تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
عضوية موثقة
الباب الرابع: المنوعات
يحتوي هذا الباب على قصائد الشاعر نافل علي الحربي، التي من نوع المنوعات، وهي القصائد التي لا تنضوي تحت غرضٍ واحد، من أغراض الشعر الأخرى 0
1- لا ضاق صدري من همومي نحرته
هذه القصيدة قلتها من زمان، والغرض منها واضح من معانيها، وليس بحاجةٍ للشرح والايضاح، فهي عن الصديق الوفي، وهذه القصيدة لقت قبولاً وانتشاراً واسعاً لدي المهتمين بنشر الشعر الشعبي، ولكن الملاحظ انه يوجد فيها في بعض المنتديات الكثير من الأخطاء، وها هي بشكلها الصحيح، مثل ما هي بديواني، ( ديوان الشاعر نافل علي الحربي )، أرجو ممن ينقلونها ان يتحرون الدقة بنقلها لتتضح المعاني وتتم الاستفادة:
الله على رفقة صديقٍ اثق فيه = لا ضاق صدري من همومي نحرته
مخلص وامين ولا يظن الردا فيه = ودايم ورأيه واقعي لا استشرته
صديق صادق بالوفاء ما ابتحل فيه = يمون علي ولا بغيته قدرته
ابدي عليه اسرار قلبي واناجيه = اللي اشرحه باسهاب واللي اختصرته
واصارحه عما بصدري اخفيه = الي طرأ عن كل شخصٍ سترته
من خوفي انه يسمعه جاهلٍ فيه = يستعبره في موضع ما اعتبرته
متفاهمين بكل شئ نسويه = نظره بعيد ويفتهم ما حزرته
ما هو من اللي دوم رأيه يبديه = لو كان يخطي ما يطيع ان عسرته
ولا يستفيد من التجارب بماضيه = دايم يكرر لجته لو نهرته
ورأي خطأ كيف أتبعه واقتنع فيه = ووش لون ابي آمن صاحبه ماحذرته
ولا هوب من يمشي بدربٍ اعاديه = ما فيه وعيٍ يفتكر ما افتكرته
ولا واحدٍ لو هو صديقٍ اماشيه = الي بدت لي حاجه ما انتظرته
إلى اعتذر عن حاجتي كل ما اجيه = قنعت منه بكل حال وعذرته
ولا هو من اللي طيب ربعه يقزيه = يغتاظ من مدح الرفيق ان ذكرته
غره غرور لا يبرق بما فيه = يسب غيره وان بخصته حقرته
واظن كلٍ حاضره مثل ماضيه = ومهما بقى يبقى على ما خبرته
وانك لا تهدي من تحبه بتوجيه = العود لو عدلت عوجه كسرته
2- نموت ما نترك تقاليد أهلنا
أيامنا ما هي على ما نتمناه = مسيرها ما هو على ما نتمنا
ياما قضينا من الشقاء والمعاناه = نبي من الأيام ولا ساعدنا
السيل ما يجري على غير مجراه = وحظ السعد لأهل الشقاء ما يتسنا
ما احدٍ يحصّل غير حوشه بيمناه = لو هو بفعل الطايله ما يتونا
ونصبر على عسر الدهر وانتحداه = الفضل لله أفعولنا يشرفنا
سلم الجدود الأوله ما تركناه = نموت ما نترك تقاليد أهلنا
3- لا بيوت بدو ولا طوارف رعيه
عديت رجمٍ عالياتٍ مراقيه = بأعلا الشعاف اللي شمالي رويه
عمرّدٍ ما أشوف رجمٍ يحاليه = يمكن تشوفه وأنت من بعد ميه
مريت به صدفه ووقّفت أراعيه = ورقيت به أرقب ديارٍ خليه
رجمٍ خلا ما أشوف زولٍ حواليه = ولا بيوت بدو ولا طوارف رعيه
وعادت بي الذكرى إلى نزول أهاليه = وبيوتهم في كل دعب وشغيه
والرجم مهجورٍ ولا أحدٍ يعديه = بس الهبايب لاحياتٍ نحيه
