمام = وإلى عطيت الوجه قفو مهازيـم 5
هذا مرض بالمجتمع يورث أسقام = المجتمع منهم بدا فيهم تقسيم 6
ومن يزرع الفتنه مع الناس ينلام = دايـم عليه من أهل العرف تلويـم
بعروض خلق الله يسري الليل ما نام = وعيب الردي ملثّمٍ فيه تلثيم
ولو شاف عيبه كان عن مهنته شام = حيث ان جوّه دايـمٍ فيه تعتيم 7
اما الذي تذكر مثل وصف الأصنام = اللي عليهم يصدرن التعاميم 8
تصدر عليه أم العيال من الأحكام = والخوف منها دايم بقلبه امقيم
طير المذله في فضاء جوهم حام = ولأم العيال يسلّم الرأي تسليم
عيبه على متنه وفي خشمه أخزام = ومبصّمٍ في بصمة الذل تبصيم
هذاك جعله دايـم الدوم منضام = رادي النصيب اللي عن الواجبه نيم
لحيث ماله مع اهل الطيب مسهام = الفرق واضح دون شكٍ وتوهيم
ويوم أنت من ناسٍ عزيزين واكرام = اسلم فداك اللاش يا طيب الخيم 9
والمسك والعنبر لما قلته اختام = واقبل تحياتي عسا عمرك امديم
وصلاة ربي عد ما سارت اقدام = على النبي اعداد ما يمطر الديم
الشاعر/ حوّاس الديري الحربي

(1)- شمام: أول 0 در المجاهيم: حليب النياق السود 0 والمقصود در الإبل، من تسمية الشيء باسم بعضه 0
(2)- عد الرواء: المورد الكثير الماء المروي 0
(3)- الشغاميم: شغاميم: جمع شغموم، أي: الطويل المليح 0
(4)- خمام: رذيل 0
(5)- همام: جمع همّام، وهو: مَنْ إذا همّ بشيء أنجزه0
(6)- أسقام: جمع سقم، أي: مرض 0
(7)- شام: عزفت نفسه وعاف 0 تعتيم: تظليل أو ظلام 0
(8)- التعاميم: الأوامر، والمقصود أن بعض الرجال يستحسن الأخذ برأي أهله بكل كبيرة وصغيرة، فيترك لهم حرية التصرّف، والاختيار، حتى يفقد قيمته كرجل، ورب أسرة، يعود إليه أمر المسئولية عن ولاية أهل بيته، والقيام برعاية شؤونهم، ومراعاة ما فيه صلاحهم ونفعهم 0
(9)- الخِيم: الطبيعة السجية 0


 


تم تحرير الموضوع بواسطة : نافل علي الحربي
بتاريخ: 26-08-2019 01:53 مساء





26-08-2019 02:03 صباحا
مشاهدة مشاركة منفردة [1]
نافل علي الحربي
menu_open عضوية موثقة
مدير المنتدى
rating
معلومات الكاتب ▼
تاريخ الإنضمام : 27-07-2019
رقم العضوية : 2
المشاركات : 335
الجنس : ذكر
الدعوات : 1
يتابعهم : 0
يتابعونه : 1
قوة السمعة : 10
موقعي : زيارة موقعي
 offline 


8- بالمظامي عمارات  
          
    (( محمد الجويدي )) 
وله مسنداً إلى حوّاس الديري الحربي: 
قال الذي يبني جوابٍ على صاد = متعلمٍ ما علمه كثر الأصوات
إلاّ إلى جاه صوت من بعض الأمجاد = ارفع لهم بحجاج عيني درجات
وأنا ما أحب اللي يحبون الأنكاد = ولا أعاتب المرضا ولاني ببهات
أخاف ربي واحترم سيد الأسياد = ربٍ تعالا فوق سبع السموات
هو الكريـم اللي بجوده لنا جاد = مده ولا مد اليدين البخيلات
وأنا عرفت وشفت وأدري بعبّاد = وأخالف أمره وأبتعد عنه بسكات
وإن نالني معروف ما اكون حجّاد = اسمح واسامح وانتبه للرسالات
خذ الكلام اللي تكلّم به استاد = أحلا من الشكر على در خلفات
يا مرحبا باللي على روس الأشهاد = أرسل جوابه بالبيوت العفيفات
وأحيا ضميرٍ عن هل السوء بحياد = لا ماشيٍ معهم ولا عندهم بات
هذا المراد وكل شخصٍ له مراد = ولا بد ما قالو هذاك الرجل مات
والعلم الأيـمن له مبادي وقياد = وعلى بعض ناسٍ دروبه صعيبات
عاش الأديب المحترم حيث ما أراد = يا مرحبا به من اهجوسٍ كريـمات
حوّاس ابن غازي صدوقٍ بالأوعاد = له التحيه والشرف والمساوات
أبدي له الواجب ولو كاد ما كاد = وأنا معه مهما تكون الكلافات
وأشرح له الموضوع أطلب له إسعاد = من دولة المغرب لحد الأمارات
حيثه شباب وعن بعض سنته زاد = والطيب أخير من الرداء عشر مرات
واللي ذكر موجود في بر وابلاد = ناسٍ يبيعون الحساني بسيات
ألومهم وأدعي عليهم بالإبعاد = يعل ماهم حولنا بالقرابات
سود الوجيه اللي على الشر نواد = تلقا مجالسهم على ودّه وهات
حسبي عليهم فاختو سَلْم الأجواد = واسترحلو هرج القفا والمناوات 
أقول يا فاطن ترى بعض الأفراد =  يبنون في روس المظامي عمارات 
خذ ما صلح منهم وخالف هل الواد = والناس تدري بالمنازل حشرات
وأنا ما أعم الناس والعلم ورّاد = ألوم ناسٍ يكشفون الخفيات
وأقبل تحياتي بلا نقص واحداد = واسمح حماك الله من كل الآفات
وآخر عدد ما عمّد الصبح وانقاد = على النبي مني سلام وصلوات
الشاعر/ محمد الجويدي الحربي                       
الحاشية:
(1)- ودّه وهات: أي أن أحدهم ينقل من المجلس كلاماً بطريق النمامة، ويأتي بمثله 0 
(2)- المناوات: المناوأة، أي المفاخرة، والمعارضة، أوالمعاداة 0
(3)- روس المظامي: رؤوس المظامئ، أي أبعد أماكن العطش، ومظامئ مفردها مَظْمَأ، أي مكان الظمأ، وهو المكان الذي لا ماء فيه، والذي تقضي فيه الرعية مدة ظمئ، والظمئ: هو مدة ما بين الشربتين، أي فترة غياب الرعية بعيداً في طلب الرعي، في فصل الصيف 0
وتختلف أسماء الأظمأ من اختلاف مددها، فمن أظمأ الغنم ما يسمّى عُرَيْجاء، وسمّي بهذا الاسم من تسمية الكلّ باسم البعض، وذلك لأن الغنم ترد فيه كلّ عريجاء، أي كلّ منتصف نهار في القيظ، حين شدّة الحر 0 وطمئ غِب، والغِب: الشرب يوماً بعد يوم 0 والرِبْع: وهو الشرب يوماً بعد يومين 0
ما ظمئ الإبل، فهو خِمس فما فوق الخمس، وهو البقاء ثلاثة أياماً دون شرب، لأنها لا تشرب إلاّ باليوم الخامس، إذا عد يوم الصدر زائد ثلاثة أيام في المظمأ، زائد يوم الورد، الذي ترد الإبل فيه، ولا تصل الماء إلاّ وقت المساء ، فتشرب، وتبات، وعند الصباح تعلّ، أي تزوّد من الشرب، ثم تصدِّر، ويقال: " خمرتْ الإبل " أي وردت مساءاً، وباتت على الماء، فهي خامر جمع جمير 0
ويقصد الشاعر هنا من بناء العمارات في أبعد الأماكن عن الماء والناس، الكناية عن الكذب والافتراء، والكلام البعيد عن الحقيقة 0


