234-  دنياك هاذي يا ابن آدم ثقيله

***

دنياك هاذي  يا ابن آدم ثقيله = احذر توهق ثم تطيح بنحرها

دولاتها مثل الشعيب ومسيله = لا تنام وأنت بمنتصف منحدرها

وترا لها ناسٍ اخباثٍ عليله = لازم تعرف دروبها وتحذرها

أصحاب شر وضر واهل رذيله = عمي البصاير عيبها في نظرها

المعرفه ما تدوم معهم طويله = لا بد ما ينكث بها ويغدرها

اعرف لها واعرف لمن تستوي له = واقصر أمورك دونهم واختصرها

عليك باللي يتبعون الفضيله = اللي ينومس فعلها من ذخرها
 

235-  خلك أديب ولازم الاستقامه

***

دنيا الفِتن من آدمٍ للقيامه = احذر تسبب فتنةٍ من افتنها

ابليس خله نايمٍ في ابلامه = ترا مزاميره خطيرٍ لحنها

بعض التجاره ربحها بالسلامه = ما كل فرصة مثمره في ثمنها

وبعض احتفالات الهياط المقامه = انصحك ثم اوصيك بالبعد عنها

لا تحترم من ما يجوز احترامه = بعض الأوادم لا تقيم بوطنها

خلك أديب ولازم الاستقامه = والناس جاملها بما جاك منها
 

236-  يا ليت عندي مِن الدراهم ملايين

***

يا ليت عندي من الدراهم ملايين = ولا احتجت ما ادور من الناس سلفه

ولا تحدني الحاجه على الناس والدَين = واسحب واسدد كل مطلب وكلفه

وامشي واتزوج من البنات المزايين = اللي بهن ميزة تحمال وألفه

لا والله مَن يترك ايتامٍ مساكين = ورملاٍ يخليها مع أطفال خَلفه

ياشينها للي وصل حول سبعين = إلا لمَن هي عانسٍ دون خِلفه
 

237-  طبع الزعل ما فيه غير الندامه

***

بعض الولاه يكسرون القداحين = الله يكفينا الجهل والعتامه

أكثر فعايلهم من الحِسد والشين = والباقيه قلة اسنوع ورخامه

مَن يظلم الأدنين ويخالف الدين = بالآخره لا حلل الله اعظامه

ومخافة الله في جميع الميادين = عز الحياه وعز يوم القيامه

ودرب الغضب يعمي قلوب الغضيبين = ويجنب الغاضب دروب السلامه

كفو ايديكم يا الولاه الزعولين = طبع الزعل ما فيه غير الندامه
 

238-  بعض العرب مبتليه العيب

***

بعض العرب مبتليه العيب = ما الله منه مطلق ايساره

توجه مع طريق الطيب = وإلى مشا حطه يساره

ما ينفع اللوم والتانيب = بالشخص لا عميت ابصاره

لو يفحصونه هل التاديب = حطو على الفهم دواره
 

239-  ودي اسوي بس ما هي على الكيف

***

ودي اسوي بس ما هي على الكيف = بعض الأمور بكيفنا ما تسوّا

ما هي على حسن معرفه وتصريف = بالعكس تمشينا وحيل الله أقوا

أيامنا تسوي لنا شكل تعنيف = دروبها عن ما نريده تلوا

يا ما نواجه من احباط وصواديف = منها الهقاوي ثابطه ما نتهقوا

ما غير رجا رزاق خلقه بلا حيف = بلا عقل تبحث وتلقا وتقوا  
 

240-  بيت الشَعر بيت الستر والحموله

***

احن لبيوت الشَعر كنها هضاب = إلا اذا كان الخيام معزوله

الخيام لو تبنا على عمد وأطناب = بيت الشعر بيت الستر والحموله

بيت الشعر يبنا على الستر بحجاب = اقسامه على الدِين الصحيح معموله

فيه النساء ما تخالط رجال وأجناب = وفي رفته حقوق الضيوف محفوله
 

241-  يا غافر ذنوب الخطايا والآثام

***

لاجل الرواتب ننتظر نقص الأيام = والعمر ينقص حسب نقص الليالي

نعد نقص الوقت بحساب الأرقام = والعمر يتلي له من النقص تالي

يا رب ثبتنا على دين الاسلام = واجعل لنا قدرٍ برحمتك عالي

يا غافر ذنوب الخطايا والآثام = اغفر لنا يا واليٍ كل والي
 

242-  بعض البشر مِثل الجربوع المخورم

***

بعض البشر مثل الجربوع المخورم = كل ما يحط رقم لجواله يخليه

وإلا مثل طبع هاذيك المهورم = كل يوم تلفق في دنوعٍ وتشليه

وبعض العمل للكبد يدبل ويورم = وتكره جميع الناس كل مَن يسويه
 

243-  ما صحت الأديان إلا بالأبدان

***

ما صحت الأديان إلا بالأبدان = الدين يوجد بالعقول الصحيحه

والمعرفه والصدق للحق برهان = والحجه اللي مخالفتهم جريحه

ما تنقبل بكل الشرايع والأديان = وأصحابها من أهل الخصال القبيحه

من سار مع دربٍ يجنبه الايمان = لو ارتفع لا بد له من مطيحه

من لا اتقا شر المخاطر بالاحسان = انما وقع مترديه هو نطيحه
 

244- بعض البشر يلحس عقول الشياطين

***

اعوذ بالله من أخلاق اللهيدين = اللي خواطرهم دوامٍ عليله

بعض البشر يلحس اعقول الشياطين = لو شافه الشيطان ضيع دليله

 أقشر ولا ينفع به الطيب واللين = ومن وين ما حاولت ما فيه حيله

خبيث طبعٍ مذهبه والنبا شين = بالخبث بالعادات راعي طويله

له بالحيل والكذب سبق وبراهين = مجنبٍ سبل الهدا عن سبيله
 

245-  كل البشر بالهرج تطحن رحاها

***

كل البشر بالهرج تطحن رحاها = لا شك ما كل الرحي تطحن حبوب

كان الرحا النيه ونسمع لغاها = شوف الرحا في داخل الظن مطلوب

الهروج واجد والنوايا وراها = وبعض النوايا كلها خبال وعيوب

سبحان من عنده كتاب بخفاها = جميع سر بنية العبد مكتوب

والنيه الحسنه هداها بقداها = والنيه السيه سبب كل عذروب

وحسن الظنون  يورط اللي نواها = والحذر ياقا من غدر كل مصحوب
 

246-  حنا نعمل الواجب  اللي علينا 

***
 حنا نعمل الواجب  اللي علينا   =  لله ما هو لأجل عامل ومعمول
 بالقول وإلا  ما فعلته ايدينا  =   ولا ننتظر من الناس فعلٍ ولا قول
 بفعل المراجل بالصبر ما ونينا  =  من لا صبر ما مع الناس مفعول
 
 

247- العلم بالعقل المسدد لقاحه

***
 العلم بالانسان وعقله سلاحه

   ------------------فعله بهم فعلٍ على الحق موزون

العلم بالعقل المسدد لقاحه
 ---------------وقايةٍ عن كل فاتن ومفتون

ورعا الجهل يسلك طريق الدياحه
 ---------------وجهة ضلال وتالي الامر مغبون

والصدق ياقا صاحبه عن طياحه
 ---------------وإلا طريق الكذب ما هو بمامون

ما ينفع الانسان مثل الصراحه
 ---------------والكذب ويله لاهل الكذب مضمون
 
 248- يا حاكيٍ حكي الخطا لا تحكي به

***

بعض ألفاظ الخلق ذنب ومريبه
 ---------------------لا صار فيها للمحاكا مضره

يا حاكيٍ حكي الخطا لا تحكي به
 ---------------------حكي الخطا فعل الخطا لك يجره

العيد في قول الخطا لا تجيبه
 ---------------------حذر لسانك بالحكي لا يمره

حكيٍ على غير القدا وش تبي به
 ---------------------ما انته على بعض السوالف مكره

حذراك من بعض الألفاظ المعيبه
 ---------------------اللي تكدر للغيور وتحره

سولف سواليف الرجال الأديبه
 ---------------------اللي بها نفعٍ لمن هو تغره
 
 

249-  الطيب بتطبيق الخصال الحميده

***

الطيب ما هو بالظواهر مواجه = الطيب بتطبيق الخصال الحميده

الطيب ما يعرف على غير حاجه = لا ينوجد بأهل الخصال المريده

اللي بهم عند الغياب انعواجه = عن ما يريد الله لصالح عبيده

اللي لهم بالوجه هذر ولجاجه = هذرٍ يضر المجتمع ما يفيده
 

250-  انا ما احب اهل الريا والبخاشيش

***

انا ما احب اهل الريا والبخاشيش = احب شفافٍ نزيهه نواياه

ماني من اهل الخافيات الدراويش = أهل النوايا الفاسدات المخباه

مهما تحلو بالمكارم مغاشيش = ما بينهم وبين المكارم مواخاه
 

251-  الثرثره بالهرج ما هي رجاله
 ***

الثرثره بالهرج ما هي رجاله
 ----------------- وابغض صفه صفات لامز وثرثار

ومن لا يقيس بدين ربه أعماله
 ----------------- خسران دنيا ودين وأخراه للنار

الرجل ما يسلك طريق الجهاله
 ----------------- يسمع ولا يسلك طواريق الاخيار

اللي مدحهم الرب جلا جلاله
 ----------------- اهل التقا قومٍ ميامين وأبرار
 
 252- ​اعرف بعقلك خل عنك التقاليد
 ***
 اعرف بعقلك خل عنك التقاليد
 -----------------------عرف العقل ما هو مثل عرف عاده
 لا تتبع عادات ناسٍ محاييد
 -----------------------اللي بهم عن مرتضا الله حياده
 ما للشرع بأفعالهم علمٍ يفيد
 -----------------------فيها  على ما يرضي الله زياده
 اللي يرمون الغتر للاجاويد
 -----------------------على شريعة الغاب هي والعباده
 

253-  يخسا ولو كل العرب يمدحونه

***

كم ضايعٍ يلقا من الناس ميد = ناسٍ على غير السنع ييدونه

لو كان عن ما يرضي الله محيد = اصحاب سوٍ للردا يشجعونه

تقول عن درب المراجل مقيد = وعن شوفها تقول عميٍ عيونه

من ما خضع للوالدين وتسيّد = يخسا ولو كل العرب يمدحونه

وش عاد لو هو للبعيدين جيد = بالوجه والا بالخفا يجهلونه
 

254-  يا شين قرب اللي خبيثه أخلاقه

***

يا شين قرب اللي خبيثه اخلاقه = زعول طبع ولا يبين به الطيب

علاقته ما هي بذيك العلاقه = لو زان ساعه تغلبه نية العيب

مستشريٍ طبع الردا في اعماقه = تصعب معالجته بكل التطابيب

محروم من طبع الوفا واللباقه = ودايم يلفق بالموالي عذاريب

طباع الحَسَد والكذب به والحماقه = تخليه للغلطه سريع الهناديب
 
 255-  الله لا يذكر راعي الكذب بالخير

***

الله لا يذكر راعي الكذب بالخير = اللي يوهق من يصدق اعلومه

ما ادري وش يحده على عكسة السير = وهو يدري انه مخطيٍ في يمومه

ما يدري انه للخطر جايٍ يسير = وان الحبايل تنتظره بقدومه

الخبل ما يهمه كلام المعايير = ولا يهمه اللي للمراجل يلومه

وله مع طريق الكذب عدة معابير = يقضّي بها عمرٍ رديه اسلومه

الكذب طبعٍ بالخبول المعاثير = اللي بهم عن منطق الصدق غومه
 
 256- أنا امدحه ان كان ربه يحبه
 ***
 يقولون امدح صاحبك لا تسبه = أمدح ابن عمك ولو كان هو ماش
 انا امدحه ان كان ربه يحبه = وان كان هو عكسه فلا امدح اللاش
 ما أمدح اللي راضيٍ بالمسبه = ولا امدح اللي لاهل الطيب غشاش
 

