آخر المشاركات



أهلا وسهلا بك زائرنا الكريم في ديوان الشاعر نافل علي الحربي، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .


الملاحظات





الأبواب 9 - 10 - 11: مختارات منوعة من الشعر النبطي

الأبواب 9 - 10 - 11: مختارات منوعة من الشعر النبطي الباب التاسع: مختارات من محتويات الديوان يحتوي هذا القسم من ديوان ..




18-08-2019 03:41 مساء
نافل علي الحربي
menu_open عضوية موثقة
مدير المنتدى
rating
معلومات الكاتب ▼
تاريخ الإنضمام : 27-07-2019
رقم العضوية : 2
المشاركات : 337
الجنس : ذكر
الدعوات : 1
يتابعهم : 0
يتابعونه : 1
قوة السمعة : 10
موقعي : زيارة موقعي
 offline 

الأبواب 9 - 10 - 11: مختارات منوعة من الشعر النبطي


الباب التاسع: مختارات من محتويات الديوان 
يحتوي هذا القسم من ديوان المجموعة الظريفة من نوادر الأشعار النبطية والروايات الطريفة، على ثلاثة أبواب، من المختارات الشعرية، كما يلي:
- الباب التاسع: مختارات من هذا الكتاب ( المجموعة الظريفة ) 0
- الباب العاشر: مختارات من كتابنا ( تحفة المساجلات ) 0
- الباب الحادي عشر: مختارات من الشِعر الشعبيّ 0
هذا الباب يحتوي على العديد من الأبيات المختارة، من محتويات هذا الديوان " المجموعة الظريفة من نوادر الأشعار النبطية والروايات الطريفة " لعددٍ من الشعراء، وهي تتطرق إلى الكثير، من الأغراض الشعرية المختلفة:
عهدٍ لعله دايـم الدوم في زود=عهد الرخاء والأمن واليـمن والخير
نافل علي الحربي
حرز الذليل إلى احتكم عقد الأنشاب = يخِضِع ولا يَخْضَع لعوج المطاليب
به يندعي على مقابيس الإرهاب = أهل العيا اللي ما تجاوب مع الطيب
وكل آل سعود لذروة المجد كِسّاب = ذخر المواطن وافتخاره إلى نِيب
نافل علي الحربي
ولعل رجلٍ ما بظله مداخيل = ما يسخي بنفعه ولا في حصيله
تجيه نكبات الليالي مقابيل = جميع مكروهٍ وشرّهٍ يجي له
نافل علي الحربي
عوق العديـم اللي لخصته متينه = تسقيه عقب الزوم كاسات الأمرار
لو أنت طيرٍ لي رقبتي رهينه = متبجّحٍ صدري إلى رحت صقار
تعجبك يا الصقّار خبطة يـمينه=عفّار ما بالأرض لحّاق ما طار
ساكر الخمشي العنزي
ربيع قلبي شوفة الغانـميني = لا جوّ مساييرٍ وبالبيت خطّار
عساك يا اللي تكره المقبلين = حيٍ على الفقر وإلى مت بالنار
عبد الله بن نومان الحربي
لذاذة الدنيا معاميل وفراش = وصينيةٍ يركض بها العبد مسعود