مروجين الاشاعات 
                                                                                                    
وله مسنداً إلى الشاعر/محمد الجويدي الحربي:
بديت بسم اللي له الخلق سجاد = المطلع بالبينه والخفيات
اللي بسط سبعٍ وجعل لها أوتاد = وسبعٍ رفعها بلا عمد محي الأموات
ومن بعد ذا بديت ببيوت اجداد = ولمحمد ابن حمود وجهت الأبيات
حيث الجويدي في معانيهن استاد = وله عادةٍ بالفوز ياخذ علامات
حكيم له عسرات الأبيات تنقاد = لو كان عسراتٍ يجن له مطيعات
وأنا أفتخر به كان هرج العرب زاد = في وقتنا الحاضر وفي فايتٍ فات
 يعطي الخبر أن صار للعلم نشاد = شاعر وله في ما قف العز وقفات
 يا الشاعر المعروف وان جاء به اعناد = مواقفك عند الجميع امعروفات
 والطيب والناموس لك فيه مسناد = لا جاء مجال أهل الشرف والجمالات
ارسلت لك معناي من غير ميعاد = أبيك تعطينـي احلول امصيبات
اشوف ناسٍ دايـم اسيوفها احداد = بـهرج القفا لها مغازي وهدات
ولـهم على حش العراقيب ميعاد = الله لا يثري ثراء كل شمات
يضحك لك بسنه وهو خافقه صاد = وتلقا عليه من المنافق علامات
أشوف أبو وجهين له ربع وأنداد = على الرداء جاء له ربوع وعصابات 1
ويشن غاراته على ناسٍ أجواد = يضحك وهو يرميك بالنار بسكات
ومن عاش بالحيلات بالغدر ما فاد = ولا عاش من هو عايشٍ بالحيالات
والحر الأشقر عقب ما كان صياد = اليوم عقب الصيد يبغا السلامات
 البوم صايد وأشقر الريش منصاد = يشوف في وقته من الضيم عينات
كثر الحسد هو والتباغض والأحقاد = والغدر له عينه بـهالوقت بالذات 2
أشوف هرج الصدق ما عاد ينراد = بعض العرب يحب هرج الدعايات
ويوم أنت بالمعنى فهيمٍ ونقّاد = وش رأيكم بـمروجين الإشاعات
اللي لهم بالكذب مصدر وميراد = ولا عندهم للي يقولونه إثبات
وإلى سكتنا عن حكي كل ثرّاد = الحيه الرقطاء تلد عشر حيات
ودي نكافح خارب الطبع باجهاد = ونحط له على حبينه علامات
وان كان خلا الطبع الأول ولا عاد = جعله مهف مقيط من غير رجعات
واقبل تحياتي بلا حصر واعداد = واسلم عساك امجار عن كل الآفات
وصلاة ربي عد ما حن رعّاد = على نبيٍ حارب أهل الضلالات
الشاعر/ حوّاس الديري الحربي

الحاشية:
? انظر رد محمد الجويدي  " بالمظامي عمارات " ص 96 0
أنداد: جمع ند، بمعنى: مثيل 0

9- شرواه خاسي *
    (( محمد الجويدي )) 
وله مشجعاً لعددٍ من شعراء مدينته، ومنهم سعود الوصّي، وهادي البسيس، وحوّاس الديري، ومشاركاً وحاثاً لهؤلاء الشعراء، على التصدي لما يفرضه أصحاب النفوس الضعيفة، والمبادئ الهدامة، من عادات سيئة، مخلّة بالآداب، والأعراف:
البارحه عندي طواري وهوجاس = توافقن متخالفات الجناسي
وأصبحت منهن ضايع الفكر منحاس = واصغيت للماضي وأنا قبل ناسي
من طلعة البيضاء إلى وقت الادماس = وأنا اتفكر وش سبايب اعماسي
ما ادري خطأ مني لقف لي عقب ياس = وأنا أحسب أني بعض الأيام قاسي 
وإلاّ عرض لي واحدٍ شبه بلاس = يبي يسوي بالطريق التماسي
وأخذت من ضو الرجاجيل مقياس = أبي أشترك معهم ولا فيه باسي
اسعود ابن محسن وهادي وحوّاس = أعدهم مثل الجبال الرواسي 
ما دامهم في ماكر العز جلاّس = أنا أبا اقول أن الشرف ما يداسي
للمجتمع منهم معزه ونوماس = وارجال بالمرصاد ضد المآسي
وإن تاه مع سوق الطمع بايع الباس = خلّوه ياقف بالطريق امتواسي
أعزهم وأرفع شرفهم على الراس = وابليس باللعنه وشرواه خاسي
نبي نقول فلان تدري به الناس = يأخذ نصيبه في حياته تعاسي
خلّه يبيع ويشتري بوق وافلاس = والناس تدري بالذهب والنحاسي
هذا هواه اللي مسميه لحّاس = عليه من لوم الجماعه مكاسي
جعله مهف مقيط وادهام دوّاس = وقريح والمبعد خوي الدماسي
والظاهر أن الدار عيبه من الساس = الخط واضح والمعلم اسياسي
خذ الجواب اللي بمعناه حساس = وما جاك من الطقات خلّه براسي
الشاعر/ محمد الجويدي الحربي
 
بين الحفيفين قاسي *
مجراة الشاعر/ سعود الوصي لقصيدة الشاعر/ محمد الجويدي السابقة:
بديت بذكر اللي خلق كل الأجناس = اللي بسط أرضٍ ورسّى مراسي
اللي خلق ناسٍ بعد ناس من ناس = ناس تروح ويطلع الكون ناسي
جبت القلم والحبر واحضرت قرطاس = احضرت له فكري وحضرة إحساسي
وفتلت ابيوتٍ مثل ما يفتل امراس = اطلع على العلياء واكب الخفاسي
جتني بيوتٍ مذْرَبه مثل الأمواس = حاده وحدتني ابيوتٍ قواسي
من الشاعر اللي للصعيبات مدباس = مدباس ظلماء بالليالي المساسي
الشاعر اللي بالقسا مثل جساس = لا صار ما بين الحفيفين قاسي 1
أبو حمود ببحر الأشعار غطاس = أديب بالمعنى حكيمٍ مواسي
يوم المنافق حد موسه والأضراس = عليه صبيت الرصاص السلاسي
اللي عمل بين الأجاويد لولاس = كذّاب نمّام خبيثٍ اخلاسي
بعض الرجال ايقال له نذل واهلاس = اللي على الغايب يحد الضراسي
كم واحدٍ من سبته يوجس اوجاس = يضحك احجاجه مار قلبه نجاسي
والناس فيها اجناس من قبل ابن واس = إلى وقت نوح ودور برسيس ياسي
هذا وأنا ماني على الناس دبّاس = ولاني على الغايب بلوسٍ ادباسي
اسكت واجامل واترك الهرج لا باس = إلاّ إلى فرّ الهبود الملاسي
أطق حنكانه مثل طقة الكاس = بيدين ورعٍ طق كاسٍ بكاسي
الشاعر/ سعود الوصّي الحربي

الحاشية: 
1- جساس : هو جساس بن مرّة ، قاتل كليب بن ربيعة ، أخ الشاعر الشجاع المعروف المهلهل ، والذي بسبب قتله لكليب ، دارت حرب البسوس ، مدة 40 سنة ، بين قبيلة بكر وأختها قبيلة تغلب ، والبسوس : ناقة لجارة لجساس قتلها كليب 0 الحفيفان :  مثنى الحَفّ ، هو المعنيّ بالأمر ، المهتمّ به 0


