ما احلا الربيع وطلعة البر حينه

ما احلا الربيع وطلعة البر حينه
***
ما احلا الربيع وطلعة البر حينه = ووناسته لا صار به فقع في زود
يفرق عن القعده بوسط المدينه = البر أبر لجسم الأولاد والعود
أصح من أكل اللحوم السمينه = ولو ما تذوق الا من الزاد معدود
البر زينٍ للذي محتسينه = والا المخاطر فيه شرٍ بلا حدود
كم أسرةٍ فجعت وعادت حزينه = تبي الوناسه وعادت البعض مفقود
خوذو الحذر يا اهل القلوب الفطينه = خوذو عِبر مما تشوفون وشهود
يا ما سقط ويا ما غرق لفاقدينه = ما فاد بانقاذه لهم كل مجهود
نافل علي الحربي