257 -  الظلم من طبع النفوس اللئيمه

***

الظلم من طبع النفوس اللئيمه = والحِسد غايتها ومبلغ هدفها

اهل الردا على رداها مقيمه = دروب المراجل ما تجي منتصفها

يا اهل الحسد واهل النوايا السقيمه = عز  النفوس بدينها وبشرفها

خلو طواريق الحسد والظليمه = النفس تتبع من عليه يعسفها

 
225- للشخص خصالٍ في هداه أو ضلاله

***

للشخص خصالٍ في هداه أو ضلاله = اما لرفعه فوق وإلا لنزوله

 يا اخي ترا بعض خصالك عباله =  تفسد بعضها عن عمل كل طوله

اعرف خصالك كلها للثماله = لا تصير خبلٍ كل ما فيه زوله

الرجل عقل وعرف في كل حاله = في نيته ما هو بعرضه وطوله

في نيته يكمل وتصلح خصاله = يوم الحساب وعند ربه مثوله

والعقل هو حرزه وقمة كماله = عن الخطا والعيب يصغي ذلوله

ترا النوايا هي دوافع أفعاله = بتعامله مع كل من صار حوله
 

226-  النفس لا كبرت على العقل عله

***

النفس لا كبرت على العقل عله = تمشي بطريقٍ عقلها ما يريده

على الهوا تمشي بأمورٍ مخله = معاصيٍ عن طاعة الله بعيده

تتبع هواها بالأمور المضله = لو كان ما هي من الهوا مستفيده

لو كان تدري بالخطا تستغله = من ضعفها باللي تريده عنيده

قو الإراده عندها في خله = عن العمل متعطلٍ ما يجيده

تقود راعيها على كل مله = ما هي على صدق العمل والعقيده

تترك طريق الحق لو هي تدله = اللي رضي رب العباد  لعبيده
 

227-  المرجله ما هي سوالف دياوين

***

المرجله ما هي سوالف دياوين = اللي بها يسمع صهيل الثعاله

اللي عن أفعال المراجل بعيدين = ما همهم فعل الحرام وحلاله

المرجله تعرف من الحكم والدين = والبعد عن درب الخطا والضلاله

بعض العرب طيبه ما دامه على العين = ولا غاب به بدرب المجون انحلاله

ما الناس واحد في جميع الميادين = لو هم سوا بالمجالسه والزماله

مَن ما عرف قدره بعرف القوانين = مثل الذي بالعلم علمه لحاله
 

228-  أنواع المكارم في عددها عديده

***

أنواع المكارم في عددها عديده = والعيب في نوع الخصال وعددها

ومن ما عرف كل الخصال الحميده = كما يقول القول من عند يدها

واللي اهتمامه بالعلوم المفيده = مَن جد في سير المساري حمدها

ما هي على مَن شد حيله بعيده = وكل نفس محصولاتها من جهدها

والنفس عن طرق المكارم عنيده = وبذراتها شرٍ على مَن حصدها

ما يهينها غير الشجاع الوليده = اللي الى ضعفت لشيٍ لهدها

وتهين مَن طاوع لها بما تريده  = اللي الى سارت لشيٍ لكدها
 

229-  الحظ  لَا منّه بدا به تردي

***

الحظ لا منّه بدا به تردي = سلّط عليك خبول بعض الجماعه

اهل حسد واهل ضلال وتحدي = وقطاع رزقٍ للرفيق بقطاعه

تصبر تبي ما يجيك منهم يعدي = وابو الطبايع ما يخلي اطباعه

لو أنت تعاملهم على شكل ودي = ومقامهم بالطيب ترفع اشراعه  

رجالهم عن ما تريده يصدي = ويجزاك عن طيب العمل باللكاعه

طريقهم يم السنع ما يودي = لا ما تحوّل صار فيه انقطاعه
 

230-  بعض الرجال خبيل ما له مراويح

***

بعض الرجال خبيل ما له مراويح = عند العرب مثل الصخيل المبايت

ما له هوا بفعل النشاما الزحازيح = اهل نفوس للمراجل تهايت

ينام عن خير العمل خامد الريح = خسارةٍ به قولتك قود نايت

نامت على قلبه عراض الصلافيح = دامه يمر بكل معروف فايت
 
 231-  ما ادري مرض أو عقدة الجاهليه

***

الله لا يجزا هل الحِسْد بالخير = اهل النمايم والعلوم الرديه

اللي على الطيب اعداةٍ مناعير = والطيب فعله ما لهم فيه نيه

قطاعة الأرزاق حسادة الغير = اللي بهم من كل عوجا سجيه

بعرض الرفيق يلفقون المعايير = ولا احدٍ ذكرهم في علوم الحميه

بكبودهم من مدح الأدنين تأثير = ما ادري مرض أو عقدةٍ الجاهليه
 

232-  الصدق تصلح به جميع المزايا

***

الطيب ما هو سالفة عطني ودوك = الطيب بالأخلاق قبل العطايا

الناس لو تملك ملايين وبنوك = ما ارضوا قرايبهم ببعض الهدايا

الطيب ما يصدر عن اهداف وشكوك = دوافعه صدق العمل والنوايا

حذراك طيب الوجه والقلب صعلوك = الطيب بتقوا الله وطيب السجايا

صدق النوايا يا اهل العرف مبروك = الصدق تصلح به جميع المزايا
 

233-  صار الطلب لاهل الردا والهكارا

***

الخيل تركت وتركو اهل المروه = وصار الطلب لاهل الردا والهكارا

تسهلت لاهل الردا دون قوه = ضعاف النفوس قريبين المدارا

وصعبت على رجال الفخر والحموه = اهل الأفعال الطايلات الغيارا

واشوف وقت اليوم مغبَرّ جوه = وكن الأمور تسير به بانحدارا

يا حيف ليه الصدق وجهه مشوه = والناس بالأكذاب قامت تبارا

 
قصيدة ومجاراة بين عبد العزيز المخلفي، ونافل العلوي

***

الآدمي ما دام له عقل واعي = لو كثرت اسئلته تجيه أجوبتنا

وان زوّدالسرعه وصار اندفاعي = ما هو ضروري نرصده بأجهزتنا

الأرض لله والطريق اجتماعي = واللي ما ياثق ما يميّز ثقتنا

حنا نقول ان صار للقول داعي = وان صار ما للقول داعي سكتنا

عبد العزيز سعد المخلفي الحربي

*****

مجاراة نافل علي القمامي

يا ابو سعد حركت في بانطباعي = قريت ابياتك الرايعه وهيضتنا

اللي ضميره  للمناسب يراعي = يلقا علامات المناسب سمتنا

ونسكت عن اللي في خطاه اقتناعي = بعض البشر عن ما نبي عودتنا

ولو الأمل يبقا ببعض المساعي = متنا وحنا لبعض الاشخاص نتنا

نافل علي القمامي العلوي

 

فيما يلي قصيدتي مساجلات، بين الشاعر/ نافل علي القمامي، والشاعر/ عياد فايز البسيس:

****

قلبي بنظرة طرف عيني تبلا

***

يا ابو فهد عصر الجهل عقب ولا = عاد ولا حصل غير شوف ارتباشي

قلبي بنظرة طرف عيني تبلا = بشوفة جمالٍ احترق منه جاشي

وصديت صدة تايبٍ لا استزلا = صدودٍ أسرع من تحرك ارماشي

غروٍ على بسرة افوادي تولا = بسهمٍ يصيب القلب مثل النهاشي

خده كما برق بياضه تجلا = بين المزون المدلجات النواشي

عيون أشقرٍ يم الخضيرا تعلا = لا انهد ما بين السِهِل والرياشي

حرٍ على جول الحباري تدلا = وخلا تطاير ريشهن له طشاشي

هو في طريقه عن طريقي تخلا = وانا بعد ضليت للبيت ماشي

نافل علي الحربي

***

رد الشاعر/ عياد فايز البسيس:

****

غض النظر لا ترفعه حيل كلا

***

لا والله إلا رحت لا والله إلا = إن ما عقلك اللي  يغيث العطاشي

من طاع قلبه يابو نواف ولا = أقصر اخطامه عن هذيك المماشى

ان كان  تقدر تمنعه لو تكِلا = قدام يفرط سبحته بالفراشي

عقبه مثل ما انته بعينك تحلا = قيظ ووباء ما لي وراهن مهاشي

لكن عقلك الله بلا ابطاي جلا = من غبة بحورٍ بها الَموج غاشي

غض النظر لا ترفعه حيل كلا = ومن رد ما كنه شرد كان عاشي

وإلا الجمال اليوسفي لا تجلا = يلفت نظر عينٍ عليها غطاشي

عياد فايز البسيس

****

هات القلم مع كاغده والدوا به

***

هات القلم مع كاغده والدوابه = لابو فهد نبي نسجل مثايل

مثايلٍ ما دوزنت بالكتابه = من شان مطلابٍ عن الحق مايل

مطلابها نبي المرد والاجابه = عن حال صاحبنا العزيزه نسايل

ابو فهد اشكل علينا غيابه = ونسأل عنه عساه في كل طايل

اسأل ولا أحدٍ رد لي في جوابه = علمٍ موكد مثيتٍ بالدلايل

عساه بخير وعز شخصي ولابه = في حالةٍ ما يدار فيها البدايل

ربعٍ لهم بالطيب قدر ومهابه = بني علي اهل الفخر والجمايل

كم طامعٍ ذاق الطنا من صوابه = حامت عليه الحايمات القوايل

وكم خيرٍ جاهم وعزو جنابه = ولقا بهم بالطيب كل المسايل

من حرب حرابة الدول بالحرابه = من غير تقصيرٍ بكل القبايلِ

 

 
لابن القمامي

***

سلام مني يا حصان الاطاليب = يا طيب المبدا عزيز المقامي

لو كان ما يكفي ردود ومكاتيب = مار انها تعبير قولة سلامي

منزهه عن كل شاذوب ومعيب = ومطيبه بالطيب لابن القمامي

والله ما ارجي من وراها مكاسيب = إلا التحيه يا كبار المقامي

افخر بكم واعتز والفآ التراحيب = وختامها يا الشيخ زود احترامي

حسين  مسفر الشاماني العمري الحربي

****

أمجاد وتحامي

***

اهلا هلا يا حسين وازكا التراحيب = مضمونها حبي وزود احترامي

جتني ابياتك يا عزيز المناجيب = وعطيتها فكري وكل اهتمامي

تسلم ويفدونك قراب المحاضيب = ومن رميهم عن يمة الصدق زامي

وانا افتخر بأمثال شخصك هل الطيب = اللي هدفهم يا ابن الاشراف سامي

ربعي وربعك ذكرهم دايم مهيب = لهم على العليا أمجاد وتحامي

نافل علي الحربي

****

يا حمول الاصايل

والنعم منكم  ياحمول الاصايل = ياللابه اللي  صيتها بالفخر فوق

لا جا نهارٍ به عبوس وهوايل = ومزبنة بالخوف  جاني ومرهوق

حسين مسفر الحربي

تسلم وعلمك يا أبيض الوجه طايل = وربعك بني عمر أهل طيب وحقوق

اهل الفعول المعجزات الجلايل = تاريخهم بالطيب ما هو بملحوق

نافل علي الحربي

****

 

بحزات اللوازم سقطري

***

اهلا بمردودٍ من المذوق معسول = ما هب ذعذاعٍ وما رف كدري

من طيب المنسب عسا عمره يطول = اللي بحزات اللوازم سقطري

حسين بن مسفر رعا الفعل والقول = يوم العرب فيها صواب وتخطري

عسا عمله من وال الأقدار مقبول = ويفداه من تقصر هقاويه بدري

نافل علي الحربي

****

غاية العرف وادري

***

‏الفٍ هلا ماهلت المزن هملـــــــــــول = وماغنت الورقاء على اغصان سدري

جانا رسولك يا ابيض الوجه  ويقول = من عند شيخٍ له مهابه وقــــــــدري

ورحبت به فرحٍ بما جاب محمول = يحمل رسائل  بين غطو وتمدري

واعطيته  الماجوب  والنزل مآهول = اعرف سوالك غاية العرف وادري

هذاك عن طرق اهل الخير معزول = جعله  يتيه بتيهةٍ في  شودري

مير المصيبه بين راعي ومسؤل = واكبر مصايبنا اذا قال مــــــــدري

وصلاة ربي عد  ماخط منقول = على شفيع الخلق في يوم كدري

حـــــســــــــــين بن مسفر الحربي

****

عن شعر عمري محايد

***

يا حسين انا ما انقد على شعره الرود = شعر الغزل عن شعر عمري امحايد

شعر الغزل يا حسين بشروط وقيود = قوله على عمر المسنين كايد

شعر الغزل به لاهل الكبر منقود = مايستوي في حال ناقص وزايد

ما يقبلن البيض بالعشق للعود = يشوفن ما به مع سنعهن فوايد

حبي لهن يا حسين بالقلب موجود = باقٍ على طيلة ليالي سايد

درب التكافوء بيننا صار مسدود = عن بعضنا بسن التكافوء بعايد

ما ترجع الخضره على يابس العود = ولا ينجبر كسر الزجاح البدايد

يوم التكافوء حبنا بعقل وحدود = خالٍ من علوم الردا والوعايد

نافل علي الحربي

****

ولعة مهتوين الطرايد

***

اهلا هلا ما هب ذارٍ من النود = وما غنت الورقاء بخصر الجرايد

يا أديبنا عسا لياليك في زود = يا موثقٍ مجد العرب والعوايد

قدرك كبير وله براهين وشهود = في مسلك التأليف والعرف رايد

شعر الغزل يا أديب ما فيه منقود = وأنا بطرد الصيد ليه عوايد

وخلاف ذا ياشيخ والعلم مردود = الحب ولعة مهتوين الطرايد

يا مسندي لا عودن بيضها سود = شورك يوجهني لخير الفوايد

وصلاة ربي ما سمر برق ورعود = على شفيع الخلق يوم الشدايد

حسين مسفر الحربي

****

 

باعمال الاداره تسيّب

***

يا ابو فهد وش لون حالك وكيف انت = عساك بخير ودايم الدوم طيب

انته وانا الى حسبت وتمعنت = يا ابو فهد الكل منّا شويّب

دققت بحساب الليالي وخمنت = ولا اشوف غير ان المواجه قريّب

والبيض لو اني شحرت وتزينت = يشوفن بأعمال الاداره تسيّب

نافل علي القمامي

****

مهما كثر ما يعيّب

***

تسلم يا بو نواف وتبقى ولا هنت = ياعل يسقي داركم كل صيب

انا بفضل اللي له اسلمت وامنت = الواحد اللي من عباده قريب

عساه يرحمني لامني تكفنت = وحطوني ابقبر ظلامه ايهيب

ولا الحياه ايامها لا تفطنت = لمحة بصر جعل الولي ما يخيب

والموت برقاب البشر وين ماكنت = والشيب مهما  انه كثر مايعيب

واقبل تحيات الوفا يوم هيجنت = يا عل يفدا صاحبي كل خيب

عياد فايز البسيس

****

 

والباقي على الطيب لله دره

***

‏سلام بدهن العود معطر ومرسول = يلفي على الاجواد كـلٍ بمـقـره

تـنحي بـنا الايـام ونصـول ونـجـول = والباقي على الـطـيـب  لله دره

حمود الوازعي

****

خيره ما يلادي لشره

***

اهلا وتسلم عد ما هل همول = وعداد حبات الرشاش بممره

ولا يسلم اللي بالذميمات معلول = ولو قال خيره ما يلادي لشره

نافل علي الحربي

****

 

وانا شكيت لخالقي خالق الكون

***

الابيات التالية للشاعر والاعلامي المعروف صبار عابر العنزي أعجبتني، وقلت أبياتاً تأتي بعدها، مجاراة لها:

شربت من ضيم القرايب هماجي = وأقول عادي كل ربعي يمونون

وطفيت في حالك ظلامي سراجي = وخشعت للخالق مع اللي يخشعون

وبللت أرض الطهر ملح اجاجي =  والعين هلت دمعها صافي مزون

وما غير رب الكون ما من ملاجي = وانا شكيت لخالقي خالق الكون

صبار عابر العنزي

****

رفعت عن بعض الأقارب سياحي

***

وهذه مجاراتي للأخ الشاعر صبار:

صبار ما بالعلم دس ومناجي = من لا رضي بما يرضي الله ممهون

بين الخصال اللي لهالك وناجي = مثلك انا عانيت من همي فنون

مثل الخصيم اللي لخصمه يراجي = يبي عساهم عن غلطهم يفيئون

ورفعت عن بعض الاقارب سياجي = وسكرت بابي دون فاسد وملعون

وخالفت درب الهذرمي الخماجي = بسوالفٍ ما تلتزم باي قانون

السمعه القدوه غطاها العجاجي = =صارو عليها اهل المهايط يحندون

شين الخصال اصبح كما الليل داجي = يكثر من هم من غثاها يعانون

نافل علي الحربي

****

تعللو في هرجهم وظلموني

***

****

هذه الأبيات الأتية للشاعر والاعلامي المعروف صبار عابر العنزي، أعجبتني وجاريتها بأبياتٍ تأتي بعدها، يقول صبار:

تعللو في هرجهم وظلموني = وأنا على غرات الأجواد ستار

قالو وصالو واضحكو وشتموني = شذابة العرقوب شتامة المار

هاك الوجيه اليا رمو ما رموني = يكفي مقابلهم على طفية النار

صبار عابر العنزي

****

مغرض وحاسد وبوني

***

ناسٍ بغرات الأوادم تنوني = جالو وجولتهم لها أهداف وأدوار - 1

فشلو معي ماني على ما بغوني = وقفت مساعيهم على رجد وغبار

ما هم سوا مغرض وحاسد وبوني = تباعة المبعد معاليل الاضمار -2

نافل علي الحربي

 

الحاشية:

1- تنوني: تقصر اصواتها، على التشبيه بمن يترنم بشعر 0

2- ما هم سوا مغرض وحاسد وبوني: ما هم إلا نوع من هذه الأنواع 0 بوني: فيه بونة، أي علة 0 تباعة المبعد: أتباع هوى الشيطان 0
 معاليل الاضمار: يضمرون نوايا سيئة 0

 

 

 
وذا رقم جوالي وبصمة ابهامي

*****

الأبيات الآتية للشاعر/ منيف الغرابي، وهي تعبر عن نفسها، إذ يشكر عدداً من الأعضاء ردوا على أحد مواضيعي، وكأنه أُعجب بكثرة ردودهم، أو نحو ذلك، وبما انه أمتدح أسلوبي، وأمتدحني بقصيدته، رديت عليه بالقصيدة التي بعد قصيدته هذه، وإن كان ردي متأخراً جداً، لأنني أنقطعت عن المنتدى، ولما عدت إليه وجدت القصيدة:

الله يجمل حالكم يالحروبي = كلٍ بلا تخصيص قلته علامي

عن نافل الحربي جميل السلوبي = والنعم والله فيه ما هو كلامي

من دون قاصر من شمال وجنوبي = وشرقٍ وغربٍ ربعتي لي حزامي

الشاعر/ منيف الغرابي

****

ردي على قصيدة منيف السابقة:

يا منيف أنا دريت بالرد دوبي = وتأخري بأسباب جيئة دوامي

النعم بك وتراك عني تنوبي = وذا رقم جوالي وبصمة ابهامي

يفداك خبلٍ بالمجالس منوبي = تنوباي حرٍ بالمواكر اقطامي

بالهرج يصفق مثل صفق الهبوبي = وإلا المراجل فيه عنها خزامي

الشاعر/ نافل علي الحربي

*****

*****

الجينات اللي تبيها معقمه

***

قصيدة قافيتها تعجيزية، لأن ألفاظها قليلة، تنتظر ردود الشعراء عليها:

يا زارع الشبرم تبي منها طحين = الجينات اللي تبيها معقمه

يطلع حصادك مثل قول القايلين = شبيرمه بنتٍ لابا العبقمه

لا قرص منه وتنقبه بين اصبعين = ولا ألقم يا حلقي وجتك مدلقمه

والى اشتريت بضاعةٍ خلك فطين = ترى تواريخ الصلاح مرقمه

وين الشعار أبي لها فزعة ذهين = فنجالكم يا اهل الدلال الملقمه

يا من لكم مدخل على الحصن الحصين = أبي ردودٍ قافيتها اقمه

شعر/ نافل علي

***

يا مرحبا ترحيبةٍ بالياسمين = والورد والريحان فواح اطقمه

بأديبنا اللي ما يقول إلا السمين = شعره درر مثل الجواهر يرقمه

واللي ازروعه ما زرعوها الزارعين = يا عل مع شوكه طعامه علقمه

ضايع ولا يمشي طريق المقتدين = ولا ينحسب له في حساب المرقمه

أقولها واعوذ برب العالمين = من السقيم اللي أفعاله مسقمه

رد/ سعود فيحان القمامي

*****

*****

من كل شرٍ يعيذه

***

أبياتٍ منظومةٌ على قافية صعبة، لأن قافيتها ألفاظها قليلة جداً، تنتظر رد الشعراء عليها:

أعوذ في ربٍ به الناس تعتاذ = ومن عاذ به من كل شرٍ يعيذه

وبعده أبا انظم لي أبياتٍ على آذ = وآخر مشد القاف والبيت ايذه

وأبي امباراتي على قافها الشاذ = وأترك لكم باق الألفاظ المليذه

القد على أول قدةٍ منه ينحاذ = والقاف مثله يقتدي به محيذه

نبي لنا شعرٍ مع الناس نفاذ = يشوق حفاظ القصيد بهذيذه

شعر/ نافل علي القمامي

*****

ردود بعض الشعراء:

***

يا نافل واكثر من بليس التعواذ = وبليس والنفس وهواها الاخيذه

وكلٍ على خبزه من الجمر جذاذ = يا من على خبزك تعدل الجذيذه

من بعدها نويت اجاريك ياستاذ = ومن شذ به رادار يكشف شذيذه

لي هاجسٍ لا قلت فزعتك وانقاذ = اضيع مع توصيف منعش رذيذه

سحابةٍٍ هلت ماهي طش ورذاذ = ديمه بها للكبد شربه لذيذه

رد/ مضحي بن جمران

***

نعوذ باللي من تعوذ به ولاذ = الشر صوبه ما ينسنس رذيذه

في رحمته جنه وفي لطفه انقاذ = واعمالنا كسب الحياة اللذيذه

ليا غضب ما شذ للخلق شذاذ = استغفره واتوب له واستعيذه

اللي له اسجد واتلذذ تلذاذ = ارجو عسا في سجدتي لي نقيذه

وسلام يا نافل ولا هنت يا معاذ = ولا هان من قدم جزالٍ حنيذه

رد/ مزعم الكمي

***

ارسلت لي يا صاحب القاف عياذ = بيتين ما عنهن مصد ولويذه

أعوذ بالله من خطا النفس معتاذ = من شر هاذي قبل هاذيك عيذه

افلان شرهني وأنا اقول لماذ = لا جاك هراج العراقيب حيذه

في حد موس ولا تفكر بالانقاذ = قدام عينك راح مخك أخيذه

رد/ عياد البسيس

*****

*****
 

وعسى لها على المعزه ملافي

***

وهذه القصيدة الآتية، رداً على قصيدةٍ وجهها إليّ الأخ الشاعر/ عياد البسيس، ولكنني أم أجد الآن، وسأبحث عنها لاحقاً:

يا أبو فهد جتني ابيوتك على آف = وآخر مشد القاف عندك على آفي

رصفتها رصف الورق عند صراف = شاعر وشعرك في معانيه وافي

أهلا وسهلا عد ما هل خذاف = بقصيدة الشهم الصديق السنافي

مدحت من باب الحقيقه والانصاف = قافٍ سبق مثله على الغير خافي

ما نسج ينسج دون حايك ونداف = وان صار أو ما صار يحصل تلافي

حنا على حسن النوايا لنا أهداف = وعسى لها على المعزه ملافي

أنا ضميري دايم الدوم شفاف = في كل حزات الفزع والعوافي

ولا شفت مثلك من أهل الطيب مضياف = رحبت به وأرخصت له كل كافي

نكثّر على القهوه من ابهارها حاف = ولا نلتفت لمخلطات المصافي

حاشاك خلطات الغجر سمٍ اذعاف = عن بعضها بس فاخر الهيل كافي

والشعر به فاخر وبه ثاني اعذاف = وبه شعر ثالث بين ذولي انصافي

وأنا اختار من الجواهر بالأصداف = ولها على كيفي ابحور ومرافي

                           شعر/ نافل علي القمامي     

 

ولا أحد سيفي كل ما تايعٍ تاع

*****

الأبيات التالية، من قصيدة طويلة للشاعر/عياد فايزالبسيس، وجهها إليّ، ويليها ردي على هذه القصيدة:

يا أبو علي ماني سريع المفازيع = ولا أحد سيفي كل ما تايعٍ تاع

ولا أفتح لمندوب الزريه مصاريع = يمشي بها مقدار شبرٍ ولا ذراع

أشوم وأجنب خطاة المواضيع = عما يغث البال سكرت الأسماع

لو كل ما هبت هبوب الذعاذيع = صحنا غدينا من عمي عوج الأسناع

بالطيب نشري يا ابن الأجواد ونبيع = ورحنا ضحية كل شامتٍ وطماع

والعقل ميزان الرجال الصعاصيع = اللي يدلون المعومس إلى ضاع

والصبر طبٍ للقلوب المواجيع = وصّا به المبعوث هادي وشفاع

عياد فايز البسيس الحربي

*****

ما تشترا بسوق التداول ولا تباع

***

هذا ردي على قصيدة الأخ الشاعر/عياد فايز البسيس:

يا أبو فهد أعطيك بصمه وتوقيع = شهادةٍ مني على صدق الابداع

تسلم ولا يسلم ردي المراميع = السرمدي اللي مع الناس دساع

لا جننا من اللاش عوجٍ مصاليع = امكرراتٍ ما لهن داعيٍ داع

نحط على خد المناعج مراقيع = وندوس خشمه دوس بالنعل بالقاع

بعض البشر ما يفتهم دون تطبيع = وكل البشر تشتم قليلين الأسناع

والسب مشاعيب الرجال البواتيع = وله في طريقه للرديين مهزاع

طب الضروس المسهرات المشاليع = ولا فيه ضرسٍ ينحذف دون مشلاع

كم واحدٍ ينساق للعيب ويطيع = بأمر الربايع والمٍ تقل مرياع

من لا حما حوضه ازلال القراطيع = يلقا ذواهيب الهمل فيه شراع

وبعض البضايع ما تناسب على البيع = ما تشترا بسوق التداول وتنباع

والسر ما يخفا عن الناس ما ذيع = لا بد له من يوم يكشف وينذاع

والكبد ما ترضا ببعض المواضيع = ولا تشتهي زبدالجماعه إلى ماع

نافل علي القمامي ا لحربي

***

وش رأيكم باللي ايرائي وكذّاب

****

يعاني الكثير من عقلاء المجتمع، أصحاب العفة، والمبادئ السليمة المستقيمة، من اشد أصناف الغيرة، على الدين، والخصال الحميدة، التي لا تفتئ تنتهك من قبل بعض الشواذ، من الناس ، دون ما أن يردعهم عن ذلك رادع وازعٍ أو مبدأ، مهما تظاهروا بمظهر السخاء المبطن، والرجولة الجوفاء، وغير ذلك مما لا يعني سواء التزلف، والمآرب الدنيئة؛ والقصائد التالية، تهدف إلى توعية هؤلاء السذج، ليعيدوا النظر في حساباتهم، التي لا تعود عليهم، ولا على غيرهم، بأي فائدة، ولا سد حاجة، وإنما هي لا تتجاوز إطار الهياط السلبيّ، والذي لا يمت لمكارم الأخلاق بأي صلة،، وفي هذه المساجلات، رسائل وإشارات ذم وتحذير وتنفير، من تلك الطباع الذميمة، وغيرها من المثالب والنقائص، التي تسيطر على عقول أصحاب الأهواء، والتي لها دورٌ سلبيّ، على الدين، والعادات الاجتماعية الحميدة، على أمل أن يكون لهذه المساجلات أثرٌ حسن ٌمن التفاعل الإيجابيّ، من قبل هؤلاء الأشكال، والعودة إلى الرشد، والتوجّه الأخلاقي المحمود 0

وأولى هذه المساجلات للشاعر نافل علي القمامي الحربي، يخاطب بها كلاً من الشاعر عياد فايز البسيس الحربي، والشاعر مضحي جمران العرجان الحربي:

يا أبو فهد انته وابو احمد أصحاب = وودي أشاوركم وأبي منكم الشور

وش رأيكم باللي ايرائي وكذّاب = في ظاهره طيب وفي داخله ثور

يخدعك بأسلوب الكرم والترحاب = يبني قصر ويهدم مصر تايه الشور

يغر في وجهة نواياه الأصحاب = ديجور من الداخل وبراه فسفور

نمام بالغايب وبالوجه نصاب = ويلف بغياب الموالين ويدور

جميع عاداته ذميمه ومعياب = ولا تأمنه من كل عوجاء ومحظور

نافل علي القمامي

****

رد الشاعر/ مضحي جمران العرجان الحربي:

***

ارحب تراحيب بلا عد وحساب = ترحيبة الوافين في كل منعور

عن هوج معصير الهواء سكّر الباب = وارتاح من دونه وقف عالي السور

والعرف ما يخدع هله كل لعاب = ولا عليهم تمشي العمي والعور

ولا هو بخادع يا ابو نواف الأشناب = ولا تمشي الحيله على كل ممرور

خسران لا ودا وخسران لا جاب = والله لا يقبل نبا شاهد الزور

من لا كسب له طيبه معك ما طاب = الظلم ظلماء وأبلج الصبح له نور

مضحي جمران العرجان

****

رد الشاعر عياد فايز البسيس:

***

يا مرحبا ترحيبةٍ كلها اعجاب = اقولها من صادق احساس وشعور

اعداد ما ذعذع هبوب الهواء الهاب = واعداد ما غرّد على الغصن عصفور

اقسم برب البيت حلال الأنشاب = يا ما تمثننا من العمي والعور

ما حركت واسط ولا هزت أطناب = ولاني على هرج المساكين مجبور

لو كنت منها بعض الأحيان منصاب = سكرت عنها مسمعي يا ابو مشهور

وخليتها تضرب صحاصيح وهضاب = من خوف لا يركض بها كل مسعور

واقبل سلامي يا ابو نواف بكتاب = يا عل يفدى حضرتك كل مثبور

عياد فايز البسيس

***

لو معي عياد قلل بالمواصل

****

لو معي عياد قلل بالمواصل = والله أني لأتواصل مع جنابه(1)

شاعرٍ منه الزلل ما هو حاصل = وفي وجيه أهل الوفاء ما صك بابه

مضحي بن جمران العرجان

***

يا ولد جمران واصل حيل واصل = واعتبرني سيف يمنا بالمجابه

ودنا يصير فيه اشوي فاصل = لأجل نلقا اصدور مليانه رحابه(2)

عياد فايز البسيس

***

الرحابه بالعرب تحصيل حاصل = وكل منهم لادرك المقسوم جابه(3)

ولا مشينا في طريق إلا لناصل = والمراجل دربها كلٍ مشابه

نافل علي القمامي

*****

الحاشية:

(1)- قلل بالمواصل: لو كانت مساجلاته معي قليلة 0

(2)- معنى هذا البيت،والبيت الذي قبله: ما عندي مانع من المواصل، ولكن كثرة المساجلات، تفقدها ملاحتها، وسعة صدور المتلقين 0

(3)- الرحابة: سعة الصدر 0 ومعنى البيت اتساع صدور المتلقين متروكاً لهم، ن شأوا يقرأون أو يستمعون، وإن لم يشأوا، فهم أحرار وكل منهم لادرك المقسوم جابه: هم أيضا إذا وجدوا ما يشاركون به شاركوا به 0

***

يا نافل أضفتني بقروب

****

يا نافل أضفتني بقروب = وازلتني حسب رغبتكم

والقلب يأنس بكم ويذوب = ويمشي على حسب وجهتكم

أحمد بنجودة الحربي

***

ي أخوي أبو جوده المحبوب = أضفتكم من محبتكم

وأخطيت بكيفية الأسلوب = وأبي العذرمن عنايتكم

نافل علي الحربي

***

لو شاف له منكر يشوفه ولا اهتاش

****

بعض العرب همه الفطح على العيش = يسبق على الضيفه حركات الإرماش

كن المراجل بالصحن والمهابيش = عزهوغاية مطلبه يوم يعتاش

ما هو من زحول الرجال المداغيش = لو شاف له منكر يشوفه ولا اهتاش

نافل علي الحربي

***

مجاراة مضحي الجمران على الأبيات السابقة

***

الناس ما تشره على الخبل والديش = اللي ليا شاف الصحن جاه منداش

وليا شبع قام الخبل ينفض الريش = لو انه دبشةٍمثل باق الأدباش

مضحي جمران الحربي

***

 

أرجوك تكفا يا أبو نواف صارحني

****

أرجوك تكفا يا أبو نواف صارحني = من شأن أغني معك واحس بالراحه

كان المسامح كريم أرجوك سامحني = لان السماحه سمت شرواك ووشاحه

ما تدري انك يا ابو نواف مانحني = أكبر دعم معنوي يوجد على الساحه

لتاعرف والمعرفه دايم مسلحني = انهل معين المعارف نظم واجتاحه

أنا هاك اليوم به لاموح لامحني = شتت حروف القصيد وشاطي الراحه

من هاجسٍ بالضماير ما يبارحني = قفل عليه بقفلٍ وضاع مفتاحه

ان ما عجدني هجاد أمسى وصبحني = كدر عليه صفاي وكدر أفراحه

يومين والثالث الله منه ريحني = جعله مهف القطا ما يرد لمراحه

وأرجو المسموحه بوتسابٍ يفرحني = لأن السماحه سمت شرواك ووشاخه

الشاعر/ عياد فايز البسيس الحربي

***

خذني على ما تبي مني ورشحني

****

يا أبو فهد لا تظن أحدٍ يلحلحني = أنا سريع الاجابه قبل لحلاحه

أبشر بما تطلبه دامك تناصحني = من أحٍ وفيٍ صريحٍ معك بانصاحه

ما بيننا شيء يسوا قول صالحني = عذرك وردك علي أكبر من اصلاحه

لو صابني ما يكدرني ويجرحني = انته طبيبه وأهل طبه وجراحه

خذني على ما تبي مني ورشحني = لعل يفدا جنابك كل شحاحه

عن الخطا يا طويل العمر مانحني = ربي سعة صدر ونفسٍ عنه دماحه

وانته رفيقٍ ليا ضاقت تشانحني = وأزهار شعرك بريح المسك فواحه

امساجلاتك على وحدي ترجحني = شعري معك أعتبر به زود وارجاحه

ما غير شخصك بجزل الشعر ينفحني = يا نسل قومٍ لوجه القوم نطاحه

الشاعر/ نافل علي القمامي الحربي

****

غيبته وش بلاها

***

عينت ابن جمران غايب له أيام = غايب ولا ادري غيبته وش بلاها

عشيرنا الغالي لنا درع واحزام = وحنا له اجبالٍ يذري ذراها

ما عاد نسمع عنه مردود الاعلام = لانه يعرف الضايعه من اقداها

يا عل هال الوجه في خير وأنعام = على شواطي ديرته واحدداها

عياد فايز البسيس الحربي

****

غيبته كم مداها

***

يا عل يفداكم قليلين الأرحام = سود الوجيه اللي قليلين حلاها

عرق الابيتر ما يحالي للزام = ونجم الجدي يقدا دليل التياها

أبو أحمد يرجع ولو غيّب أعوام = في حول من دار الأفلاك بسماها

رجلٍ على فعول الرجاجيل مقدام = والله يعلم غيبته كم مداها

نافل علي القمامي الحربي

****

ما انكر وفاها

***

يا أبو فهد معروف وافي وجزام = وأنقى من اللي ديمت من سماها

أنته وأبو نواف غالين وحشام = وافين والوافين ما انكر وفاها

مار الذلول اللي تدرهم تدرهام = عن دربها حصل لها ما حداها

قلت الدواء موجود به قيد وخطام = ولا ينشغل فكري وهي في حماها

مضحي جمران العرجان الحربي

****

فكرت بالدنيا

****

فكرت بالدنيا على كل طاروق = ولقيتها دايم تدوس الفقارى

واللي رصيده فوق مكانته فوق = لو كان يحسب له حساب العذارى

صبار عابر لبعتوي

****

دنياٍ بها يرتاح مارج ومطفوق = وأهل العقول تعيش فيها حيارى

وراعي الفلوس يعيش مكرم ومرموق = لو هو إلى شاف الجماعه توارى

نافل علي الحربي

****

الخاطر أقشر

****

الجو روعه لكن الخاطر أقشر = احاول اضحك والحياه اتعبتني

كني من هموم الليالي بمحشر = ورغم احتمالي دنيتي نوختني

صبار عابر العنزي

*****

لقيت يا ابو ممدوح من حيث تنشر = أبياتٍ تناسب حالتي واعجبتني

أنا لو اني بين أحباء ومعشر = اهموم فكري دايمٍ مزعجتني

نافل علي الحربي

****

أنا غلطت وغلطتي علمتني

***

أنا غلطت وغلطتي علمتني = والعلم بعضه من تجارب بغلطات

والعيب ما هو من خطايه بحتني = العيب تكرير الخطا مثل ما فات

وكم هقوةٍ هقيتها ووهقتني = وعرفت هقواتي مع الناس رمعات

نافل علي الحربي

****

دنياك يا نافل بعد ضايقتني

***

مجاراة  الشاعر كريم الذايدي للأبيات السابقة:

مجاراة الشاعر والاعلامي كريم الذايدي الدهمشي:

دنياك يا نافل بعد ضايقتني = شفت العنا والهم مره ومرات

ودارت بي أفلاك الزمن وأدهشتني = وعانيت من سود الليالي والآهات

مرت علي ظروف ما ونستني = والعبد ما له غير رب السموات

الله يتمم خيرها لو عصتني = أرجي غفورٍ يرحم العبد لا مات

كريم الذايدي الدهمشي

****

الله يجمل حالكم يا الحروبي

***

الله يجمل حالكم يا الحروبي = كلٍ بر تخصيص قلته علامي

عن نافل الحربي جميل السلومي = والنعم والله فيه ما هو كلمي

من دون قاصر من شمال وجنوبي = وشرقٍ وغرب ربعتي لي احزامي

الشاعر/ منيف الغرابي الحربي

****

يا منيف أنا دريت بالرد دوبي = وتأخري بأسباب جيئة دوامي

والنعم بك وتراك عني تنوبي = وذا رقم جوالي وبصمة ابهامي

يفداك خبلٍ بالمجالس منوبي = تنوباي حرٍ بالمواكر اقطامي

بالهرج يصفق مثل صفق الهبوبي = وإلا المراجل فيه عنها اخزامي

الشاعر/ نافل علي الحربي

***

الطيب عند زحول حرب محسوبي = اللي رقو جال الكرم من شمامي

عدوهم يوم الملاقا مغلوبي = حي الرجال أهل القدر والمقامي

لباسة الجوخ الحمر بالحروبي = حرابة الدول في نهار الكتامي

الشاعر/ كريم الذايدي العنزي

***

أشكر جناب اللي مدح للحروبي = شاعر وأديب وفوق هذا اعلامي

كريم أبو فيصل بليغ السلوبي = الذايدي ابن الرجال الحشامي

عنزه هل الطولات عوق الغلوبي = لا هيج الهيجاء قليل الرحامي

الشاعر/ نافل علي الحربي

****

ولا أشوف مع كثر السوالف محاصيل

****

سوالفٍ وسط المجالس كثيره = ولا أشوف مع كثر السوالف محاصيل

ما اشوف شفافيه ولا حسن سيره = ولا اشوف في زين النوايا رياجيل

ويا كم من رجلٍ حريمه تديره = وسوالفه وسط المجالس تهاويل

ما به على العفه ولا الدين غيره = ويعد نفسه من احساب الرياجيل

سلاحٍ على العدوان ما ذخيره = عارٍ على من ينقله بارد الحيل

وله شرهةٍ على الموالي كبيره = يا رب تستر من أفواه المهابيل

ما أدري جهل وإلا اسبوحه قصيره = عن الشرف له في طريقه تحاويل

من ما عرف حق القريب وقصيره = ما فيه للناس البعيده تنافيل

شعر/ نافل علي الحربي

***

هذا زمان الدوبلي والطويره

****

مجاراة الشاعر خلف الشمري للقصيدة السابقة:

مجاراة الشاعر/ خلف محمد الشمري، لقصيدة الشاعر/ نافل علي الحربي السابقة:

الشاعر اللي شدني بتعبيره = هيض غرامي في جزيل التماثيل

يذكر من الواقع ما شاهد نظيره = حقايقٍ ما هي بكذبٍ وتمثيل

قولك صحيح وكاشفين السريره = يا أبو علي لا يزعلك فعل ذا الجيل

هذا زمان الدوبلي والطويره = ما هو زمان الشوشلي والحلاحيل

شاخو به أشباه الحريم وحميره = الخكر فيه مقدماتٍ على الخيل

والذيب ما يلقا العشا بات حيره = والثعلبي عشاه من قرّح الحيل

والحر ما يلقا العشا في مطيره = والبوم شبعانٍ من الصيد ويكيل

متساويٍ فيه الهماج وغديره = والراس طامن وارتفع فوقه الذيل

يا نافل الدنيا خيوله مغيره = خيلٍ مدابيرٍ وخيلٍ مقابيل

ما من وراها يا السنافي بريره = يا كود نشف الريق وانهاك للحيل

الرابح اللي ما شقا في مسيره = يقضي حياته في صلاةٍ وتهليل

شعر/ خلف محمد الشمري

****

رحلة أيام

***

ان كان ما قلطت نفسي من سنين = ماني مقدم شي بأتلا حياتي

مشيت بدروب الرجال النقيين = واركزت في رأس الطويله عصاتي

واخذت من نفسي لنفسي قوانين = ان الصبر والصفح نعم الصفاتي

وان البشر لو هي تخالف عناوين = للطيب قبله جامعه كالصلاتي

تلج في صدري هموم وكوانين = تموت تحيا تندفن في سكاتي

وتكبر بعيني بعض الأمال وتزين = وأتوه في أول طريق أمنياتي

يا رحلة أيامٍ تقافن مضاعين = مرن كما فيّة ضحىٍ مسرعاتي

اسقيتهن من كيف عمري فناجين = واشعلتهن من جمرتي وأمسياتي

خالد دخيل الطويل العلوي الحربي 2019/2/24 م

****

مع التحيه واحترامي ملايين

***

مع التحيه واحترامي ملايين = أهدي لأبو أحمد جزايل أبياتي

يا خالد أبياتك تضمن مضامين = تنبي عن أحوالٍ تشابه حياتي

إذا حصل مني خطا ما أطلب معين = ما أشوف لي حقٍ على غير ذاتي

ما أشوف لي حل بسوا الصبر والدين = هاذي نوايايه وهاذي صفاتي

أمشي على ضلعي ولو خاطر شين = ولا أشكي على غير الولي معضلاتي

وأنته وأنا لنا من الحق تأبين = من واجب أهل ظعوننا المقبلاتي

حنا سطرنا بالصحافه دياوين = في خدمة أهل الطيب والمكرماتي

وتسلم يمينك يا وفي الموازين = واقبل تحياتي وصدق أمنياتي

نافل علي القمامي العلوي الحربي

 

 
الله يقطع ساعة الفقر والقل

***

كل الأمور الكايده تقبل الحل = إلا الفقر لا حل ما فيه حيله

الله يقطع ساعة الفقر والقل = تهين راعيها وتعمي دليله

ولا يشوف غير الناس فيها يتوسل = أما من الأصحاب وإلا عميله

يجي لهم في حالةٍ كلها ذل = غير الطلب ما من أمورٍ بديله

يا الله يا اللي تعقد العقد وتحل = تحلها يا ميسّر المستحيله

يا رب تغنيني عن البعض والكل = أجعل لحظي من غناتك وسيله

مالٍ حلال وكل ما يجيبه يحل = بدنياي وآخرتي جنانٍ ظليله

نافل علي الحربي

*****

*****

جـاه الفـرج مـن عنـد ربــه بحيـنـه

***

مجاراة الشاعر/ نافع هجاج قيران الحربي ، لقصيدتي ( الله يقطع ساعة الفقر والقل ) السابقة:

قبلك رسول الكل ما يسكن الظل = حط الحصا من فوق بطنه يعينه

ما تضيق ألا تنفرج بعده بحل = ويبدل العسرا بيسرا يمينه

لاضاقت الدنيا خذ القبله وصل = على الرسول وخلها بالسكينه

ترا الرجل ما يذل لو حده القل = راعى الكرم ينصر و ربه يعينه

حجرف فقير وخلوه ربعه ورا التل = جاه الفرج من عند ربه بحينه

جته تداحم تدرج كنها الظل = صفرٍ على المقهور ترجح بزينه

اصبر بصبرٍ لا تجزع ولا تمل = الصبر مفتاح الفرج من سنينه

شعر/ نافع الهجاج

*****

*****

اشد من فقر الجيوب المحيله

***

مجاراة الشاعر/ عياد فايز البسيس ، لقصيدتي ( الله يقطع ساعة الفقر والقل ) السابقة أيضا:

صح الله لسانك وتسلم ويا عل = يقبل دعاك اللي بيده الوسيله

الواحد اللي ما توانا ولا كل = اللي كفل رزق البنادم يجيله

وقافك يا أبو نواف هذا اليا دل = عن شي فهو ان التعفف فضيله

وان القناعه كنز بالقلب لاحل = تغلب عليه وتقنعه في حصيله

لان الفقر بالقلب لا انصاب واعتل = اشد من فقر الجيوب المحيله

هذا وانا يا مل قلبٍ ويا مل = عينٍ تولجها السهر كل ليله

تبي لها حفنة ملايين وفلل = تعيش فيها أحلام يقظه جميله

وإلا الصراحه كان هرج المزح زل = صحه وأمانٍ ما ندور بديله

الشاعر/ عياد البسيس

*****

*****

ويدفع على فرقا قباله ارجاحه

***

وجدت البيتين الآتيين وهما من شعر الشاعر/ عياد فايز البسيس، كتوقع لاسمه في أحد المنتديات، فأحببت معارضتهما على سبيل المداعة، وهما:

محدا يبي حظ دبل كبد راعيه = ويدفع على فرقى قباله ارجاحه

حظ الياشاف السنع مايدانيه = اما اعقبه ولا عطاه انسداحه

شعر/ عياد البسيس

*****

*****

اللي إلى قرب الفشل منه شاحه

***

وهذه مجاراتي لهما:

حظٍ مثل هالحظ وش ينبغي فيه = يهبا وعلى قبره تثور النياحه

لا صار ما يجيب الفوايد لراعيه = انصح عنه من يستمع للنصاحه

ما يبيع مقاوم صاحبه قال ابا اعطيه = وذكر عيوبه بكل صدق وصراحه

بعض الحظوظ ألوا من اللي يلويه = مشهور في درب السنع بالقباحه

يمر به زور الغنايم ويخطيه = مثل الغشيم إلى نزل للسباحه

عزاه لمن حظه قريبه معاشيه = بدرب المطالب ما يساعد نجاحه

ويا حي حظٍ ناجحاتٍ مساعيه = اللي إلى قرب الفشل منه شاحه

شعر/ نافل القمامي

*****

*****

بريال بيعه لا تحمل اجراحه

***

وهذه مجاراة للبيتين اللذين هما من شعر عياد البسيس السابقين، وهي للشاعر/ نافع الهجاج:

حظٍ على هالنوع ما الله مقديه = خله يولي جعل يكثر صياحه

جنب طريق الناس ما الله مهاديه = عن السنع اخطا طريق السماحه

وابوك حظٍ دابلٍ كبد راعيه = وش ينبغا لا صار مابه رجاحه

حضن على درب السنع يقتدا فيه = وحظٍ تعيس وجاهزٍ بنسداحه

وده حراج اسوق لاتحتفظ فيه = بريال بيعه لا تحمل اجراحه

شعر/ نافع الهجاج

*****

*****

ترج الركيه

***

هذه القصيدة للشاعر ( أبو فهد) عياد فايز البسيس الحربي، قرأتها وأهاضت قريحتي، وجاريتها بالأبيات التي بعدها:

الله من همٍ يرج الحشاء رج = رج الدلي اللي ترج الركيه

قامت تعاقبها ادلي تدالج = والماء قليل وتنتله زوبعيه

حايل ثمان سنين وعضودها فج = جفالة وادليها شوشليه

يملاهن الغراف لين الوذم كج = ولا ياصل المياح فيهن بقيه

علي الذي حبه بقلبي تدرج = غالي وانا ماشوف بالكون زيه

عياد فايز البسيس

*****

*****

صار به عنجهيه

***

مجاراتي لقصيدة الشاعر عياد البسيس السابقة:

يقول من هو عن هو الترف ما سج = ولا هس باله عن خياله شويه

هواه بقلبي له خيولٍ تسرج = تقفي وتقبل كل صبح وعشيه

يا أبو فهد بالقلب من حبها فج = والفكر معها بين روحه وجيه

كل ما عذلت القلب عن حبها لج = وزاد بهواه وصار به عنجهيه

يا أبو فهد القلب من حبها دج = وعشيقتي ما هي بقلبي حفيه

نافل علي القمامي

*****

*****

الوقت طرّف وانتحى

***

محاورة شعرية تعجيزية، على قافية صعبة، بين عياد البسيس ونافل القمامي:

 

الوقت طر ف وانتحى = والعلم الاول والاخير

طول سبات المنتـدى = طول سبات المنتدى

 

الحب يوجد له رحى = وانا المعلم والخبير

لا جيت للضال اهتدى = لا جيت للضالٍ اهتدى

عياد البسيس

=======

الوقت من نام به صحى = وأسوأ التطرف بالضمير

هذا الخبر والمبتدى = هذا الخبر والمبتدى

 

والعود من تحت اللحى = لا انعاج ما يعدله بصير

أنا ما أحب الاعتدى = أنا ما أحب الاعتدى

نافل القمامي

========

اللي لا سولف ماستحى = كلٍ يحسب انه مدير

 

مايدري ان المنتدى = مايدري ان المنتدى

من انت ياميت ضحى = بيضه فقط لا لا لا غير

عياد البسيس

=========

ما جاك عن قصة جحى = وش قال بحساب الحمير

ركض مثل معنى عدى = ركض مثل معنى عدى

حلق الشوارب واللحى = كمبصرٍ يتبع ضرير

نافل القمامي

==========

اللي كتبته ما محى = اقر الكتابه يا بصير

جلد الربابه وانتدى = جلد الربابه وانتدى

 

ياقو سيلك يالنحى = اثرك يانافل خطير

الليل توه مابتدى = والقاف يادوب ابتدى

عياد البسيس

===========

أكتب على أحى أحى = وقل لي وترى سرك ابير

الظلع ما يهزه صدى = الظلع ما يهزه صدى

 

الشيخ أبو ناب ورحى = ولى على ذيل البعير

راحت مواعيده سدى = راحت مواعيده سدى

نافل القمامي

*****

*****

سلام يا شعار ديرتنا الكرام

***

محاورة بين مضحي جمران ونافل علي:

سلام يا شعار ديرتنا الكرام = اللي يبى الميدان يقرب لا يغيب

ظوامي الوراد ما ترجع حيام = وانتم هنا قدمه على جال القليب

مضحي جمران الحربي

أبشر بعزك يا الحشيم ابن الحشام = يا اللي دعيت أبشر بمن هو يستجيب

أبشر بمن ما يهاب وردات الزحام = الورد يشرب وانتظر ورد العزيب

نافل علي الحربي

لا هـنـت يا نافل وسلم يـ اسلام = تسد فاللازم وتسلم يالاديب

انتم حمول الخيل عالين المقام = يا عيال ابويه يا منزحة الحريب

مضحي جمران

حط المحاله والرشا فوق المقام = وأبشر بمن يسقي الظوامي يا اللبيب

كم عندنا من واحدٍ راعي مقام = يسد بالغيبات ويخصم الطليب

نافل علي الحربي

شـربت ضـواميـنا ولا فيها كلام = مر يا حكم من يعطي الحق المجيب

لا معرفه شاعر ولا باسـمـه وسام = مقيولـه يالطيـب تـرى ما لـك نصيب

مضحي جمران

ان كان بالدعوى تخلف واعتصام = السيل ما يجري إلى غير الشعيب

ترى الربيع اللي يطيح ابه النظام = فعايله يخشى عواقبها الأريب

نافل علي الحربي

اليا حصـل تقدير منكـم واهتمام = دق التحيه للواء فرد ورقيب

وكان الرياسه عن فصايلها نيام = ماتنضبـط مـدام ما يوجـد حسيـب

مضحي جمران الحربي

ما كل من يلزم يطيع الالتزام = وجل التصادم عادةٍ عند الصليب

ان كان شفت السوق ما يشجع تمام = بدل به المعروف عندك بالغريب

نافل علي الحربي

*****

*****

يا من يجاريني على قافية أط

*****

مساجلات بين نافل علي وعياد فايز ومضحي جمران:

الصقر صقر ولا يوصف على البط = ويمشي سريع إلى مشى ما يقاطي

وله مرقبٍ بأعلى المراقب به ينط = والبوم بالغيران صوته يطاطي

وصيده اسمان وللنشاما يلقط = وبالسعر ما يقدر عليه الهياطي

ولا يأكل إلا صيد كفه إلى سط = والنسر ما بينه وبينه تواطي

ولا كل صقرٍ للصقارات ينحط = مثل البشر فيهم صميدع وواطي

كم واحدٍ يبر للصقر ويزط = غير اللحم يشري علف بالقواطي

وبعد سنه ما بين شيله وله وط = يطلع حلال القوم ما هو بساطي

لا هده الصقار عوّد يوطوط = رجع على راعيه من غير باطي

وإلا على الأرطى لقاه يتمغط = إن ما انثبر واندس بين الأراطي

يا من يجاريني على قافية أط = وآخر مشد البيت والقاف آطي

وأنا انتظر رده على الواتس والخط = ما أترك متابعتي معه وارتباطي

نافل علي الحربي

*****

*****

مجاراة الشاعر/ عياد فايز البسيس، للقصيدة السابقة:

*****

مع ريحة اللي بالمجالس اليا عط = يقعد خوى رأس هجره النشاطي

هاذي مجاراتي على قافية اط = قافٍ بداه بأط وانهاه بآطي

شاعر وأديب ومن عرفناه ما قط = ردو عنه وسط المجالس اهياطي

يسعى ورا الجزله ويتعب ويشتط = ويحط من فوق الحروف النقاطي

يبذل نفيس المال ويشيل ويحط = ويزيح عن وجه الصحيح المغاطي

امولفاته شاهده ما تخبط = وعن الحقايق ما تقهقر وشاطي

بذل اجهوده ما توانا ولا غط = يفداه من يانس براد البلاطي

يعل يفداه الرعاع الزحلط = اللي ذكرهم بالقصيد المقاطي

اللي يلطون البحر بالسعه لط = لطتهم الدنيا على غير باطي

واختامها مع ريحة العود لا عط = ممزوجةٍ مع فرحتي واغتباطي

أنا بذلت الجهد يا الذيب الأمعط = حسب المعرفه ما ذخرت احتياطي

عياد فايز الحربي

*****

*****

مجاراة الشاعر/ مضحي جمران الحربي، للقصيدة السابقة ايضاً:

*****

قام وحدانا للكمين المزبط = ارواح جاروني ومن غير باطي

تراي ما ارحم صاحبي لا تخبط = هو ليه يفزع دام ما به نشاطي

تمون يا نافل علينا وتشرط = وحنا لزوم ننفذ الاشتراطي

ابشر ولا انته يا القمامي بمحبط = لا اشتط للدعوه خطاة الحباطي

حباط لا منه عن الواجب ارقط = المرقط اللي مثل عين الرهاطي

كنه على هداج والا على الشط = لا شاط فكره للجزيله وشاطي

قام ايتنقاء ما بقى بالمخطط = من حرص يجي بالحلال اختلاطي

وقامت هواجيس القريحه تخبط = اللي عليها الزام والاحتياطي

اللي كساها الملح تقدم وتقلط = ولا قلطت على الطعام الصماطي

تجي على مطلوب فكره وتزبط = ومع الجزايل له قديم ارتباطي

واسلم وسامحني ترى العبد يغلط = والهرج دايم فيه صايب وخاطي

مضحي جمران الحربي

*****

*****

السنع ما هو سوا والبربسه

*****

 

قصيدة مساجلة للشاعر/ نافل علي القمامي، موجهها لصديقه الشاعر/ عياد فايز البسيس، يطلب منه فيها مجاراته، على نفس القافية، وهي قافية صعبة جداً:

يا أبو فهد ودنا ردك لأخوك = من جديد الشعر ما هو مرمسه

القصايد كيفها في زين حوك = السنع ما هو سوا والبربسه

كم أشعارٍ كنها صوغة سبوك = وكم أشعارٍ عن هدفها ممرسه

أبرم الأفكار مثل إبرام دوك = واختر أبياتٍ أجزال محمسه

شغّل أفكارك وحلّق بالمكوك = اكتشف شيءٍ جديدٍ ندرسه

نبي شيءٍ فوق ما هو بالبنوك = من أشعارك وأنت بعرفك مدرسه

شعر/ نافل علي القمامي

*****

*****

كل عرفك يا هجوسي كرّسه

*****

رد الشاعر/ عياد فايز البسيس، علي القصيدة السابقة، التي وجهها إليه الشاعر/ نافل علي القمامي، وهي على قافية يصعب النظم عليها، ولكن الشاعر عياد لم يصعب عليه الرد، بل رد رداً فورياً، وها هو رده:

يا هجوس الشعر جاوب من دعوك = وكل عرفك يا هجوسي كرّسه

مع شذا أطيب ريح زهره في تبوك = وسط بستانٍ اتكوسر غرّسه

الله انه يرحم اللي عقبوك = في مقابيل الزمان ودرّسه

به عصيد يلوك كبد الهرش لوك = وبه قصيد وعالمٍ متمرّسه

فرقهن فرق الغوارب والوروك = ما يفيق الخبل لين تخرمسه

والمعذره منك يا نافل فدوك = عالمٍ بالملعنه متدرّسه

شعر/ عياد فايز البسيس

*****

*****

اعتبر نافل دعاك بمجلسه

*****

شارك الوافين ما فيها شكوك = واعتبر نافل دعاك بمجلسه

هاجسي دام الرفاقه حركوك = الجزيل من الشعر لا تحبسه

شبهو جزلك على كنز الملوك = راس مال اللي يباريه حرسه

كان بعض الناس بالهزل ابتلوك = الغشـيـم نقول هاته ورفسه

وارفع البيضاء لشجعانٍ حموك = تطرح الخيال من ظهر فرسه

اتنومس كان شادو وشكروك = واقبل البشت المطرز والبسه

شعر/ مضحي بن جمران

*****

*****

الدلي بالماء القراح مترّسه

*****

نعرف ان العود من عرض البشوك = الدلي بالماء القراح مترّسه

أحسن المدات تتبع هات دوك = هات وحده للكريم مفلسه

يا شجاعٍ بالشجاعه مثل أبوك = ورّد الهياب والمولى حرسه

جعل يفدونك خبيثين السلوك = عالمٍ فيها انحراف وغطرسه

شعر/ نافل علي

*****

*****

طلبت من الأخ الشاعر/ مضحي بن جمران، رقم جواله، فأعطانياه شعراً، قائلاً:

على صفر خمسه صفر ست اربعه بالحال = وبعد تسعتين اضرب على ون فـرداني

وحط اربعه جنب اربعه ياوسيع البال = مجرد ثواني لانت مع ابن جمراني

شعر/ مضحي بن جمران

*****

*****

لقينا كلامك صدق والأول الثاني

*****

هلا ومرحبا بك عد ما لاح يوم اهلال = وعدد ما وقع بالأرض من طش وداني

قلبنا الحروف أرقام نشغل بها الجوال = ولقينا كلامك صدق والأول الثاني

ظهر بعد ضغط أوكيه لي جارٍ الارسال = وعرفت ان رقمك مثل ما بالخبر جاني

شعر/ نافل علي

*****

*****

من كبيرين البخوت

*****

هذه القصيدة للشاعر عياد البسيس، والغرض منها الاعجاز بالقافية، فرديت عليه بالقصيدة التي بعدها، مجاراة لها، على نفس القافية:

ضيقةٍ غابت عن الصدر عادت واحضرت = ضيقةٍ ما تختصرها تعاليل البلوت

الليالي والمقادير كم حلم هدرت = وكل حلمٍ لا وصلنا على أطرافه يموت

ليلةٍ قالت كلامٍ ومن بعده سرت = بعدها نادى المنادي ولا احدٍ رد صوت

قلت هانت والحقيقه تنامت وكبرت = كانت احلامٍ تلاشت على فكين حوت

يا نصيبي يا نصيبي والأيام اجبرت = سر من ينسج في الأحلام بيت العنكبوت

والله انه ما بقي غير شرهه وكبرت = وكبرتني علني من كبيرين البخوت

شعر/ عياد البسيس

*****

*****

مع كبار البشوت

*****

ردي على قصيدة الشاعر/ عياد البسيس السابقة:

يا أبو فهد السعاده عندنا ما ادبرت = دام حنا بخير ومن خيار السموت

من بذر له بذورٍ ثم سقاها أثمرت = بس ما ينبت الريحان من بذر توت

الحظوظ الكبيره عمرها ما صغرت = والحظوظ الصغيره عنها افرصها تفوت

لي أحلامٍ كبارٍ في عروقي جرت = ما تصورت عنها تنسي أو تموت

عارضتها صواديف القدر وعثرت = شي منها جريح وشي قد راح فوت

كل ما قلت جازت للمحن وعبرت = رجعتها صواديف الدهر ركل شوت

ما بقي غير أمانيٍ تنتظر ما حضرت = علها ترتقي بي مع كبار البشوت

شعر/ نافل القمامي

*****

*****

يا مرحبا باللي لربعه بيهتم

***

القصيدة الآتية ارسلها إلي الشاعر/ ماجد فلاح سلامه الشاوي الجميلي، وهي قوله:

يا مرحبا باللي لربعه بيهتم = رجلٍ يحب المرجله من ضميره

ما ناح قمري الغصون وترنم = او طارن من عشه فروخٍ صغيره

يا مرحبا واقلط على حاضر وسم = وجتك القوافي من ابحورٍ غزيره

تنصاك يا راعي هلا وابشر وتم = ويا راعي الوقفات في كل ديره

كتبتها لك وأنت تسلم عن الذم = حيثك عزيز وكلنا نستشيره

وفيك البقا واكرم بطرياك وانعم = يا حافظ قدر العشير وعشيره

الطيب بين اهل المكارم مقسم = والرابح اللي مستحلٍ كثيره

وأنت الصحيب إلى اظلم الليل الأظلم = وقت الشدايد والأمور العسيره

وان كبرت القالات والجو عسم = أزهم جمل يركا الجمال بهديره

اليا انطلق له وقفةٍ تجلي الهم = من يعترض ممشاك ما طار طيره

ماجد فلاح سلامه الشاوي الجميلي

*****

*****

يا ماجد الشاوي هذا الواجب مهم

*****

وهذا ردي على ماجد الشاوي:

سلمت يمينك يا كريم تكرم = وارسل أبياتٍ صاغها بتعبيره

أهلا هلا بك عد ما الرش ديم = وعداد ما غطا الوطا من بذيره

تسلم سلمت ومن يعاديك يلطم = ولا هي بوجه بكل وجهه سفيره

مدحتني لأجل اهتمامٍ به ملم = تقول لك في ربعتك طيب سيره

يا ماجد الشاوي هذا الواجب مهم = ولا تتركه إلا اليدين القصيره

ما لي هدف بفعله ولاني بمرغم = دافع وفاء يعرفه خبير السريره

وتعيش على طيب اهتمامك وتسلم = والرجل يعرف من نباه ومسيره

نافل علي القمامي

*****

*****

بتراثنا اليوم مرتبطه

*****

قصيدة قافية صعبة جداً، الغرض منها طلب

المساجلة، من قبل شعراء معروفين، هم يعرفون

أنفسهم، لنا معهم مساجلات سابقة، والمقصود

فيها التعجيز عن الرد، لصعوبة القافية، كما هي

الحال في هذه القصيدة، في قافية شطرها الأخير

خاصةً، أما مضمون محتوى هذه القصيدة،

فهي تتطرق إلى التذكير بمقتنيات تراثية قديمة،

عفى عليها الزمن، وانتهى دور استعمالها،

هذه المقتنيات ورد ذكر أسماء بعضها، في

هذه القصيدة، وبإمكان الشعراء ذكر غير ما ذُكر،

على سبيل الاتباع بالغرض، كما للشعراء

حرية التعبير عما يخطر ببال كلٍ منهم،

وإنما يشترط لغرض القصيدة الالتزام

بالقافية:

يا ناس من يذكر المزقاط = اللي بيد لاعب الزقطه (1)

والنجر والبيز والملقاط = اللي تسوا به اللقطه (2)

اللي إلى جت ليال اشباط = يلقط الجمره من السقطه

والدلو والمقم والوطواط = اللي يفر لا سمع خبطه (3)

وأمورٍ أخرى قبل تحتاط = بتراثنا اليوم مرتبطه

هيا جاروني على هالآط = نبي تعابير منزبطه

شعر/ نافل علي 29 / 11 / 1436 هـ 0

******

مجاراة الشاعر/ مضحي جمران:

دورٍ رحل يوم كنا نشاط = أخذت أنا وأنت به غطه (4)

ولا كان فينا كسل واحباط = ولا كانت الناس مشتطه

انسمي الطلقه المخباط = واللي يحق الهدف سطه (5)

لا شبت النار بالشعواط = من الجرم نرمس به هبطه (6)

واللي غذت رأسها بأمشاط = ريح الشمطري لها عطه

بركيبها تبرم المسواط = به تبرم الزاد وتعبطه (7)

مضحي جمران 30 / 11 / 1436 هـ 0

******

 

(1)- المزقاط: واحد المزاقيط، وهي مجموعة حجارة، تكون عادةً من أحجار المروة، كروية الشكل، والتي

بحجم حبة العنبة، أو أكبر بقليل 0
 الزقطة: لعبة الزقطة؛ لعبة شعبية مسلية وشيقة، تتم بالمنافسة لتجميع أكثر نقاط، والفائز فيها من يحصل على المجموع الأكثر 0 وتمارس هذه اللعبة بين لا عبين، او ثلاثة، ولهذه اللعبة طريقة معينة، تتبع خطوات

من رمي خمسة حصوات من على ظهريد اللاعب إلى الأرض، ثم يأخذ واحدةً من الأربع، التي في الأرض، ويتلقى الحصاة المقذوفة إلى الأعلى، ويأخذها، ويعيد قذفها إلى الأعلى، ثم يأخذ حصوتين حصوتين، ثم يتلقى

المحذوفة، قبل تسقط، ثم يحذفها، ويأخذ ثلاث حصوات، ثم يجمع الحصوات الخمس، على ظهر كفه، ثم يقذفها، فيحاول جمعها بيده بنفس القذفة فما يستطيع التقاطه من الحصوات يكون هو عدد العلامات التي

تكون رصيداً له 0

ومن شروط اللعبة عدم سقوط الحصوة المقذوفة عالياً على الأرض، وعدم استطاعته الإمساك بها مع الحصوات الأخريات، حينها تعتبر لعبته لاغية ويحق لزميله الشروع بدخول اللعبة 0