على الطيب راسي *
 
 وللشاعر هادي مساجلةً مع قصيدةٍ للشاعر محمد الجويدي الحربي السابقة:         
البارحه جاني جوابٍ كما الماس = قافٍ سمعته من جواهر وماسي
وأخذت لي مع بحر الأفكار مرواس = وقدت السفينه بالبحر للمراسي
وقاف الجويدي صار له رد وإحساس = شغله شغلني لين ثوّر إحساسي
يا أبو حمود إن كان للعدل قيّاس = وقفتك مع عز الشرف ما تقاسي
وحنا معك لا صار للحبل مسّاس = إن جاء بعميان الضمير انتكاسي
راس العيا نقسم له الراس بالفاس = ونعطيه شربة سم ضد الغساسي
ويشرب عياه من الأواليد بالكاس = ومن الكحيله نجدعه بالمداسي
واللي حديده بين قصدير وانحاس = لازم يصديّ لو ترب النحاسي
عوج العصي ما تنعدل عقب الايباس = عودٍ عصا مع عوجته واليباسي
أشوف ناسٍ مثل دقات الأجراس = تلعي على غير السنع بالحساسي
وجندي ابليس اللي على الناس جساس = الله يغش أهل القلوب الغشاشي
بعض العرب يهرف تقل فيه وسواس = يجيب من هذا لذاك الدساسي
ومن بالوشايه يبرد الحزن والياس = يقضي حياته بالوزاء والمآسي 1
واللي يـموح أخطاه مع لين الأطعاس = لا بد ما ياطا الحسك والهراسي
وسلمت يا أبو حمود للعدل نبراس = نعم الرفيق اللي على الطيب راسي 2 
 الشاعر/ هادي البسيس الحربي
الحاشية:
1- المآسي : جمع المأساة ، وهي الفاجعة ، وكلّ حادثة تحمل على الحزن 0
2- النبراس : السراج 0
                      

10- ورقم البطاقه *     
    (( محمد الجويدي )) 
وله مخاطباً سعود الوصّي الحربي: 
دنت هواجيسي وغنيت مشتاق = تشريف والتشريف باب الصداقه
حيث الجواب الزين من بين الأصداق = زرع المحبه والوفاء والعلاقه
بالعرف والمعروف واسباب الأرزاق = دايـم لعصمان الشوارب علاقه
والرزق عند اللي للأرواح خلاّق = وهايبٍ ما هي نـهايب اسباقه 
وأنا ما أحب اللي بالأعراض دقاق = موس القفا وامراية الوجه عاقه
ولاني لغرات الأجاويد سرّاق = وأهاجم اللي يشتغل بالسراقه
ابيع واشري بالمعاني وتنساق = واسوقها تـمشي بليا حماقه
يـم الرفيق اللي تفوّق بالأخلاق = والعلم الأيـمن والسخا واللباقه
يا ابو طلال ادعي لك بطيب الأوفاق = وأنت الذي ياسعود حماي ساقه
من حيث ما وجهت للعلم سباق = وإلى بغيت اقول مرضي رفاقه 
على وفاك أعطيك عهدٍ وميثاق = والختم وإبـهامي ورقم البطاقه
واللي يقول أخطيت بالفين طقاق = خلّه يروح ولا يهمك فراقه
من طاح خلّه يا فتى الجود ينعاق = هذا هواه اللي تخيّر وباقه
اختر رفيقٍ للمواجيب عشّاق = مثل البليهي فوق حمله وساقه
إلى عطاك الرأي تلقاه صدّاق = وإلى اعترض طاريك عزه وشاقه
وإلى حصل توفيق مع طيب الأعماق = الماء القراح ولذته عقب فاقه
خذ الجواب اللي على بيض الأوراق = هديةٍ مني وتبقا العلاقه
وأقبل حماك الله من كل تفاق = اهل النـمايـم والعلوم الدقاقه
وصلاة ربي عد ما لاح برّاق = وعداد ما هب الهواء باصطفاقه
على نبيٍ لا تغير ولا باق = صلو عليه وصممو للتحاقه
الشاعر/ محمد الجويدي الحربي       


 زاد احتراقه 
   
وللشاعر/ سعود الوصي، يساجل قصيدة الشاعر محمد الجويدي الحربي السابق:    
يا ابو حمود لخطك اليوم مشتاق = ساعة لفاني خاطري في طلاقه
يا مرحبا مليون وعداده أطباق = من خاطرٍ له بأحسن القيل طاقه
العلم له مغزا ومصدر ومزراق = وأنته لنا درعٍ تضارس احلاقه
لعل ما تقصر يمينك وتنعاق = إلى بنيت البيت تكمل ارواقه
يصير له ظل وعن البرد مشراق = ولأهل النظر يمتاز بأحسن لياقه
وسهمك يا فرز الوغاء يكسر الساق = سوءٍ على رعا الرها والنـزاقه
الهرج والله محرقٍ قلبي احراق = صبرت لين القلب زاد احتراقه
ناسٍ على العالم تشدّق تشداق = يرهمون الهرج ماله علاقه
طيبهم اللي كل ما خاطره ضاق = بعروض خلق الله غدا له نقاقه
عن لازمه دايـم يتملق تملاق = تقصر عن دروب الرياجيل ساقه
يا عل بطن أم الكباير لشقاق = ليه الضراوي ما تمرر مذاقه
تجزاه عن عرض الاجاويد بطراق = خطو الهبود اللي خبيثٍ نطاقه
ولا ألوم من جنّب طواريق همّاق = اللي على اللازم قويٍ وثاقه
حلاّل للصعبات مبهم ومغلاق = فتّال حلاّلٍ قويٍ عَمَاقه
وصلاة ربي عد مالاح برّاق = على النبي اللي عظيمه اخلاقه
الشاعر/ سعود الوصّي الحربي




11- تقفاه مسباق 
  
وله هذه القصيدة، يخاطب فيها الشاعر هادي البسيس الحربي: 
دنّت هواجيسي وبينت ما اخفيت = وأخذت لي مع منهج الربع دوراق
وش عاد لو كثرت علي التصاويت = مهما تكون الحال ما خاطري ضاق
إن جاء المسيّر يـمنا قلت حييت = عداد ما تـهب الهبايب بالاشراق
قال السلام وقلت له نوّر البيت = واللي تـمر من المباني والأسواق
نبي اليا تـم السلام وتقهويت = اشرح لك المعنا على جنح خفّاق
أقول يا هادي تكلّمت وأشفيت = والناس تدري بينهم بعد وافراق 
ناسٍ على الذمة وناسٍ شحاتيت = والمشتبه من بينهم شبه زرّاق
والشرع ما يرضا بحكم الطواغيت = يرضيه من خلّف اسماعيل واسحاق 
أنا ما أقول انك قصرت وتعديت = خذني على يـمناك بسلاح فتّاق
وأنا إلى مني رضيت وتساويت = وحضر اللزوم وعوّدت لأم حقّاق
دبوس ياقع فوق روس العفاريت = حجّام قلاّعٍ للأضراس حلاّق
أما أنت يا ابو حسين كويت وابريت = رجلٍ شريف وفي معانيك عملاق
لا تحسب اني عن لزومك تخليت = أيام لي ما طاب نومي ولا راق
كدّر علي الجو بعض السرابيت = اللي مجالسهم إلى كاس ترياق
أهل الشوارع والعبث والزغاريت = أكالة المخفي مع الورك والساق
بين الطعوس وبين بعض الحوانيت = عسا مهف اللي تقفاه مسباق
وإن ما تعدّل صفهم فيه كبريت = حامي لهب يقضي عليهم بالاحراق
هذا الجواب اللي حسب ما توريت = وأنت المعزب عدني معك ملحاق 1
وأبي السموحه كان قصّرت واخطيت = بعض المواقف ما تجي لي بالأوفاق
الشاعر/ محمد الجويدي الحربي                       