في ربعةٍ يفرح بـها كل هتّاش = يفرح بها اللي من دناياه مضهود
مشعان بن هذال العنزي
الوالمه يا كليب عجّل بصبه=والرزق عند اللي ينشي السحابـي
دغيّم الظلماوي الشمري
وإن كثر هتّاش الخلا ما نـمله=حقٍ علينا فزةٍ بانبهاشي
يوم ان ولد اللاش هـمّه بظله=كنّه على دروب المراجل يحاشي
محمد أبو ونيان الحربي
لا جيت حريّـمل يشب النار=والضيف لازم يهلي به
بجاد المربوث الحربي
كل نفس بما تكسب رهينه ولا تضام=ومن اعترض للناس ذاق الأمرين
نافل علي الحربي 
ما بالبدَع غير الضلاله والأوهام=والميل عن منهج سلفنا الميامين
هذا برأيي والبراهين قدّام=المقبلات يعلّمن الفطيـنين
نافل علي الحربي 
ناسٍ تقول عقولها في هواها=تـمشي وراء رغباتـها وتعبدها
متصرّفٍ فيها اللعين يـحداها=عن ما يريد الله يقلع ضمدها 
نافل علي الحربي 
يا بغض عينـي للخون وعملاها=طرّادة المنكر بحامي جهدها
وش عذرها عقب أجلها لا دهاها=إلى انطلق سهم المنون وعمدها 
في حين تسأل ليش ما الله هداها=وعلامها تعمي بصرها بيدها
نافل علي الحربي  
وش يقول الأب والخال المـجيد=وش تقول الأم والجد الوجيه
وش تقول الناس دانـي والبعيد=بالولد لا صار منحرفٍ سفيه
تابعٍ نفسه على ما هي تريد=بالمعاصي يتبع اللي تشتهيه
نافل علي الحربي 
تشكي من الدنيا كفى الله شرّها=يوم اشترك حلالها مع حرامها
واقفت على من كان يدي حقوقها=وشانت مع الآجواد بآخر أعوامها 
يوم تطيب ويوم ترجع على الوراء=واليوم الآخر ما يغنّي حمامها
محمد الجويدي الحربي 
امبادل المعروف والصدق والرضى=زرع الحبه حظ من يشترونـها
وإلاّ ترى الدنيا ليالي وتنقضي=لا بد ما هي يابساتٍ اشنونـها
اعرف لها يا طيب القلب وافتكر=أم العباير لا تغرّك فنونـها
اعرض عن الغياب ولا تامن العدو=وامانة الله جارتك لا تخونـها
محمد الجويدي الحربي
احشم خويك عن دروب الرذاله=ترى الخوي عند الأجاويد له حال
والمرجله بالك ترخّي احباله=وبالك تعيل ولا تراخى لمن عال
خلف أبو زويد الشمري 
أونس بقلبي من مقامي اهمومي=وعليّ من طاري مقامي اشكله
زودٍ على الثنتين حطيت شومي=واليد من نتق العصا مستمله
تبّاع للي ما يـمومه يـمومي=يضرب على العيلات ما قلت لله
معلاّ الجميلي الحربي 
إلى سكت قلت هذا من حسن ذوقه=وسكوت بعض الأوادم ستر خافيها
محمد الجويعان الحربي
يا ما على الجاهل يفوتن الأفوات=ويا ما على العاقل تصير البلاوي
لا صار ما تاخذ أمورك بحيلات=يصير عقلك والهبال امتساوي
صالح الهليمه الحربي
لكن أفعال الطيب تلفت لنا أنظار=ولأجل احترام أصحاب ما نـهدرها
نافل علي الحربي 
السيل عن روس العوالي هـجيجه=وإلاّ الحفر والمرح من نفعه أرياف
يا رب عبدك لا لغيرك تـحيجه=يا خير من يدفع وينفع إلى راف
نافل علي الحربي
ما هـمنا غدر الزمان وغنيجه=الفقر ما غيّر تقاليد الأشراف
احظوظنا ما ساعفن مع خديـجه=حظي مثل حظك على جال مـهياف
خالد البيضاني الحربي 
ترى كلامي بالطبوع الذمـيمه=وإلاّ النفوس بذاتـها ما لها دور
ولا يتدخل بالقضايا المـقيمه=وجهة نظر عن واقعٍ ايعايش اعصور
من لا يتثبت والسوالف تضيمه=لعل ما حنا وشرواه جمهور
نافل علي الحربي
كم واحدٍ قلبه وجيعٍ يلهيه=كما تلهي الخود خطو الجنيني
يشوف من يبغض بعينه يباريه=يضحك ويلكز بالضماير ونيني
الشيخ / عمر بن ناحل الحربي
من أول آخذ من عميلي ولا أعطيه=وأقول أنا واياك متلاحقيني
وجاني بخطٍ رشـمته في علاويه=والحكم صار لليوم للمشتكيني
ناصر الزغيبي الحربي
البل على حيرانـها تخلج اخلاج=لكن يهون اخلاجها مع اخلاجي
أخذت أسبوع وغض الأنـهاد ما داج=لا أقدر على النشده ولا لي مداجي
غازي غريب الحربي 





تاصل مواصيلٍ ابعاد وتـهاليك=مداركٍ كم دستها والله اذراك
تاطا المخاطر ما تضعضع هقاويك=والخوف ما له هاجسٍ في خفاياك
نافل علي الحربي
شكل الشكاله والمهابه مزاياك=ومقدّرٍ عند الأقارب والأجناب
واللي تغرّه قدرته ويتحـداك=يصير خاتـم باصبعك عقب الادّاب
ما تقبل الميله لهذا ولا ذاك=سمٍ لمن عاضب وبلسم لمن طاب
نافل علي الحربي