 

(2)- النجر: الهاون، وهو أداة طحن القهوة، طحناً يدوياً، والتي تصنع من الماوة، ليكون لها صوت قوى، يسمعه جميع الجيران، حتى يعلموا أن صاحبه قد أعد قهوةً، فيأتوا إليه 0
 البيز: قطعة من القماش معينة معروفة، وقاية لليد عن حرارة الدلة، أو غيرها من أواني الطبخ، مربعة الشكل بحجم شبرٍ مربع، يلف على عقب الدلة عند حملها، فيقبض عليه القهوجي بيده اليسرى، ويحمل الفناجين بيده

اليمنى 0
 الملقاط: أداة حرث النار، وجمع الحط الزائد عن ما أكلته النار، إلى النار، وله استخدامات أخرى بحسب ما تستدعيه الحاجة 0

(3)- الدلو: وعاء إخراج الماء من البئر، تسحب بواسطة الرشاء، وهي تصنع عادة من جلود الإبل، أو البلاستيك 0
 المقم: جمع المقامة، وهي تتكون من عمودين متجاورين، يثبتا بجانب فوهة البئر، مائلين باتجاه البئر، وتوضع المحالة بأعلاهما، وعليها يسير الرشاء 0
 الوطواط: طائرٌ معروف، يسمى الخفاش، ويسمى باللهجة العامية ( سحية الليل )، ينزل في الآبار، وعند ما يسمع أصوات البشر عند أعلى البئر يخرج طائراً هارباً من الناس 0

(4)- دور رحل: فترة زمنية خلت، مليئة بالغفلة والسلوة 0

(5)- المخباط: السهم الخارج من بطن البندقية، عند الرمي، ويسمى الطلقة والفرصة 0

(6)- الشعواط: هو الحطب الدقيق، سريع الاشتغال، وسريع الانطفاء، لأن النار تأكله بسرعة، لهذا يجعل ولعة للنار، أي أول ما يشعل ثقاب الشخاط، ويوضع على الشعواط أو الولع، ثم إذا اشتعل وضع حطب الجرم، الذي هو يضل يشتعل لوقتٍ أطول 0

(7)- الركيب: هو اللبن الذي يطبخ، حتى يتحول إلى إقط ( بقل ) 0 المسواط: هو ما يُساط به الشيء المطبوخ، أي يُمزج به، مع بعضه 0 ومسواط الركيب: عصا بحجم الهراوة، أي العصا الكبيرة، يُستخرج من بعض الأشجار كالسدر مثلاً، ولا يؤخذ من الأشجار السامة، كالعشر، ولا الشجار التي لها طعمٌ مرٌ، أو غير لذيذ 0

ومسواط الزاد: أي مسواط الطعام، أيضاً قضيب من الشجر، أصغر حجماً، وأقصر طولاً، ومن مساويط الزاد الملاس، المغراف المعروف، المصنوع من الحديد أو غيره 0

*****

*****

يا أبو فهد قلبي مكبل بالأصفاد

*****

هذه القصيدة موجهها إلى أخي العزيز الشاعر/ عياد فايز البسيس، وهي تنتظر رده عليها:

يا أبو فهد يا مسندي يا ابن الأجواد = بيض العذارا بحبهن عذبني

إلى بغيت أهيد القلب ما هاد = عيا يطيع ويأخذ الرأي مني

الحب عذبني وأنا معه منقاد = قلبي بحب اصويحبي ما يوني

يا أبو فهد قلبي مكبل بالأصفاد = بحب الحبيب اللي بحبه شحني

وش عاد لو هو من أبعد الناس وش عاد = أبيه لو هو من أبعد الناس عني

ان كان خلي منتوٍ ذبحي اعماد = بيديه فيما يريد رمح المطني

خله يفرح بي مغاليال الأحقاد = يا زمرة الحساد هزي وغني

ما فادني كثر المنا والتوجاد = ولا لي جدا غير الدعاء والتمني

ويوم أنت يا سيد العواريف قصاد = ولا هقوتي يخفاك قصدي وظني

أبيك ترسل لي من انتجاك انشاد = اتضمنه رأيك ورؤياك عني

شعر/ نافل علي القمامي

*****

*****

رد الشاعر/ عياد فايز البسيس:

يا مرحبا ترحيبةٍ ما لها اعداد = ترحيبةٍ من دافع الود مني

باللي علي أرسل حسينات الانشاد = حيه وحي أبيوته اللي لفني

مثلك يا بو نواف نجهد له اجهاد = شاعر وأديب ولا اختلف فيك ظني

ومواقفك معيه قديمات وجداد = يجزاك رب البيت بالخير عني

واليوم انا حاضر وممنون يا استاد = لو كان ما بالحب غير الهبني

سوٍ على الشايب ويربد به ارباد = ويضرّبه درب الخطر والتجني

سمعي بأذانيه وأنا اخوك عياد = هرجة بني ادم على لسان جني

العشق تال الوقت يا ذيب الأولاد = ما اظن به غير التعب والهبني

يقول ابويه يومه أرسل على بجاد = من ضمن قيفان عليه طرني

من ذاق حب البيض غضات الأنهاد = والله يالمربوث ما يرجهني

يوم الهوى العذري مع الناس منقاد = والعشق يسوى قيمته يا مضني

واليوم وقت العشق يا نافل انكاد = يندر وجوده يالرفيق المغني

ماجود لكن ندرته يا ابن الأجواد = هذا هو اللي يا القمامي شحني

ولا اظن يا نافل هاك الوقت ينعاد = اقولها وأيامنا يشهدني

وتبي الصحيح اللي من القلب يا ستاد = امر وانا باللي تبا اليوم مني

الشاعر/ عياد فايز البسيس

*****

*****

مجاراة الشاعر/ مضحي جمران، حسب طلبي أنا والشاعر/ عياد منه بأن يجارينا:

يقول ابو نواف يا غض الأنهاد = سلبت عقلي يا أريش العين مني

لو كنت مع نفسي بشدات وجهاد = لا جيت اسيطر جابت العيد عني

ثم أرسلت للي نسميه صياد = على المهالك مع نحاهن خذني

ياما شكو جوره جماعات وافراد = ما بين وقفات الرجاء والتمني

والمشتقي تسهر عيونه ويعتاد = اللي جرا قبله لشيعي وسني

واللي خفى يبين بعيون الأشهاد = واهل الشماته يكثرون التجني

يشكي على الله ثم يشكي لعياد = طرقاءٍ تخلي من نظرها يغني

ويقول صادفها على غير ميعاد = البينه من بين من صادفني

يا بو فهد زينٍ يصوت بعواد = هذا الوكاد وردو العلم عني

اثر الغلا يجزي عن الشرب والزاد = لا والله ان سهوم نجله غزني

الشاعر/ مضحي جمران العرج

*****

*****

وين أنت عنا غايبٍ يا ابو نواف

*****

وين أنت عنا غايبٍ يا ابو نواف = وحنا الثلاثه لا فقدنا حدينا

يروج قدر ايدامنا قدم وخلاف = ويطيح بين الرالثالثه والثنينا

يا ما تمثننا ثقيلات وخفاف = ومن المعزه والغلا ما درينا

تبت يدين ابو لهب يا ابو نواف = وتبت اذا كنا زعلنا يدينا

حنا نعرف اقلوبنا بيض وانظاف = والشك ما يلحق عليك وعلينا

لكن نصك الباب في وجه مزهاف = كانه بحر حنا شواطي ومينا

واقبل تحيات الوفا بآخر القاف = والعرف ما يعرض على العرفينا

الشاعر/ عياد فايز البسيس

*****

*****

يا أبو فهد حنا أهل سلم وأعراف = ولو كان يدوي غيرنا ما دوينا

عاداتنا عرف الحقايق والانصاف = نعرف الذي لنا وما هو علينا

وإن كان في بعض الأوادم تحراف = حنا على سلم الأوائل رسينا

أرضٍ منابتها خزاما وصفصاف = وأرضٍ منابتها كمثري وتينا

وايضا البشر ما هم سوا بكل الأوصاف = كالفرق ما بين الغنا والأنينا

الشكل واحد بس من داخل أصناف = خذ الكلام اللي مؤكد لدينا

وأنتم وأنا ما بيننا شك واخلاف = والله يشهد يا البناخي علينا

الشاعر/ نافل علي القمامي

*****

*****

واللي نبي ننساه يذكر علينا

***

اللي نبي نحفظه من العلم ننساه = واللي نبي ننساه يذكر علينا

يا ما من معنىٍ من العلم نقراه = وننساه ما كنا سمعنا وقرينا

يا ابو فهد وش رايكم بهالمعاناه = أنته وابو أحمد سوا يالثنينا

نافل علي القمامي

****

رد عياد فايز البسيس:

الراي راي الله وحنا رضيناه = واللي عليك اليوم والله علينا

والله يا ابو نواف والله والله = ولا يهون ابو جمران ذرب اليمينا

ان هالبلا مستشريٍ بي من أقصاه = ولكن عسى المعبود ربك يعينا

****

وهذا رد مضحي جمران العرجان:

ما يكتب الله على المخلوق يرضاه = والأمر بيديه ما في في يدينا

واللي لقو غيرنا لابد نلقاه = ان كان حنا على الدنيا بقينا

حدك محدد وحدك ما تعداه = والمسعد اللي كتابه باليمينا

*****

*****

ما أشوف لهم وسط النوادي ريغه

****

قصيدة على قافية صعبة:

يوين الشعار أعضاء النوادي غايبين = ما أشوف لكم وسط النوادي ريغه

أرجو عساكم يا شعارنا طيبين = وعسى أعداكم للدمار مريغه

وسلامة الشاعر هم والسامعين = أبي ردودٍ قافيتها ايغه

أبي ابيوتٍ من ابداع المبدعين = على أفضل شكلٍ للأوزان مصيغه

منظوم إبداعٍ يرتقي للفرقدين = رغم الصعوبه يصير بأحسن صيغه

أحيو نوادينا بمجهودٍ ثمين = يأهل التميز والقوافي السيغه

اللي يبي معنا على سمن وسمين = حياه ويرمي للقصيد شميغه

واللي يقول عنه أنا بهاك البطين = يسلم ولا يشغل معانا دميغه

شعر/ نافل علي القمامي

الرد الأول:

 

يا اللي تنادي للرجال الغانمين = وصلت مسامعنا اللحون الشيغه

لو الظروف تطيعنا في كل حين = سلم الذهب واخذ الذهب من صيغه

باللي تريده يا القمامي حاضرين = أبيات شعرٍ كل رأس تفيغه

ما هو بدين إلا عطيه دون دين = يا من حدانا للدروب الضيغه

لأهل الأدب يا القرم مدينا اليدين = شرواك يا جزل الفكر والذيغه

واللي رحاهم تستدير ابلا طحين = كلٍ ومجهوده بحسب الذيغه

الشاعر/ مضحي بن جمران

****

الرد الثاني:

يا شيخ نافل كلبونا حاضرين = وخيولنا على الطريق مريغه

لكن المشاغل ما تخلي مستكين = تجي على حد الفتى وتريغه

ونوبات ما ينفع مراغ الرايغين = لا صار ممطور الطريق وغيغه

الشاعر/ مصلح المحمدي

***

الرد الثالث:

جينا نباريكم عسا ربي يعين = كل السواقي للحياض متيغه

سعر الذهب من خلقة الدنيا ثمين = أحدٍ يجيب اثقال وأحد صويغه

ومع ازحام السوق بالجنب المتين = ادحم يالين الجنب يندي دبيغه

نظم الشعر يمر في دفن وكمين = بعض الحروف بلهجةٍ متليغه

شمال يسرى لكن اليمنى يمين = ما تكسر ضروس الجمال مضيغه

شيئٍ يبين وشيئ خافي ما يبين = إلا صهيل الخيل يوم الليغه

الشاعر/ مزعم الكمي

*****

*****

مواعيد عرقوب

***

قبل فترة اتصلت هاتفياً بالأخ أبو فهد عياد فايز البسيس، وقلت له

يخبر الشعراء والرواة، والجمهور الذين يرغبون الحضور، بأنني

سأزوركم لاحقاً، وأقيم معكم جلسات شعر وروايات، نسجلها على

مقاطع فديو، وقال لي ابو فهد: أبشر، ونحنُ جاهزون لما تريد، وعلى أتم

الاستعداد لتجهيز المكان المناسب، سواءً كان استراحة أو في بيت أو

في جلسةٍ برية، لكنني لم أذهب إليهم، نظراً لظروفي الخاصة، وجاءني

اليوم بيتُ شعرٍ، ارسله إليّ، الشاعر عياد الفايز البسيس، بالواتساب، وهو

قوله:

وش فيك يا نافل عليه كذيا = صارت مواعيدك مواعيد عرقوب

عياد فايز البسبيس

***

فرديت عليه قائلاً:

حياك ربي يا ابو فهد وبيا = أبشر مع القدره على كل مطلوب

مجيكم يا ابو فهد ما تهيا = ظرفٍ من المولى مقدر ومكتوب

كم مطلبٍ ألى بغيناه عيا = وكم ناقعٍ يشرب ولو فيه دغلوب

المشكله ما هي بهذا وذيا = المشكله فرامل الهند مسحوب

نافل علي القمامي

*****

*****

مساجلات في الأمانة

*****

هذه مساجلات شعرية، بدأها الشاعر عياد فايز البسيس، بمساجلةٍ نوعٍ من الألغاز، ويليها قصيدة لي، وأخرى للشاعر مضحي جمران العرجان، فيقول الشاعر عياد:

يا كبرها يا عبرها يا ابو نواف = لو هي على ق5مة جبل ما حملها

لكن حملها إنسان من شان تنشاف = وعجز يميز ميلها من عدلها

وكانك مكذبني ترى الحق ينشاف = وترى الجزيله ما ندور بدلها

وقل لمضحي الأعرج ترى النور كشاف = والله يجازي كل نفس بعملها

عياد فايز البسيس

وهذا ردي على عياد:

لا والذي نزل تبارك والأحقاف = ما يطيقها لو قرب منها ووهلها

ابن ىدمٍ منها موازينه اخفاف = لا صادفت له عملها

غايةٍ صعيبه لو عرف قدرها خاف = وعصا هوى نفسها وخالف لأملها

من غير رحمة خالقه غزوه انكاف = يرجع وهو له غايةٍ ما وصلها

نافل علي القمامي

 

 

وهذا رد الشاعر مضحي جمران العرجان:

لعل يا عياد شر وخخلاف = تعسرك وإلا ما بجيبك بدلها

كان القلوب من الغشش بيض ونظاف = ابن العرج شاح النظر عن خللها

مضحي يعززها مثل كل الأشراف = ان كان ردي النصيب انتحلها

لو ينعتونه في خلل بعض الأطراف = من مد له جزله جزاه بدبلها

مضحي جمران العرجان

***

عند بدال اقروبكم مية اقروب

***

وجدت الأبيات التالية، في أحد القروبات، ورديت عليها، وقد نزلها الشاعر عياد فايز البسيس، وجاريتها بأبياتٍ لي، ستأتي بعدها، وبعد نزلتها بالقروب نفسه، أتصل عليّ الأخ عياد فايز البسيس، وقال لي: أن الأبيات للأخ الشاعر/ محسن عبد الهادي ابن خلوي، ما عدا البيت الأخير، فهو لي، والكلام لعياد، وهذه هي الأبيات:

" هذا الزمن اشوف أنا فيه عذروب = عن اذنكم كلٍ يحاسب لسانه

يمشي قري ما هو على نيه وصوب = تيار عكس اسلومنا للأمانه

شيوخٍ ومتشيخ وطحلب وطحلوب = رغم الوهن والمسكنه والسكانه "

عندي بدال اقروبكم مية اقروب = ما أكلت حق ولا جحدت الأمانه

***

وهذه مجاراتي للأبيات السابقة، عند ما كنت اعتبرها لابو فهد، ولا تفرق إن كانت للأخ الشاعر محسن عبد الهادي ابن خلوي، فهو أيضا شاعر جزل، وأبياته حكيمة، وفي غاية الجودة وسمو الهدف:

يا ابو فهد ما قلت بالشعر مكذوب = شعرك صحيح وهادفٍ في بيانه

أهل الهياط بصوب والحق في صوب = ومدح القبايل زايدٍ ديدحانه

والشعر صار لساير الناس مركوب = حتى الخشاش اليوم في عنفوانه

والمشيخه كلٍ لبس باسمها ثوب = لو ما لها بابوه والجد خانه

نافل علي القمامي

*****

*****

خل الهياط وبالكرم كم خله

***

خل الهياط وبالكرم كم خله = انظر بعين العقل وايزن على كيف

خل الرياء خل الكرم في محله = ولا يصير لك مع المنافق مواقيف

انظر بما يرضي الاله وتوله = الطيب ما كله بكثر التكاليف

كثر الرياء وكثر المهايط مذله = فعالها ما له عن النار تصريف

لا تحط دين الله بميزك مزله = رضاه تعرفه ما تبي عنه تعريف

انظر بما يرضي الولي واستغله = يصير لك حرز ومعزه وتشريف

الشاعر/ نافل علي الحربي

*****

*****

خلك على رسم الدروب المدله

*****

مجاراة الشاعر/ مضحي جمران العرجان

*****

ما قلت يا المنعور بالهرج زله = يا اللي تزج الصوت بروس المشاريف

واللي زحازيح المطنخ تزله = يا معزب الرحمن ما يرضي الضيف

خلك على رسم الدروب المدله = ولا انته بسامع ليش هذا ويا حيف

وإلا الكرم واضح وكلٍ يدله = ودار المحل ما هي تفضل على الريف

واحرص على واجبك والفرض صله = ولابد من الطرقه نعوّد مناكيف

واسلم فداك من المخاليق عله = اللي لا جات اللازمه غاب ما شيف

الشاعر/ مضحي جمران العرجان

*****

*****

يتبع

 
 
 
تقاليده وبآدابه

***

قصيدة في الحث على الحفاظ على التقاليد المجيدة، والتحلي بالصفات الحميدة، والظهور بالمظاهر المشرفة، التي لا تسيء إلى سمعة صاحبها، ولا إلى الأصل الذي يتشرف بالانتساب إليه، والعزوة التي يعتزّ ويعتزي بها، والجنسية التي يحملها، والتحذير من الانصياع في اتباع الموضات المبتدعة، والتقاليد الطائشة العمياء، والتشبث في ما لا طائل منه، من العادات الوافدة، الدخيلة على مبادئ العرب الأصيلة الخالدة، التي يعتمد عليها قوام حرية الإنسان، واعتزازه وفخره، واستتباب أمنه وآمانه، وتوكد على أنه لا يُحمد مستوغلٌ على التحلي بما لا يليق بمثله، ولكنه يكون عرضةً لنظرات الازدراء، والاستصغار، ن كلّ أريبٍ غيورٍ على دينه، وعادات بلده، وسمعتها، بعيداً كان أم قريبا:

ترى حب الوطن وأهل الوطن لأهل الوطن مطلوب = ولا عمر الطلب يحصل لمن لا يقدم أسبابه

وترى مخالف تقاليد الوطن يا مواطنه عذروب = فكن قدوه لغيرك في تقاليده وبآدابه

تراك تمثل أهله في بلاد الغير بالمرغوب = فلا تفعل أفعالٍ لا تليق بسمعة أصحابه

وترى تقليدك الموضات ما يجلب لك إلا عيوب = فلا تتبع تقاليدٍ غريبه ما به ثابه

صحيح إن البشر ما ينمدح في زين شكل الثوب = ولا أحدٍ نال إعجاب الناس ونال الحب بأثيابه

ولكن مخالف المعتاد ما هو بالرضا مصحوب = من يخالف تقاليد الأهل يا قل طلابه

حقيرٍ بنظرة العاقل يظنه يترك الماجوب = ولو تسأل هله عن رأيهم لقيل حرنابه

*****

*****

فلا يدنـو مداهـا

***

هذه الأبيات قالها الشاعر/ أحمد جودة، مجاراةٌ لقصيدتي السابقة ( تقاليده و بآدابه )،

ولي قصيدةٌ بعد هذه القصيدة رداً عليها،

وهي بعنوان ( من محتواها ) :

أيا أبن العم أستسمحك عـذرا = فدتك النفس وما ملكت يداهـا

ولست انا الذي يسديك نصحا = ومثلك يرتقي مجدا وجاهـا

ولكني اخاطب فيك شخصاً = يمأثر ان تطـال ويرتضاهـا

عوائد قـد ورثناهـا لتبقـى = هي العلياء فلا يدنـو مداهـا

ودين الحق ايدهـا بنصـرٍ = أو أبطل كل مـوروث سواهـا

شعر الشاعر/ أحمد بن جودة

*****

*****

من محتواها

***

ردي على قصيدة الشاعر/ أحمد جودة ( فلا يدنو مداها ) السابقة:

هلابك يا ابن عمي والنصيحه = رفيعة شان عالٍ مستواها

وعسى مَن هي تهمه يستمعها = ويحيا هاجسه من محتواها

ويكون اسوةً لغيره في صلاحه = بأمورٍ يرجي المولى جزاها

وينزع من تقاليدٍ غريبه = على دينه وعاداته جناها

ويعلم إن الموضات بدعه = زخاريفٍ تخيّب من تلاها

وإن كل شيٍ سوى الإله لا شي = ودنيا العمر ما يمدي مداها

ونهايتها حسابه ثم عقابه = على كل جنحةٍ بعمره وطاها

بكتابٍ ما يُغادر به صغيره = وكبيره ما أحصيت حتى يراها

نصيحةٍ ما ارجي إلا الله فيها = ما أبي فيها اتزلف واتباها

ولا أزكي على الله قصد نفسي = هو اللي يعلم النفس وتقاها

ولكن بحسب جدي واجتهادي = أعرف أطماع نفسي واعصاها

لأني مؤمنٍ بدينه ووعده = كما يأمر أجنب عن هواها

شعر/ نافل علي الحربي

*****

*****

على وجه العموم افتخربه

***

هذه الأبيات، قلتها هديةً مني إلى كل من تخاطبه بمضمونها 15 / 1 / 1431 هـ:

أثني على اللي يشكرون المقالات = ثناءٍ على وجه العموم افتخربه

يا أهل العقول النيرات اللبيبات = يا أهل الأقلام اللي رشيقه وذربه

أنتم غمروتني بزود الحفاوات = وثناي عليكم من ضميرٍ أومربه

اعتز بردود الوجيه السفيرات = اللي على قول الجزيلات دربه

أقلامكم ما عوّدت للهزيلات = يفداكم اللي مد جسرٍ عثربه

اللي يتعرض للقبايل بلمزات = فحاشٍ لأعراض العفيفات حربه

جماع لعلوم الخزا والمعيبات = صندوق للشينات للعيب قربه

شعر/ نافل علي

*****

*****

المنتـدى للقبيلـة يحمـل اشـعـاري

***

هذه القصيدة للشاعر/ دباس بن ردن القرن الحربي، وسيأتي بعدها قصيدة لي قلتها مجاراة لها:

يالله يـا عالـمٍ مـا تخفـي اسـراري = يا خالـق الخلـق والارزاق مقسومـه

انك لـدرب الصـواب تقـدي افكـاري = وتوفـق اللـي بهـم للمرجلـه زومـه

بني علي تاج راسـي عـزي اوكـاري = عدوهـم لا نطحهـم ضاعـت اعلومـه

نصعدعلـى سلـم الامجـاد ونـمـاري = والطيب في سوق ربعي مارخص سومه

ظلي ذاريه الـي منـه جـرا الجـاري = افخر بهم يـوم كلـن يخفـر ابقومـه

بقيادة الي علـى دوس العـدا ضـاري = لاصار بين القبايـل حـرب وخصومـه

الفـرم زيزومهـا مشهـور الاذكـاري = اعداه فـي شايـة الرحمـن مهزومـه

ومن بعد هـذا نويـت ابيـن اخبـاري = لمعاتب المنتدى مـن نـاس منجومـه

محدن على المنتدى مجبركـم اجبـاري = اهدافكـم ياضعـاف الفكـر مسمومـه

المنتـدى للقبيلـة يحمـل اشـعـاري = وكل علوي دون حقـه محـدن ايلومـه

ما تحجب الشمس مهما صار ما صاري ِ= غداركم خايب ٍ مهمـا رمـى سهومـه

يا اهل الوفاء يا رجال العرف يا حراري = الحر في صيدتـه مـا يشبـه البومـه

في منتداكم نبـي جـزلات الاشعـاري = ونبـي مواضيـع مختـاره ومفهومـه

وترا التسامح صفاة النـاس الاخيـاري = ماهي بكلمه يضيق الرجـل بهدومـه

والمنتدى بيـت واعتبـره مثـل داري = وانتم هل البيت بـا القعـده وبالقومـه

واختامها نطلـب العـزه مـن البـاري = والمنتدى ناجحٍ يوم انتـم انجومـه

الشاعر/ دباس بن ردن القرن

*****

*****

لا منه غلي سومه

***

وهذه هي القصيدة، التي قلتها مجاراة لقصيدة الأخ الشاعر/ دباس بن ردن القرن السابقة:

يا أبو ردن لو سمحت أبي لك أباري = يا رئيس المنتدى يا مفنّد اخصومه

بنيت مجدٍ مجيد ونصب تذكاري = وحقك عليه الشكر ما يلحقك لومه

وربعك أشراف البدو كلٍ بهم داري = أفعالهم عند كل الناس معلومه

حمول خيلٍ إلى منه جرا الجاري = يا عز من هم على كنافه وهم قومه

بني علي عز من هو قال يا جاري = وشراية الكيف لا منه غلي سومه

واللي يحارب عدوه في سهم ناري = أرها من اللي بسيفه يضرب خصومه

لا شفت من هو الضحا ينجم ما هو ساري = تراه ما يميز الهيله من الثومه

من لا يحفظ العلوم إن جاء لها طاري = تجي ألفاظه بوسم الجهل موسومه

ولا يسب غيره سواء تيوان وتجاري = وصحايفه سود مأكوله ومذمومه

يصبر على السب والتوبيخ ثرثاري = لأن المعيايا جداه ومبلغ علومه

يسأل عن العلم واستفساره انكاري = خطأه ما يصححه ولا يتقي لومه

واليوم ما للعداوه بيننا طاري = جميع الأيدي بشرعٍ الله محكومه

ومن ضاع له حق يرجع حقه اجباري = في ظل أحكامٍ بختم الشرع مختومه

والظلم لو صال ما يبقى ولا يجاري = يصول ساعه ويبقى الحق للقومه

شعر/ نافل علي القمامي

*****

*****

امور بها يا دباس حاوي ومردوده

***

قصيدة موجهة للأخ الشاعر دباس ردن القرن بشان طلب فزعته بحل بعض الامور:

يا دباس انا بلشت في عدة بنود = بنودٍ بها يا ابو ردن ما انت عادي

واليوم انا جيتك على الأمر محدود = امرٍ تعدا قدرتي واجتهادي

امرٍ علي اثقل بحله من الطود = وعليك اخف من القلم با لأيادي

امورٍ بها يا دباس حاوي ومردود = ولا لي عليها بغير فعلك معادي

وتحيةٍ ازكا من المسك والعود = وانوج من الكادي وريح الزبادي

لك يا عريب الساس يا مصدر الجود = يا فزعتي يا مسندي يا سنادي

نافل علي القمامي

*****

*****

لأن الوضع ما يحتمل للتفادي

***

رد دباس بن ردن القرن على قصيدتي السابقة:

هلا يا بو نواف والنعم بك زود = ابشر لو ان الوضع لونه رمادي

والله يا لو لي حل حاولت يا كود = اجبر بخاطر صاحبي باجتهادي

المسألة فيها برامج وكن كود = عطني بنودك وانسه الوضع عادي

وانا بلشت افرق البيض والسود = لن الوضع ما يحتمل للتفادي

وانته بخيص يارجا كل مضهود = تفهم ولا يخفاك مقصد مرادي

دورلنا المفتاح والحمل منضود = جاهز بظهر شعيل وارقا سنادي

وانته من اهل العرف ما تلزم اشهود = وشورك ورايك يابن الاجواد بادي

شعر/ دباس القرن

*****

*****

ردي على قصيدة دباس بن ردن القرن السابقة:

يا دباس بعض الناس ما بعرفهم زود = اللي يبي زودٍ من البعض غادي

أنا ابتليت بشركةٍ ما لها عهود = وهميةٍ ما تلتزم بالمبادي

قفلوا علي المنتدى وجيههم سود = الله يقفلها بوجه الأعادي

وقعدت اراسلهم ولا يجيني ردود = صمن بكم ما يسمعون المنادي

عسى عليهم زاهي الجيب مقدود = اللي يعاملون العرب بالدوادي

معذور ولا فعلك من الطيب محدود = طلبي هو فتح المنتدى وهو مرادي

شعر/ نافل القمامي

*****

*****

آسف على اللي ما يعرف المعاني

***

قصيدةٌ في الحكمة، والتباين في الأخلاق، واختلاف المفاهيم:

آســف عـلـى الـلــي مـا يـعـرف المـعـانـي = ولا يـقــدر المـعـنـى حـســب فهم راعيه

الـلي بها غـث وسـمـيـن ومــثــانــي = وعــطـــاء تــمــنــن أو وهـــايـــب وتــوجــيــه

وتــحــســب نــتــائـــج والــنــوايا الأواني = قوالبٍ للهرج تـطبـع معانيـه

أحـــــدٍ كــلامـــي مــقــصــده لــــــه وأنـــانـــي = وأحـــــدٍ كـــلامـــه لـنـفــعــة الـــكـــل نـــاويـــه

يـهـرجــك مـــــن يـعــتــز بـهــرجــه هــدانـــي = يـحـسـبـه مـــــن أفــعـــال الــرذايـــل يـزكــيــه

وأنــتــه تـحـســب للهرج مـضـمــون ثــانــي = هــــو الـصـحـيـح الــلــي يــزهـــق امـبــاريــه

تــــــدري بـــكـــل بـــاطـــل دوامــــــه ثـــوانــــي = يــزهـــق بـــــدرب الـــحـــق لـــمـــا يــجــاريــه

حـبــلــه قـصــيــر ولـلــشــرف مـــــا يــدانـــي = ويـروعـه معـنـى الـشـرف مـــا يـجــي فـيــه

يـسـتـرحـلــه خـــطـــو الــخــبــل والــهــدانـــي = الــلـــي مــرضـــه بــيـــن الـحـنـايــا يـعـانـيــه

الـــلــــي كــــلامــــه ظــــاهــــره مـشـبــهــانــي = لأن بـاطـنـه عـــن يـمــة الــصــدق لاويــــه

قـلــبــه جـــفـــولٍ مــــــن طـــلـــوع الـبـيــانــي = دروب الـطـمـان بسـيـرتـه هــــي مـمـاشـيـه

ولـقــاء الـعـمـل مــــا يــعــد لــــه بالـعـمـانـي = لــو هــو أصـيـل وفـيـه نسـبـه مـــن الـتـيـه

راعـــــي كــبــايــر مــــــا يـــوصـــف بــثــانــي = مـنـافـق ولـــه وجـهـيـن خـابــت مـسـاعـيـه

ديــــنـه هــــــــواه ولا تــحـــمـــده عــــوانــــي = وطــــي الـحـمــا والـسـحــت قــمــة مـبـاديــه

ولا يــامـنه جـــــــاره خــبــيـــث الـمــجــانــي = وعـــلـــى الــرفــاقــه والــمــعــارف مــغــازيــه

كـانـه يــبــيـــت لـــــــي مــقــالـــب تـــرانــــي = مـــانـــي عـــلـــى درب الـــرديـــات حـــازيـــه

ولا أعـــرف نـوايــا الــنــذل قــبــل يـحـدانــي = ولا أحكم على منطوق من قبل ما أوحيه