الحاشية
1- عدني معك ملحاق : عدني : اعتبرني 0 معك : بالنسبة لك 0 الملحاق : شخص يرافق راعي الإبل ، مهمته مساعدة الراعي ، وإلحاق ما تأخّر من الإبل ، ويكون عادة أصغر سناً من الراعي 0 ويقصد الشاعر إنه  يقول للمخاطب عن بعض الأمور ، وهو ليس أدرى أو أحرى منه بها 0 



بألف طقّاق
    
 وله رداً على قصيدة الشاعر محمد الجويدي " تقفاه مسباق ":      
البارحه في وادي الشعر طبيت = بأمرٍ من الباري لتحريك الأشواق
طبيت في بحر المعاني وغنيت = وأخذت من سوق التـماثيل ما لاق
والقاف اعبر به على ما توريت = وأسوق قافي للمعاني وينساق
كتبت قافي للجويدي ورديت = لأبو حمود معلم الجيل الأخلاق
حيثه فهيم والتـماثيل له صيت = للعرف والمعروف طالب وعشاق
وأنا أفتخر باللي يعزك إلى جيت = مثل الجويدي دام للطيب سبّاق
يا الله عساه بعز يا حامي البيت = جعله سعيدٍ لا مشاكل ولا إقلاق 1
هذا الصحيح اللي طلبت وتـمنيت = للطيّب اللي لا تجاهل ولا باق
وعن كل واجب طيبٍ ما تخليت = وانصا الرجال وكل طيّب له اشتاق
وإلى نصاني قمت معه وتقصيت = صادق واصادق كل رجّال صداق
وإلى نصحني له تسمّعت وأصغيت = كم ناصحٍ شوره فتح باب الأوفاق
واللي يحذّف في قفاي المشاخيت = اصبر ما دام الصبر يقدر وينطاق
وجّهت يـم الله ومن يـمّه أقفيت = الله يحاسب كل واشي ودقاق
أصد عن هذا ولا كنّي أوحيت = وأقول فيه إلى ذلف بألف طقّاق
لو اعرف اني لا بغيته تعليت = أبي الجزاء لا ألتفت الساق بالساق
عساه نقّال الحدج والحلاتيت = اللي انذبح من كسبةٍ له لها ذاق
الشاعر/ هادي البسيس الحربي

الحاشية:
1- جعله : بمعنى عساه 0 إقلاق : إزعاج 0

 


تم تحرير المشاركة بواسطة :نافل علي الحربي
بتاريخ:26-08-2019 02:22 مساء



26-08-2019 02:43 صباحا
مشاهدة مشاركة منفردة [2]
نافل علي الحربي
menu_open عضوية موثقة
مدير المنتدى
rating
معلومات الكاتب ▼
تاريخ الإنضمام : 27-07-2019
رقم العضوية : 2
المشاركات : 335
الجنس : ذكر
الدعوات : 1
يتابعهم : 0
يتابعونه : 1
قوة السمعة : 10
موقعي : زيارة موقعي
 offline 

11- تلقا به عيوب *
 
وله هذه القصيدة، يخاطب فيها الشاعر هادي البسيس الحربي: 
هات القلم يا اديب وادن المناديب = واكتب حماك الله من كل عذروب
أبيات عندي سالمات العذاريب = حيث الجواب الزين والعقل مرغوب
حضّر اهجوسك وأنتبه لي وأنا أجيب = وأطلب وتاجد والطلب منك مكتوب
الشاعر اللي ماضي له تجاريب = بالعرف والمعروف ما عاش مغلوب
أبو حسين مصعّب القاف تصعيب = له ماقفٍ بأول زمالاه محسوب 1
هادي عدو مشذبين العراقيب = اللي مجالسهم على عيب وذنوب
غبر الوجيه اللي بعيده عن الطيب = أقشر بشر بالحي وملقّط اذهوب 2
ذواهب مع سامر الليل تـهريب = ما يندرا من وين ومن أين مجلوب
ضيف اللعين ابليس ما ادري معازيب =  مهما يبي منهم يوديه مندوب
أهدافهم بأعراض الأجواد تخريب = وأعمالهم دايـم على غير ماجوب
أوادمٍ ما يفهمون المواجيب = أكل وشراب ونوم ولسان شاذوب
واظنهم لو حاولو حقة الذيب = ما حصّلو منها ولا ربع مطلوب
بس الرداء منهم تبين بلا ريب = وأصبح عليهم ما ادّعو فيه مقلوب
هذه وصايفهم وأنا ما اعلم الغيب = عسا عليهم يوم الأوقاف مغضوب
واضف لهم بعض النفوس المغاضيب = لا قرّب الله دارهم لوهم احروب
انبيك عن ناسٍ جنوبٍ وتغريب = دايـم عليهم بيرق الخوف منصوب
يعوزهم مخافة الله وتأديب = سلم العرب في صوب وهم عنه في صوب
وقتٍ به النـمّام والمخطي امصيب = واللي يشير بنية الخير مشذوب
ولا بقي ياكود طق المشاعيب = الله يعاونا على صبر ايوب
هذا حسب ما وافقن الهناديب = والماء يقولون الرياجيل مشروب 3
تـم الجواب وكان يحتاج تعقيب = عقّب عليه أخاف تلقا به اعيوب
واسلم فداك مكدرين المشاريب = واللي حياته كلها ما قضا النوب 4
الشاعر/ محمد الجويدي الحربي                       
الحاشية:
1- زمالاه : زملاءه0
2- اذهوب : ذهوب ، ومفردها ذاهبة ، وهو اسم يطلق على الحيوانات السائبة ، كالإبل التي تركت هملاً ليلاً ونهاراً ، ترعى بلا راعي ، وغيرها 0 ملقّط : مجموع حصل عليه بلا تعب ، إما أنْ يعثر عليه من غير قصد ، وإما أن يؤخذ من أماكن متفرقة ، وهو ليس من أصلٍ واحد ، وربما كان مهملاً لعدم صلاحه ، والاستفادة منه 0
ويقصد بها الشاعر هنا بعض الفئات الوضيعة ، التي تفد عناصرها إلى بعضها بعضاً،فتنشأ بينها علاقات ، لاخير فيها 0
3- الرياجيل : الرجال 0
4- النوب : الواجب ، أي العمل الذي يلزم الشخص القيام به بمفرده ، أما أن ينوب عن غيره بغياب ، أو أن يقوم به كلٌّ منهم على التعاقب ، والمناوبة ، سواءً كان متكرراً عمل هذا الواجب ، أم أنه حدث مرة واحدة ، وقام به كلٌّ من الأشخاص ، بعد قيام الآخر به ، وهوكالنوبة ، يقال : " جاءت نوبتك " أي حان الوقت الذي تعمل فيه نيابة عن غيرك 0