الباب العاشر: مختارات مساجلات من ديوان " تحفة المساجلات "
كل شيء من الله وأنت ربك إلى عاد=يقدر يجمّع مثل علياء وأبا زيد
والحب ما يخفى على كل طرّاد=وكانك مكذّبني تنشّد امسيعيد
بجاد المربوث الحربي 
يا سليـم العلم يبي له ملافي=مثل ابن فرحان هو وايّا عميله
بجاد المربوث الحربي 
يا عد طوّل منامك ليه ما تاعي=ما غير ذيبك يـجرّ الصوت بلحونه
وين أهل الخيل ووين الطرش والداعي=وا ظنتي قبل قفو ما يعودونه
بلاّج الربخ الحربي
هذا مرض بالمجتمع يرّث أسقام=المجتمع منهم بدأ فيه تقسيم
من يزرع الفتنه مع الناس ينلام=دايـم عليه من أهل العرف تلويـم
حوّاس الديري الحربي
أشوف هرج الصدق ما عاد ينـراد=ببعض العرب يحب هرج الدعايات
ويوم أنت للمعنى فهيـمٍ ونقّاد=وش رأيكم بـمروجين الاشاعات
حوّاس الديري الحربي
الخصم حظٍ مثل ما راح ردّا=أتعب فكر عالم تحل المهمات
لو وجهوه بدرب ما ينتقدا=أعمى يطش المستحين بـمتاهات
عبيد الداموك الرشيدي
ياليت عرفي لأريش العين ما عاد=بنت الرجال محصلين التـماجيد
من عاشق الخفرات غضات الأنـهاد=والله يا المربوث ليقطّع القِيد
فايز البسيس الحربي
يا أبو محمد وسيع البال ما يراعي=دنياٍ علينا تقلّب تقل مجنونه
قبل الظعاين اتباري شقح الأقطاعي=من الحوايا إلى أم نقي يرعونه
فايز البسيس الحربي 
تأدّبو لبليس تاديب خِدّام=مشو وراه ووقعو بالأباهيم
وصلّى بـهم شرق ويـمن وانقلب شام=عن سنة محمد وملّة ابراهيم
محمد الجويدي الحربي
أقول يا فاطن ترى بعض الأفراد=ينون في روس المظامي عمارات
خذ ما صلح منهم وخالف هل الواد=والناس تدري بالمنازل حشسارات
محمد الجويدي الحربي
رعى الهوى لو قالو ايـهيد ما هاد=لا ذاق حب منـزغات النواهيد
والله كريـم وفعل الإله عوّاد=والصبر تلحق به على كل ما تريد
مسيعيد بن حفر الجميلي
اللي لدرب الشهامه يكرب احزامه=احب طاريه وأغلي راسه القاسي
" السامر "
الطيب مرقاه ما يرقاه من هامه=إلاّ شريفٍ يعاني فيه ويقاسي
نافل علي الحربي
الحظ لا منّه تردّا تردّا=ما يفيد به كثر الذكاء والحيلات
يبدّا الردي وايضا المشاكس يبدّا=والمستحي ومدوّر الستر هيـهات
نافل علي الحربي

 

الباب الحادي عشر: من الشعر الشعبي
يشتمل هذا الباب على مختارات، من أبيات بعض القصائد، لعددٍ من فحول، وجهابذة الشعراء، الذين أجادوا في صياغة الشعر النبطي، وذللوه في جميع الأغراض الشعرية المختلفة، كالابتهال، والفخر، والمدح، والحكم، والغزل، وغيرها من الأغراض الشعرية، كما يلي:
يا الله يا فرّاج يا وال الأفراج=أنت الغني والناس غيرك محاويج
تفرج لمن كنّه بحقٍ من العاج=متحيرٍ ضاقت عليه المناهيج
الشيخ / كنعان الطيار العنزي 
حنا حمينا نجد من كل فساق=ومن حمر مصر والوجيه المناكير
أول نراسلهم بتسجيل وأوراق=واليوم في حد السيوف البواتير
الأمام / فيصل بن عبد الله بن سعود
إلى تزبنا بحملٍ مضيـمه=جعفنا عن لين تبرد لهودها
ودعينه بالحشمه على جال منسف=وعلى حايلٍ ما يحتملها عمودها
الشيخ / راكان بن حثلين العجمي 
حنا نرى في زلة الجار لو جار=نضحك حجاجه بالعلوم الطريفه
نرفى خماله رفية العش بالغار=ونودع له النفس القويه ضعيفه
مقحم النجدي العنزي
يا حمود للجيره قوانين وسلوم=والله ما نرضى على السلم يـنهان
الله سأل يا حمود عن معرفة يوم=وحنا ثـمان سنين يا حمود جيران
مفضي بن ولمان الحربي
النجر طِق وجاذبٍ كل مرار=ما لفه الملفوف من دون جاره
في ربعةٍ ما هي بتحجب عن الجار=لا من وِلْد اللاش ما شب ناره ( )
الشيخ / تركي بن حميد العتيبي
عيو عليها وأنا عييت لانساها=وغديت مثل المعزي للموليني
يا شبه وصحاءٍ خزاز الضلع مرباها=ومرباعها من سنام إلى الظرابيني (1)
يامريبد الحربي
علمي بـها يا خليف يوم المطر طاح=واليوم عشب الوسم كلٍ رعابه
مدري مع اللي حودرو يـم الأسياح=وإلاّ مع اللي سندو يـم طابه (2)
 بصري الوضيحي الشمري



الحاشية:
1- خزاز: جبل غرب القصيم 0 سنام: جبل في أقصى غرب القصيم، قرب المدينه المنوره 0
2- طابة: من قرى حائل، ويروي بعضهم هذا البيت هكذا:
مدري مع اللي شرقو يـم الأسياح=وإلاّ مع اللي غرب يـم طابه
وكلا المعنيين صحيح، لأن الأسياح شرق من طابة، أي طابة غرب الأسياح، فهو بين هاتين المنطقتين، وحدروا بمعنى شرقوا، وسندوا بمعنى غربوا 0


تم تحرير الموضوع بواسطة : نافل علي الحربي
بتاريخ: 18-08-2019 04:36 مساء







الكلمات الدلالية
الباب ، التاسع ،


 











الساعة الآن 02:55 صباحا