الله يرحم من مشو في مراعيه = وبيوتهم في كل عثعث عذيه
يحتوي هذا الباب على قصائد الشاعر نافل علي الحربي، التي من نوع المنوعات، وهي القصائد التي لا تنضوي تحت غرضٍ واحد، من أغراض الشعر الأخرى 0
1- لا ضاق صدري من همومي نحرته
هذه القصيدة قلتها من زمان، والغرض منها واضح من معانيها، وليس بحاجةٍ للشرح والايضاح، فهي عن الصديق الوفي، وهذه القصيدة لقت قبولاً وانتشاراً واسعاً لدي المهتمين بنشر الشعر الشعبي، ولكن الملاحظ انه يوجد فيها في بعض المنتديات الكثير من الأخطاء، وها هي بشكلها الصحيح، مثل ما هي بديواني، ( ديوان الشاعر نافل علي الحربي )، أرجو ممن ينقلونها ان يتحرون الدقة بنقلها لتتضح المعاني وتتم الاستفادة:
الله على رفقة صديقٍ اثق فيه = لا ضاق صدري من همومي نحرته
مخلص وامين ولا يظن الردا فيه = ودايم ورأيه واقعي لا استشرته
صديق صادق بالوفاء ما ابتحل فيه = يمون علي ولا بغيته قدرته
ابدي عليه اسرار قلبي واناجيه = اللي اشرحه باسهاب واللي اختصرته
واصارحه عما بصدري اخفيه = الي طرأ عن كل شخصٍ سترته
من خوفي انه يسمعه جاهلٍ فيه = يستعبره في موضع ما اعتبرته
متفاهمين بكل شئ نسويه = نظره بعيد ويفتهم ما حزرته
ما هو من اللي دوم رأيه يبديه = لو كان يخطي ما يطيع ان عسرته
ولا يستفيد من التجارب بماضيه = دايم يكرر لجته لو نهرته
ورأي خطأ كيف أتبعه واقتنع فيه = ووش لون ابي آمن صاحبه ماحذرته
ولا هوب من يمشي بدربٍ اعاديه = ما فيه وعيٍ يفتكر ما افتكرته
ولا واحدٍ لو هو صديقٍ اماشيه = الي بدت لي حاجه ما انتظرته
إلى اعتذر عن حاجتي كل ما اجيه = قنعت منه بكل حال وعذرته
ولا هو من اللي طيب ربعه يقزيه = يغتاظ من مدح الرفيق ان ذكرته
غره غرور لا يبرق بما فيه = يسب غيره وان بخصته حقرته
واظن كلٍ حاضره مثل ماضيه = ومهما بقى يبقى على ما خبرته
وانك لا تهدي من تحبه بتوجيه = العود لو عدلت عوجه كسرته
2- نموت ما نترك تقاليد أهلنا
أيامنا ما هي على ما نتمناه = مسيرها ما هو على ما نتمنا
ياما قضينا من الشقاء والمعاناه = نبي من الأيام ولا ساعدنا
السيل ما يجري على غير مجراه = وحظ السعد لأهل الشقاء ما يتسنا
ما احدٍ يحصّل غير حوشه بيمناه = لو هو بفعل الطايله ما يتونا
ونصبر على عسر الدهر وانتحداه = الفضل لله أفعولنا يشرفنا
سلم الجدود الأوله ما تركناه = نموت ما نترك تقاليد أهلنا
3- لا بيوت بدو ولا طوارف رعيه
عديت رجمٍ عالياتٍ مراقيه = بأعلا الشعاف اللي شمالي رويه
عمرّدٍ ما أشوف رجمٍ يحاليه = يمكن تشوفه وأنت من بعد ميه
مريت به صدفه ووقّفت أراعيه = ورقيت به أرقب ديارٍ خليه
رجمٍ خلا ما أشوف زولٍ حواليه = ولا بيوت بدو ولا طوارف رعيه
وعادت بي الذكرى إلى نزول أهاليه = وبيوتهم في كل دعب وشغيه
والرجم مهجورٍ ولا أحدٍ يعديه = بس الهبايب لاحياتٍ نحيه
الله يرحم من مشو في مراعيه = وبيوتهم في كل عثعث عذيه