تلقاه مقضوب 
       
 وله رداً على قصيدة الشاعر محمد الجويدي " تلقا به اعيوب ": 
سر يا قلم ودوّن سلامٍ وترحيب = مثل العسل بدر المباكير في كوب
أبيات ناقيها عن الشك والعيب = عن قولة القايل عذاريب ونقوب
للشاعر اللي يرمي أهداف ويصيب = تحيا بقيفانه أحساسيس وأقلوب
أبو احمود اللي من الصغر للشيب = اعدل من الميزان واحلا من الذوب
حرٍ مطاليعه بروس المراقيب = وسكر على الرديان بيبان ودروب
وجه لي أبياته معاني وترتيب = من راس ما وجّه بالأبيات مندوب
وأنا عرفت من الرموز المجاذيب = وعندي خبر بعلوم يوسف ويعقوب
اللي يبي  للغافلين العواقيب = لابد ما يقلب على راسه الشوب
بالوقت هذا ما تفيد الأطابيب = والناس حط إبليس بقلوبـها ثقوب
المال لو انك تـمده من الجيب = ما ينفع المعروف يا عم بالطوب
بعض الأوادم تطلع الشمس وتغيب = جمعه خساره كاسبٍ الإثم مكسوب
المال لو انك تـمده من الجيب = ما ينفع المعروف يا عم بالطوب
بعض الأوادم تطلع الشمس وتغيب = جمعه خساره كاسبٍ الإثم مكسوب
لا يهم راسك ناشرين الأكاذيب = على شوارب شاربه ينشب الروب
الجيل الأيـمن للمراجل طواليب = والجيل الأيسر همه الزاد والثوب
من لا تعرّب ما تفيد التعاريب = ومن لا صـمد يعطي له الوقت عرقوب
ومن حط راسه تحت صقع المصاليب = تبي تشوفه بآخر الوقت مصلوب
لولا أن قدامه سيوفٍ محاديب = ما قام يدبي بالقفا تقل دبدوب
الله يعز مثبتين المراكيب = مظللين نجد عن كل لاهوب
واللي يتصور في دماغه دواليب = إن لف وإلاّ دار تلقاه مقضوب
للخير فعّاله وللشر تعذيب = مَنْ ناش حد الله له الحبل مكروب
إن شفت يـمنا مسيلمه ناشت البيب = طلّع اذباب السيف للنذل ويتوب
الزول بيّن والوسم للأجانيب = مكواه بالمعلاق والضو مشبوب
من لا فهم وأخذ بالأيام تدريب = ما عاش متعلم ولو كان موهوب
الشاعر/ هادي البسيس الحربي
        19/5/1414هـ ​

 
12- بينك وبيني 
  
وله مخاطباً الشاعر هادي البسيس الحربي: 
البارحه ماني من النوم ممنون = ما ادري علام النوم عيا يجينـي
وأنا بخير ولا تعلمت مفتون = والله هو  ربي والإسلام دينـي
الناس قالو ينفعون ويضرون = والنافع الله والعدو اللعينـي 1
وأبديت ما كنيت وابليس ملعون = أبيات ما تخفا على الطيبينـي
شد المعاني ما بـها ما يقولون = منها سليمين الشرف سالمينـي
يأخذ بـها المشتاق لذات وفنون = وأبعد مدا عن غرة الغافلينـي
عبّرتـها بالعرف والعزم والهون = مع الطريق المستقيم اليمينـي
يـم الأديب معبّر القاف مازون = هادي وسيع العرف ما هو دوينـي
بأهل زمان اليوم وافي ومأمون = وأنا أتشرف بالشريف الأمينـي
اسند عليه بكل ما كان مكنون = دوسٍ على خد العدو البطينـي
للي يبيع الدم من غير قانون = شِبْه السليم وداخل الروح صينـي 2
أجرب ضمير مهوّجرٍ له ومرسون = يبي يـموت وذيخ جدلاء حزينـي 3
واللاش قالو لو تغسل بصابون = على الرداء مثل الحديد الشبينـي
هو ما درى انه تايه الرأي مديون = لله وخلق الله والوالدينـي
حسبي عليه اللي عبيده يصلون = خوفٍ رجاهم بأرحم الراحمينـي
يا ابو حسين اشرح لك الوضع وش لون = ودي يصير الرأي بينك وبينـي
وقاف الزغيبي بأول الوقت مضمون = يقول ما يعرض على العارفينـي
تـم الجواب وصاحب السوء ممهون = والذيب ما يأكل عشاه الحصينـي
واسلم فداك مقاول الحكي بادون = وإن جاء لزومٍ لازمٍ ما يبينـي 4
وصلاة ربي عد ما كوّن الكون = على نبيه سيّد المرسلينـي
الشاعر/ محمد الجويدي الحربي                       
الحاشية:
* انظر رد هادي البسيس الحربي " باللوازم تبيني " ص 152 0
1- العدو اللعين : أي العدو أبليس 0
2- يبيع الدم : يقطع الرحم 0 صيني : أجرب 0
3- مهوّجراً له : على التشبيه بالجمل الذي هوجر له ، أي ربطت يده اليمنى برجله اليسرى ، بينما يسمّى الجمل  الذي ربطت يده اليمنى برجله اليسرى مهجور 0 والمقصود أنه لا يخالف رأي صاحبة بيته 0
4- بادون : بدون 0

 باللوازم تبيني  
   
                                                وله رداً على قصيدة الشاعر محمد الجويدي " بينك وبيني ":                                                     جاني من الشاعر بيوتٍ لها لون = يجلا الصدأ حلو الكلام الثمينـي 
يا طيب الرفقه ترى العمر مرهون = وأنت الذي وقت اللوازم تبينـي 1
مواقف محمد بها الناس يدرون = كسّاب للطوله مع الغانمينـي
يا أبو احمود اليا ومرت أمر ما أخون = خذني على اليمنا يا أسد العرينـي 2
واللي علينا يا الجويدي يغلطون = من قالو إنّا للخطأ صابرينـي
والناس بعد الله تراهم يكفون = بالأرض للدنيا من الشاهدينـي
والناس من وجه المزيف يعرفون = لو رهّم الضحكه من الشاربينـي
بعض البشر صورة رجل زول واعيون = لا من هل الدنيا ولا المسلمينـي
القلب طبل وباقي الجسم جالون = لا موديٍ حاجه ولا جاب شينـي 
حنا نـمد الناس باللي يـمدون = وبالله عزايـمنا تقض المتينـي
صدقاننا دايـم على ما يحبون = وعدواننا منا من الخاسرينـي
اللي يبون محاربتنا يضيعون = يهفون مهَف معايد القريتينـي
وتـم الجواب امتممٍ شرح والحون = واسمح سلمت ويسلم السامعينـي 3
وصلو على المختار يا اللي تصلون = ما هل وسمي السحاب الغشينـي
الشاعر/ هادي البسيس الحربي
الحاشية:
1- تبيني : تبين ، بمعنى تظهر ، والياء للضرورة الشعرية 0
2- ومرت : أمرت 0
3- الحون : لَحُون أو ألحان ، ومعناها أوزان شعر تتفق في صيغتها وإيقاعات انغامها 0


13- بين الحسد والنميمه *
   
وله يسند إلى الشاعر هادي بن سعود البسيس أيضاً: 
دنّت هواجيس المعاني قلمها = على طواريق السلوم القديـمه
من عيهلٍ ماءها تحدا اقيمها = بدأ الجواب بكل جد وعزيـمه
أبيات من يبني بها ما هدمها = مع الأسف بعض المباني هديـمه
عرفت عنها في محافل اقممها = على ما قالو طخةٍ بتعليمه
منها تعاليمٍ يرفرف علمها = آمنت بالله غارةٍ في هزيـمه
جوله مع الشعّار تأخذ سهمها = عسا لها ما بين الأجواد قيمه
عاشت يـمين الكاتب اللي رسمها = من خاطرٍ طيّب ويـمنىٍ هميمه
عسا الأديب المعتبر يستلمها = ويمضي عليها كان صارت حكيمه
هادي سعود اللي هجوسه هممها = بغض المشاكل والطروق الوهيمه
لحيث رجله ما تخطا قدمها = مع الطريق اللي على غير شيمه
ونفسه عن الزلات ربه عصمها = والعلم الأيـمن يفعله ما يضيمه
سلّم عليه وجابتي يحترمها = جابة وفاء من كل عيبٍ سليمه
واللي حما نفسه وهو ما ظلمها = ما هو على درب الخطأ والظليمه
والناس ما هو من جهدها كرمها = من كرم الله لليدين الكريمه
والحاجه اللي ربنا ما قسمها = مهما نحاولها تراها عديـمه 
الشاعر/ محمد الجويدي الحربي                

والقلوب الغشيمه *

                                 وله رداً على قصيدة الشاعر محمد الجويدي " بين الحسد والنميمه ":                                     يعيش من قال الحروف ونضمها = مثل الزهر في روضةٍ عقب غيمه
هبت ذعاذيع الشمال بنسمها = والمسك جاء من ناقلينه نسيمه
دارت بتفكير الحكيم وحكمها = حلو المعاني والبيوت العظيمه
يسوقها بالمعرفه ما يغنمها = يسبق على نظم القوافي خصيمه
محمد حمود الطيبه يغتنمها = ياقف بها قدم الرجال الفهيمه 
من الرجال اللي تقف في لزمها = عن اللوازم ما يذب الخريـمه
حاش المراجل والرذايل هزمها = عز الرفيق وسم كبد لخصيمه
اشتقت لبيوت الحكيم ونغمها = ووقعت  لمحمد عسا الله يديـمه
ثارت براكين الضمير بحممها = وغدا لها بين المحاني حطيمه
توافدت يوم الجويدي زهـمها = أمواج بحر الشعر تسمع لطيمه
اليا استوا لي دربـها ما كتمها = قلبي واجاوب للقلوب السليمه
وإن كان ما غطا شحمها لحمها = ما أمد بارودي لصيد الهليمه 1 
العلم واسع والعرب في شيمها = عادات سلفها مع خلفها مقيمه
أشر بـها الشاعر وقلبي رقمها = شفت وسمع من ضايع الفكر ضيمه 2
دورٍ لهد روس الرجال ووسمها = يبكي منه طارق وتضحك حليمه 3
ناسٍ ثعالبها تفرق جزمها = عمي البصاير والقلوب الغشيمه 4
لو إن سرّاق الخزون يغرمها = واللي يهدم ساس المروءه يقيمه
ثوّر على روس الأعادي لغمها = ومن شذ منهم حوّلوه بجحيمه
هدت شياطين البلاد وخدمها = وجيش النفاق أخفق وكفّن زعيمه 5
عقاربٍ يقرص ذنبها وفمها = وإن شفتها عند اللوازم مسيمه 6
الناس تخطي كان ما الله رحمها = ذنب الخطأ ولا عذاب الجريـمه
ما تذكر يومٍ فيه تدفن ارممها = في مظلمٍ دب الدهر به مقيمه
وختامها بأزكا الصلاه وتـممها = على النبي ما يـمطر المزن ديـمه
الشاعر/ هادي البسيس الحربي
الحاشية:
* انظر قصيدة محمد الجويدي  " بين الحسد والنميمه " ص 104 0
1 بارودي : بندقيتي ، التي استخدمها في الصيد 0 الهليمة : المهزولة 0
2- رقمها : فهمها خلسةً ، وبسرعة 0
3-  لهد : أثقل ، وضغط 0 طارق : قائد عربي ، أصله من أفريقيا ، فتح الأندلس ، بأمر مولاه موسى بن نصير ، أمير أفريقيا ، وتوغل في أوربا ، وأسبانيا ، وعاد مع موسى إلى سوريا ، فدخل دمشق في موكبٍ حافلٍ بالاسرى ، والغنائم ، في عهد الوليد بن عبد الملك ، سنة 96هـ ، توفي سنة 102هـ 0 وأصبح مضرب مثلٍ للرجولة ، والبطولة 0حليمة : أسم امرأة كان لها عادةٌ سيئة تركتها ، ثم عادت إليها ، فقالوا :  " عادتْ حليمة إلى عادتها القديمة " ، فأصبح هذا القول مثلاً ، يُضرب في كلِّ مَن يرجع إلى عادةٍ سيئةٍ تركها 0  
4- جزمها : جمع جزمة ، ويقصد به الجزم على الأمر ، أي المضي فيه ، والعزم عليه ، بلاعودة 0
5- هدت : هدأتْ ، أي سكنت 0
6- مسيمة : جمع مسيم ، أي خاضع يتحمل الإهانة والمشقة ذلاً 0


 


تم تحرير المشاركة بواسطة :نافل علي الحربي
بتاريخ:26-08-2019 02:26 مساء



26-08-2019 02:44 صباحا
مشاهدة مشاركة منفردة [3]
نافل علي الحربي
menu_open عضوية موثقة
مدير المنتدى
rating
معلومات الكاتب ▼
تاريخ الإنضمام : 27-07-2019
رقم العضوية : 2
المشاركات : 335
الجنس : ذكر
الدعوات : 1
يتابعهم : 0
يتابعونه : 1
قوة السمعة : 10
موقعي : زيارة موقعي
 offline 

15- على الخيبه موالفها  
 
وله مساجلاً الشاعر هادي البسيس: 
يقول مَنْ يكره المبْعَد ولا همه = اعلومه اللي على الفاضي يلفلفها
دام الهواجيس بالموضوع مهتمه = نبي المعاني على منهج ولايفه
حيثه وصلنا جوابٍ صاحبه تـمّه = أبيات ما حطّم الشاعر عواطفها
يسوقها بالشرف والعزم والهمه = مثل الزماليق من روضٍ يقطّفها
لا ذعذع النود من صوب الحيا شـمّه = وارسل ارموزٍ على كيفه يلطفها
ما هو غشيمٍ اليا شاف الخطأ خـمّه = وإن شاف له غرّةٍ ودّه يضاعفها
من كل صوبٍ يجيب اعلومٍ امخـمّه = ضبعٍ تلم الولايش في معالفها 1
له واجبٍ كف ممرورٍ على الرمّه = واللحيه اللي على النـمام ينتفها
وإلى حمل سيته مع همّه وغمّه = إن صار قدامها وإلاّ يرادفها
لومه وشومه عليه وعيبه بكمه = واللي حكاية دروب العيب ناذفها
هادي شريفٍ ولا به واحدٍ ذمه = وأهل السلوم الرديه ما يكاتفها
من ماكرٍ ما يصير الميل من يـمه = عز ومهابه وحيلٍ في مناسفها
واسنان واعنان والمعروف ما كمّه = اللي بنا المملكه وأمّن طوارفها 2
يسبهم من حياته بس عند أمه = ونفسه على مجلس الحقران عاسفها
على الولايـم عديـم الروح درعمّه = لو به عجوزٍ يخاشرها بـمصرفها
ما شال كنه يشيله من يده فمّه = الحاره اللي بها الضيفه يشاوفها 3
هذاك مثل الثعل يشتاق للرِمّه = وأعراض الأجواد بالغيبات يقذفها
خسرت وخابت عجوزٍ بطنها ضمّه = الموجب أنه وليدٍ ما يشرفها
ما هو حسايف اليا من الثرا طمّه = وأمثاله اللي نـمايـمها وظايفها
يا اللي صخرت المثل في صخرةٍ صمه = أسلم فداك المعادي وأصعد أشرفها 4
وأترك مجال السلوقي خادم العمّه = الخايب اللي على الخيبه موالفها 5
سَميّته أسماء ثلاثه وأخذه وسـمّه = وإن ما لقيت الأسامي لو تسلفها
الشاعر/ محمد الجويدي الحربي                       
الحاشية:
* انظر رد هادي البسيس " على متونه ينسفّها " ص 149 0
1- الولايش : جمع الوليشة ، أي جسم الحيوان الميت ، والذي يسمّى أيضاً الجُثَّة ، والرِمَّة 0
2- ما كمّه : ما منعه 0
3- الضِيفة : الوليمة 0
4- صخّرت : سخّرت 0
5- السلوقي : كلب الصيد ، ويشبه به ، في خفّته ، ومرافقته لصاحبه ، اين ما ذهب ، لو لم يدعُه 0 

على متونه ينسفّها  
  
 وللشاعر/ هادي سعود البسيس، رداً على مساجلةالشاعر محمد الجويدي الحربي السابقة:                                                                            
وجهت قافي لرئيس مجلس القمّه = بالشعر والناس تاقف في مواقفها 1
يـم الجويدي إليا لّمت بي ملمّه = أنصاه بالرأي والقصه موصفّها 2
يا أبو حمود إن دمحت لضايع الأمّه = قام يتـمادا بعيلاتٍ يصنفها
حتى الأجاويد علّق فيهم مطمّه = ناسٍ شريفه ايديها في مصاحفها
لا دين عنده ولا مذهب ولا ذمّه = شغله يخم السوالف ويتخطفها
سجلت قافي وأب انذر به هل النمّه = ناسٍ بلتني بنمتها وأنا اعرفها
أشوفها يوم تحكي فيّ ملتمّه = وأصد ما كنّي اسمعها واخالفها
يا تاعب السوء أعرف الحرف والضمّه = متابعٍ بالعلوم اللي تحرفها
إن سد هذا لزمنا الصمت من يـمّه = الناس ما تشّرف إلا من يشرفها
إليا اعترف بالخطأ ما هـمني هـمّه = يقفي وأنا أقفي ولا تجمع طوارفها
وإن ما عرف قيمة التقدير والذمّه = نبي عيونه بخمس الصدق نطرفها
إن ما اقتنع يركز القامه على الجمّه = وإن غار عدّه يرفلها ويغرفها 3-
له شربةٍ من هاك المغراف هي سـمّه = مسمومةٍ لا شربها ما يصرفّها 
من ذم غيره يبي يصبر على ذمه = وإن سوّدت له صحيفه ما ينظفها
جنّب طريق الرجال وخاله وعمه = عند العجايز على متونه ينسفّها
الشاعر/ هادي البسيس الحربي 

ما تبلل مريه
هذه القصيدة للشاعر المرحوم/ حمود بن شلاح العلوي الحربي، والمتوفي سنة 1368 هـ، رحمه الله،
يسندها إلى الشاعر المرحوم/ محمد حمود الجويدي العلوي الحربي، وهي نوع التعجيز، واختبار قدرة 
الشاعر محمد الجويدي الشاعرية، على الرد عليها، حيث وصف بها قعوداً له وصفاً مبالغاً فيه،
من حيث سرعة جريه، حيث انطلق عليه من مدينة لطائف صباحاً، وكانت مسافة ما بين الطائف 
والأحساء له قدر ضحاء اليوم الذي سار فيه نفسه، ثم انتقل من مدينة الأحساء عليه إلى بغداد
فوصله بوقتٍ وجيز أيضاً، ثم عاد من بغداد إلى مكة فدخلها قبل غروب شمس اليوم نفسه، 
ثم ان هذا القعود فر فلم يستطع اللحاق به القطار، ولا حتى طائرات الانجليز، إلا انه عاد
من تلقاء نفسه، ولكنه شرب مياه الموارد ومياه البحور، فلم تروي ظمأه، وضاق به ذرعاً،
ويستنجد الشاعر محمد الجويدي بأن يسقي قعوده هذا !! ظاناً أنه قد أعجز الجويدي عن أن
يستطيع أن يسقي قعوده، حيث يقول: 
يا راكب اللي يعجب البال ممشاه = قعودي اللي في لزومي مـطيه 
من الطايف المأخـوذ وقمـت ممشاه = إلى الحـسا ممـشـاه وقــم ضحويه 
وركبت عليه يوم أن شاني قضيناه = ووصلت أنا بغداد ما راح نيه 
والـعـصر في باب مكه عـقلناه = دخلته البـيبان والـشمس حيه 
وانحل عقاله وانطلق ما قضبـنـاه = وهرب حلال القوم غـصبٍ عليـه 
وركـبت بالبابور والنار تـشعاه = واللي على البابور ثمان ميه 
حتى طـيايير الهبايب تدالاه = ولا منهن اللي عاجته عن نويه 
طيور الانجليز من الخضيراء تدالاه = وراح يـتلحلح كنه الوحوحيه 
وجاني قعودي راجعٍ ما قضبناه = رده لنا المـطلوب جزل الـعطيه 
وشرب البحور وكل جو غـرفناه = وجاني قعودي ما تبلل مريه 
من يسقي المأخـوذ مـن ماه واجـزاه = تكفون يا مسروح يا أهل الحميه 
وقـل للجويدي خبره كان ما اسقاه = يا عنك ما الله مرويٍ له ظميه 


16- والبحور الرويه
رد الشاعر المرحوم/ محمد الجويدي، على قصيدة حمود بن شلاح السابقة، وقد حدثني
الشاعر محمد الجويدي عن هاتين القصيدتين، وقال لي: كان هدف الشاعر حمود بن شلاح
تعجيزي عن الرد على قصيدته، وكان بإمكانه ان يعجزني عن الرد لو لم يعتبر ان قعوده
عاد من تلقاء نفسه، لأنني تقريباً لا استطيع أن أرد قعوده من هروبه، طالما لم تستطع
رده الطائرات، ولكن حمود الشلاح كان شاباً آنذاك وغاب عنه هذا المعنى، ولم يطلب مني
سواء أن اسقي قعوده، وأسقاء القعود يبدو لي أن الله قادراً على ان ينزل من المطر ما 
يمكن ان يكون اكثر من مياه البحور، فالذي جعل مياه الطوفان تأخذ قوم نوح قادراً على 
ينزل ما هو أكثر من ذلك، فرديت عليه قائلاً:
بـديت بسم الله وآمنت بالله = الوالي الـمعبود رب البريه 
ومن قدّم الله بأول القيل وأتلاه = أقدى مـن اللي يقتدي بالخطيه 
جانا قعودٍ يابساتٍ شفاياه = هف الموارد والبحور الرويه 
وقام يتقلب ما لقى من تلفاه = وإن ساعف المولى شرابه عليه 
يشرب قراحٍ باردٍ حدر ماطاه = ساعة لفا من مزنةٍ هيـدميـه 
يقودها الباري على كيـف مشهاه = غراء يقديها الملك بالمشيه 
مـن سيلها الباطـن تعاوا شغاياه = تحـطمت فوق الشـعيب برديه 
يشرب قعود حمود ويعـل مـن مـاه = وإن ما روي منهـا تجيه محدها 
في مدهلٍ راع الغنم ما تمثناه = ما يدهلن مدهاله إلا الظبيه 

17- من شيمة المربوث والطيبيني
هذه القصيدة لشاعر / محمد بن حمود الجويدي العلوي رحمة الله ، يصف بها قعود حر، وفيها ذكرٌ لشخصٍ اسمه فايز، وهو تقريباً الشاعر/
فايز البسيس، وذكرٌ إلى المربوث، وهو الشاعر/ بجاد المربوث الفريدي الحربي:
عديـت باللـي عاليـاتٍ مراقيـة = مرقاب عيطا مـن رقابـه يبينـي
وأقنب قنيب اللي من الجوع حاديه = حس الضواري مع ضباب القطيني
قلت آه قلبـي كاثـرتٍ طواريـه = قام يتهيـض ليـن بيـح كنينـي
قلت أستمع لي قال ما قلت مابيـه = أنته تبع دينـك وأنـا يـم دينـي
كان يـروح لنيتـه عنـد واليـه = لـك نيـةٍ وحـده وانـا نيتينـي
أبديـت قـافٍ كايـداتٍ ملاويـه = ما قلـت منـه بالنشامـا عوينـي
ياراكب اللـي بالمثايـل مسويـه = زين الوصايف هولـة الناظرينـي
أشقر حمر أشعل قرى بيض آيديه = ما يفرقـه ياكـود قلـبٍ فطينـي
شارات أبوه الطيبـه كلهـا فيـه = صلو على المختـار ياسامعينـي
ابشتغـل ليـن يمشـي إيباريـه = على شقا الدنيـا خويـن عوينـي
ابيـه مـن قـدام مانيـب قافيـه = أبا نطحه واركب على شوف عيني
بقمة غزال عند شيـخ أمـر بيـه = وعيونه اللـي كنهـا الجمرتينـي
ومشوك القفش الحمر مثل أذانيـه = ومعـذرة شبـر وبعـد قفلتينـي
إمقولمٍ خفـه تقـل صنعـة جنيـه = وذريعـه مثـل القنـا بالعرينـي
وعضودٍ وين أدوي بهن قل واليـه = وليـا بغيـت اقـول درا جتينـي
والكوع من زوله جفل ما يدانيـه = نيشان بـارودٍ بعـرض البطينـي
قيمة ثلاث أشبار مابيـن اياديـه = مصيـوغ زوره ببتـرامٍ ابلينـي
سناد واللي بين الابـداد حاشيـه = قصر بنـاه استـاد عبـدٍ متينـي
فات أوله وابـا نقلـب يـم تاليـه = هذا قعودي حكمتـه فـي إيدينـي
دمث الفقار الله من الزين معطيـه = ماهو قعود السامـري والهجينـي
الساق كنه مخطـرٍ يـوم احليـه = والفخـذ برميـلٍ مـع البايعينـي
والورك فتر وزاي الضمر زاويـه = لا هو ضعيف ولا بعد هو سميني
والكور جباوى على الكيف قاديـه = الا وركاب علـى الكـور امينـي
اقـول لاتاخـذ جوابـي وتبديـه = إلا لفايـز منتـهـى اللاعبيـنـي
قولـة هـلا قـدام يقعـد يباريـه = اللـي بشوحـات الليالـي يبينـي
زاح الرماد وشـب نـارٍ يقهويـه = وحط الفراش بحضرة الغانمينـي
مع كبش مصلاحٍ ليا قال راعيـه = الله لمثلـه بالمعـاسـر يعيـنـي
عطـه جوابـي بيـنٍ لا تناجيـه = لو الجماعـة كلهـم حاضرينـي
إلا ليا شفت الذي فيـه مـا فيـه = كنه ليـن عنكـم يقـوم الدوينـي
وقل الصديق اليوم بانت مواريـه = من عقب ماهو صاحب لي خديني
انا أبحـده يـوم بانـت خوافيـه = عندي حديـدٍ لـه جديـد شبينـي
والا نجـزا بحفـتـه او نخلـيـه =  من شيمة المربوث والطيبيني

18-  سمعته سوسه (*)

هذه القصيدة يتطرق بها محمد الجويدي، إلى نوعٍ خاص من أنواع الاشاعات المروجة، التي لايعرف مصدرها:
هذه القصيدة للشاعر المعروف القدير/ محمد حمود الجويدي الكتمي العلوي الحربي ( 1336 - 000هـ )، قالها في مناسبة وجود نوعٍ خاص من أنواع الاشاعات المروجة، التي لا يعرف مصدرها:
يقول من سانع المعنى لهوجاسه = بأسباب من جرّب المشلاع بضروسه 
الذاهبه ماتبـي دوّار وابلاسه = رأيتها يم ذاك الصوب مدسوسه 
حصلت عنها الخبر بأسلوب حساسه = واظنها ياجماعة خير مدنوسه
والشاعر اللي قفاه أعز من راسه = بيّن قفاه وغدا راسه وناموسه
هو يحسب اني ما أعرفه وين مجلاسه = وأنا أفتهم سيرته وأتابع دروسه
وأدري بساسه ووسواسه وخناسه = وأجرح ضميره وأسجل معه هاجوسه
يبي يطيب وتردّا والردا ساسه = من شبته لين شاب وسمعته سوسه
يبي يموت ابلاه وشره قياسه = طوله وعرضه على قده وملبوسه 
أعوذ بالله من طاريه وإفلاسه = والسمعه اللي ابيت ابليس محبوسه 
شعر الشاعر/ محمد حمود الجويدي 0
 
الميلات مسيوسه 

وهذه قصيدة قلتها مجاراةً لقصيدة الشاعر/ محمد الجويدي " سمعته سوسه " السابقة: 
الضرس لا صار يقزي من تسواسه = وش تنتظر من بطاه إلى سرف سوسه
يوم العرب يحتسون الجاز والكاسه = ما تشاف جربا ولا من ناس مضروسه 1
ومن لا يعرف العلاج وداه وقياسه = لا تظن منه المريض يطيب محسوسه 
راعي العوايد يعود لطبعه وساسه = ان ما اكتشف له علاج ونوع فيروسه 
اللي يضيع القوايل يحسد الساسه = وكبد الردي من سماع المدح مفحوسه
لا يعجبك قول شيهانه وقرناسه = بعض الصقور اصبحت لاعداك جاسوسه 2
نعرف كلام الغشيم إلى ركب راسه = واسلوب نسجه و منواله وعرنوسه 3
ان كان ولّى عساها عين لماسه = ودك مثل نوع هذا ينقطع سوسه 4
وان كان عاود وسيلة شر ودلاسه = ورا الظهر بالظليمه ينشر أطروسه 5
يحرم علينا القلم مع نقل قرطاسه = لا ما طلب عفونا من سم دبوسه
نصير ضيقة تنفس تكتم انفاسه = في يقظته والمنام نصير كابوسه
اللي يسمهر مع الصرصور بأغلاسه = ولا يصبح إلا بزواياٍ غير مانوسه 6
ملوّث وخاين وبه سرسام في راسه = والمعالجه ماترد عقول ملحوسه 7
والله لو زارنـي وأظهر لي إحساسه = لأعطيه من فوق حقه زود وأبوسه
لا ما حصل تصلح الغلطات بسياسه = ترى الجنايه أشد من الخطاء دوسه
راع الخطاء لا تحط الراس في راسه = بالشك غلطة رفيق وغير مدروسه
واليوم في كل وجهه شرع وحراسه = والحق مضمون والميلات مسيوسه
لاوقت مغزا ولا نشره على رياسه = والحر مايامره بالغدر ناموسه
شعر الشاعر/ نافل علي الحربي 
الحاشية:
1- الجاز:الكلاّبة 0 الكاسة: النورة0 سائلٌ يستخرج من أزهار بعض الأعشاب، لمعاجة الجَرَب،وبعض الأمراض الجلدية الأخرى0
2- هذا البيت إشارة إلى خبر ورد قبل فترة من الزمن عن وجود صقر يحلق فوق أجواء أحد الأقطار العربية يحمل جهاز تجسس اسرائيلي، 
وذكره هنا على معنى التشبيه بالشيء المرغوب والذي ربما يكون منه ما هو سيئ0 
3- نسجه : نظمه، على التشبيه بنسج الثياب أي حياكتها0 
المنوال: آلة الحائك التي ينسج عليها الثوب، وقت النسج0 عرنوس: عودٌ ينصح عليه الوبر أو الغزل0 
4- عين لماسه : دعاء بعدم الرجوع0 مأخوذ من المثل الشعبي ((عنه الخبر عين لماس)) أي أختفى، 
ولا يعرف عنه شيءٌ فيخبر عنه0سوس: أصل0 
5- دلاسة : إخفاء الصحيح، والإتيان بغيره في الحديث0 طروس: أوراق0 
6- أغلاس: ظلمات 0
7- سرسام : ورمٌ في حجاب الدماغ يحدث عنه حمى، وإختلال وفساد في العقل0


تم تحرير المشاركة بواسطة :نافل علي الحربي
بتاريخ:30-08-2019 12:02 صباحا




المواضيع المتشابهه
عنوان الموضوع الكاتب الردود الزوار آخر رد
ديوان الشاعر/ محمد بن عبد الله بن عواد الجويعان الحربي نافل علي الحربي
0 1333 نافل علي الحربي

الكلمات الدلالية
ديوان ، الشاعر ، محمد ، حمود ، الجويدي ، الحربي ،


 











الساعة الآن 08:30 صباحا