وعـنـدي عـلـى غـلـبـي ونـصــري ضـمـانـي = والــظــلـــم والـبــهــتــان غــيـــبـــه لــراعـــيـــه

مــثـــل مــــــا إن ســهــيــل نـــجـــمٍ يــمــانــي = والــــجــــدي شــــامــــيٍ يــــدلـــــك تــــوريـــــه

مــثــلــه ايــمــانــه مــــــا يــمــاثــل ايــمــانــي = الـلــي يـعــرف الـشــرك مـــا يـنـخــدع فــيــه

ولا أنــعــاه لــــو هــــو لا فـقــدنــي نـعــانــي = مـــــن لا يــحـــب الله لا عــــــاش طـــاريـــه

الله عـن طـرق الــضــلالـــة يــقــانـــي = ومــن شــر مــا تخـفـي الضمـايـر وتـبـديـه

ولا إيــــاه يـشـمـت فــــي قــاصـي ودانـي = حـــــيٍ ومــيـــت أســألـــه وأعـتــصــم فـــيـــه

شعر/ نافل علي الحربي

*****

*****

أبا ألعب وأغنيه

***

الأبيات الأتية لشاعر يرمز لاسمه بـ ( حصاد )، قالها رداً ومجاراةً

لقصيدتي السابقة، التي بعنوان ( آىسف على اللي ما يعرف المعاني ) :

ويش عرف اللي ساكنٍ بالمواني = غير السمك وشوار والموج حاديـه

ما شاف نوض البرق بام اثعلانـي = ولا لحق زملٍ تحـدر يحاذيـه

والا هذاك اللـي سكـن بالمبانـي = ما صكت الارياح وجهـه واذانيـه

قافك حلو لـو اقعـد الليل ذانـي = صبّح علي الصبح ابالعب واغنيـه

شعر/ حصاد

*****

*****

به معزه وتشريه

***

وهذا ردي على أبيات حصاد السابقة:

حصاد قافـك يـا عزيـزي لفانـي = وعندي عزيزٍ مـن معـزة معنيـه

أهلاً هلا بـه عـد وبـل الغشانـي = وعداد رمل النفـد واللـي حواليـه

وعداد مـا ورد القطـا الريهجانـي = وأصدق منه في حين صوته يغنيـه

أهديت لـي خيـلٍ عليهـا مثانـي = حقٍ عليه ما اشترطته وأبـى أديـه

نزهت قافك عـن قصـور وتدانـي = وصغته مثل صوغ الذهب مع بوتقيه

ونعم الكلام الزين جـزل المعانـي = ونعم الحكيم اللي بفكـره مسويـه

أشكرك يا الطيب رفيـع المجانـي = على مـرورٍ بـه معـزه وتشريـه

وأنا صديـق الطيـب المعشرانـي = وإلا الردي يا أخوك مانـي بأدانيـه

ويسرنـي فهمـك لمعنـى بيانـي = ومن لا فهم يا ليت يسأل وأنا أفتيه

وختامهـا أزكـا تحيايـا وأمانـي = معطرٍ بالورد صافـي لـك أهديـه

شعر/ نافل علي

*****

*****

وعيني ما تطاوع للنفوس وهواها

***

قصيدة غزلية، جاراها بعض الشعراء كما سيأتي:

مرت تمدرا تقل تاطا على بيض = أو تقل تقصر بالزلق من اخطاها

بيضاء بلا مكياج وأبيض من البيض = ذيك العذارى اللي خزنها اخباها

يا بعدها عن ناظرات التغاميض = وما أبعد نظرها عن أهلها ومداها

درة شرف ما هزها عنه ترويض=في ظل قومٍ ما يقرب احماها

وجدي عليها وجد من عض بالغيظ = على إبهامه لين نثر ادماها

نفسي عليها تحرض العين تحريض = وعيني ما تطاوع للنفوس وهواها

واقفيت مثل الهيم وردت من احميض = داجت على الماء وصدرت في ظماها

قالوا علامك قلت غيض بعض فيض = خلو خفايا علتي في خفاها

شعر/ نافل علي 19 / 4 / 1431 هـ

*****

*****

وارفع كفوفك له ترى الله كافي

***

رد شاعرة ترمز لاسمها بـ ( النايفة ) على قصيدتي الغزلية، المعنونة بعنوان ( وعيني ما تطاوع للنفوس وهواها )، وهو عبارة عن قصيدة مجاراة لهذا القصيدة، حيث تقول النايفة:

يا صاحبي لا تشتكي الوقت والحال = خل الذي في قلبك اليوم خافي

ما كل حكيٍ يا ابيض القلب ينقال = ولا كل عمرٍ من شقى الحال غافي

رح واشتكي للي له الكل رحال = وارفع كفوفك له ترى الله كافي

واعرف ترى كلٍ من همومها شال = ولا عاد شفت اللي من الهم صافي

شعر/ النايفة - 19 / 4 / 1431هـ

*****

*****

وجميع ما قلتيه وارد وكافي

***

ردي على النايفة:

يا النايفة يا أختى ترى أبياتك أجزال = وجميع ما قلتيه وارد وكافي

وردك جعل همي عن القلب ينزال = عقب قريته ما بي إلا العوافي

بأذن الذي بيديه تصريف الأحوال = وفضله على كل المخاليق ضافي

له اشتكي وادعي وارجي وأسال = أساله بكفوف الضراعه انصافي

وهو الذي بيديه تقدير الآجال = وهو الطبيب اللي لخلقه ايشافي

والحب يا بنت الأجاويد غربال = يحرق ولا يطفي حريقه مطافي

وشكواه تيتبقى على مر الأجيال = شكوه قبلي ناس وناسٍ اخلافي

وكل ما ذكرته أو طلبته بالأمثال = ان يتحقق لي عليها زفافي

وتقبلي أجمل تحيات واجلال = ممزوجةٍ كادي وريحان صافي

شعر/ نافل علي 19 / 4 / 1431هـ

*****

*****

طعنت قلبي بالسيوف الرهافي

***

مجاراة الشاعر/ نايف ابن طالع للقصيدتين اللتين بيني وبين النايفة، واللتين بعنوان ( ترى الله كافي - وارد وكافي ) :

الحــب يعرف من قديمات الأجيال = وما كل من واعدك بالصدق يافي

وان كنت يا نافل على مثل هالحال = طعنت قلبي بالسيوف الرهافي

شعر/ نايف ابن طالع 20 / 4 / 1431هـ

*****

*****

بسيفٍ يزيل الرأس الله ايكافي

***

ردي على رد نايف ابن طالع:

فعلٍ يا نايف طعن مهند وخيال = بسيفٍ يزيل الراس الله ايكافي

الحب نوب لراعي الحب قتال = يضحي ضحية حب بيض الرهافي

دوك الوليعي والدجيما بما يقال = موت الهوى ما حصلو له تلافي

كله سبايب حب زينات الأزوال = عراض البراقع ضافيات الغدافي

ما عاملن بالحب مسج وجوال = وقوف النواهد والخواصر هوافي

وأنا تراني مثل قولي بالأحوال=والمبالغه بالوصف لا تعدهافي

شعر/ نافل علي 20 / 4 / 1431هـ

*****

*****

وعلى المحارم بالرقاب انعطافي

***

مجاراة الشاعر/ ناصر مقبل النويجعي الحربي، وهي مشاركة منه، بالرد على قصيدتي ( وعيني ما تطاوع للنفوس وهواها )، ضمن من قاموا بالرد عليها:

صدقت يا نافل بقولك بالأمثال = بسيف يزيل الراس الله أيـكـافي

لو للهوى حاكم وتوجيه برجال = لاشن حربٍ مثل سالم تشافي

ما اكف عنه الحرب والراس ما انزال = لشيل الجماجم من فروع الكتافي

قومٍ لقومٍ همها الجاه والمال = وعلى المحارم بالرقاب انعطافي

شعر /ناصر النواجعه المشرطي 21/4/1431هـ

*****

*****

غضير حب مرودعات الأشافي

***

ردي على مجاراة الشاعر/ ناصر مقبل النويجعي الحربي:

باسم الذي سمى اسماعيل وبلال = باني ومذن خير منصا وملافي

أبدا كلامٍ من طريفات الأقوال = مكملاتٍ يعجبن السنافي

يا ناصر أنت أبدعت وأحكمت الأغلال = على خطاة السرمدي الهلافي

اللي على محرم قصيره له اهذال = وللي يعرف اقصاه قلبه انصافي

له بالوباء مدخل ومخرج ومدهال = ولا جاء هل المعروف جاء به تشافي

حاضر أمين ولا اختفى النذل نشّال = يبني قصر ويهدم مصر بالخوافي

الله لا يشفيه في كل الأحوال = ويجعل طريقه من هلاك لمهافي

ويكفي البشر من سوء شينين الأعمال = أهل العلوم المقرفات السخافي

لا يضيق صدرك من عمل ذيك الأشكال = ثقال المساوئ والمحاسن اخفافي

عميٍ أهل سؤله ولا هو لنا فال = وعما يريد الله فيهم تنافي

أصحاب عين وخافي القصد غربال = سودٍ دخايلهم على كل خافي

والحب له أهلٍ نزيهين عَمّال = عن الوفاء ما يصير فيهم مفافي

كم من فتىٍ ما ألتذ بعمره ولا طال = غضير حب مرودعات الأشافي

شعر/ نافل علي 21/ 4/ 1431هـ

*****

*****

أنا فقدت الذاكره والشريحه

***

هذان البيتان هما من نوع الفكاهة، ولهما مناسبة هي إنني كنت في مجلسٍ ذات مرةٍ فسمعت أحد الجالسين في ذلك المجلس يحدث شخصاً آخر بكلام عامٍ، غير مقصورٍ على محدثه، بل حتى على سماعي، وسماع جميع الحاضرين، وسمعت من ضمن حديثه قوله (( أنا فقدت الذاكره والشريحه ))، فنظرت إليه فإذا به يمسك بجواله، وينظر إليه، فعلمت إنه يعني إنه قد فقد ذاكرة وشريحة جواله، ولكن الذي شدني إلى كلامه هو قوله السابق، حيث وجدته على وزن شطر بيت شعر كامل، لا ينقصه إلا الشطر الآخر، فأحببت أن أضيف إليه شطر ثاني ليصبح بيتاً كاملاً، وتمعنت بمعنى قوله، وما يترتب عليه من معاني فإذا بهذه المعاني تصلح أن تكون فكاهية، فأكملت قوله بشطرٍ آخر، وأضفت فأصبحا بيتاً، فأضفت إليه بيتاً آخر، كما يلي، أرجو أن ينالان هذان البيتان إعجابكم، واستحسانكم، وإليكم هما:

أنا فقدت الذاكره والشريحه = وغديت أنا لا أحدي ولا أبدي ولا أعيد

ويا خوفتي تلفق عليه فضيحه = وأصير برأي الناس صايع وعربيد

 

*****

*****

مجاراة أول الشعراء:

احـيـان شـطـر يهـيـض أبــك القـريـحـه = واحيان شطر يجيب في صاحبه العيد

هــي هيـنـه ان كانـهـا مـــن الشـريـحـه = مـيــر الـبــلاء شـــي لايـنـفـع ولا يـفـيــد

*****

*****

ردي عليه:

صدقت يا راعي البيوت المليحه = يا شاعرٍ شعرك يجي وفق ما تريد

عساف لبيوت القصيد الصحيحه = ومشكور من عندي أمرار وتراديد

*****

*****

المجاراة الثانية للشاعر الأول:

يا حبني للأهل القلوب الصريحه = وياكـرهنـي لـلأهل النفــق والمناقيد

عمار ياوقـتٍ عســى الله يبيحه = يوم القلوب الصحاح ونرحل مع البيد

*****

*****

ردي عليه أيضاً:

وقتٍ مضا وقت الوجيه الفليحه = وقتٍ نقي ما به حداثه وتجديد

رغم الشقاوه والموارد شحيحه = رصيدهم طيب القيم والتقاليد

*****

*****

رد الشاعرٍ الثاني:

الهم من قلبك عسى الله يزيحه = وتضبط لك الدنيا على كيف ماتريد

تـرى المليح اللي اعلومـه مليحه = صيده من الجزلات يا حي من صيد

*****

*****

ردي عليه:

الهم يمك جعل ما الله يتيحه = وتلقا السعاده وين ما تروح وتزيد

والناس كلٍ له أسلوب وقريحه = وهرج الملاحه من كلام الأجاويد

*****

*****

المجاراة الثانية للشاعر الأول، أو رده على الأبيات السابقة:

تبي الكلام الي مــؤكــد صحيحه = هــو هــو وقـتك لايقــدم ولا يعــيد

من طاب طيبه أستحق المديـحه = ان كانه بعصرك او ان عصر ابوزيد

*****

*****

مجاراة شاعرة:

الهم ماجاء بالقلوب المريحه = وإلا اقلوب أهل الشقاء همها يزيد

*****

*****

ردي عليها:

ياللي تعذر في ضياع الشريحه = ياعنك ما تدري الخلايق مناقيد

كثرت سكاكين الجمل في مطيحه = لا فكها مسعد يناديبها اسعيد

*****

مجاراة الشاعرة الثانية:

رح للمشغل والغ خط الشريحه = وارتاح واترك هرجة عبيد مع زيد

يا أبو علي راع العلوم الصريحه = ما أنته بصايع لــــــو يقولون عربيد

*****

*****

ردي عليها:

يا عل يفداك الوجيه القبيحه = اللي على درب الفضايح ملابيد

تسولف بها على سماح وسميحه = تغتاب بالغيبه أعراض الأجاويد

*****

*****

مجاراة للشاعر/ هابس ابن مغاط:

واخذت بالطاروق قومه وطيحه = وتشتت عندي بحور الاناشيد

رغم المشاعر مع وجود القريحه = الا اني ابقى في هموم وتناهيد

شعر/ هابس المغاط

*****

*****

ردي على الشاعر/ هابس ابن مغاط:

وا سوريا يا خوي باتت جريحه = كل يوم تحصد من أبطال الأواليد

يعل أعداءهم بالمشانق ذبيحه = مقيدينٍ بأبشع الأسر تقييد

هذا وتسلم والنوايا صريحه = وأقبل تحياتي على كيف ما تريد

شعر/ نافل القمامي

*****

*****

وانا فقدت مغيزل العين تدرون

***

هذه القصيدة للشاعر/ نافع هجاج قيران العلوي ( الهجاج )، قالها مجاراة لقصيدتي ( أنا فقدت الذاكره والشريحه )، والتي قلت قصيدتي الآتية ( من أي حيٍ يكونون ) رداً عليها:

انته فقدت الذاكره والشريحه = وانا فقدت مغيزل العين تدرون

يامل قلبن ماهدى فيه ريحه = بس يتصافق بين طاعن ومطعون

اقفو مع الى روحو بالفسيحه = اخر نهار الدرس قامو يشيلون

قلت الوداع وقالها لي صريحه = انا على عهد الوفا لو يقولون

لولا الحيا والناس واخشى الفضيحه = لنهب صخيف الروح وانتم تشوفون

تكفى يا بو نواف حالي جريحه = من واحدٍ سبب على الكبد طاعون

ارجو تجيه وتنصحه لو نصيحه = قله يرد لو هي بدقة تلفون

شعر/ نافع هجاج قيران العلوي

*****

*****

من أي حيٍ يكونون

***

هذه القصيدة الآتية قلتها رداً على قصيدة الشاعر/ نافع هجاج قيران العلوي ( الهجاج )، ( وأنا فقدت مغيزل العين تكفون )، وهي مجاراة لقصيدتي( أنا فقدت الذاكره والشريحه ) السابقة :

يا خوي يا الهجاج من هي المليحه = من هي وأهلها من أي حيٍ يكونون

عساي أحاول لك بخطبة مديحه = الجادل اللي حط في قلبك طعون

نبي نجيهم في اوجيهٍ فليحه = لعلهم لسوق الوجاهه يلينون

والله ما يساوي بحقك ذبيحه = مهما طلبوا من حد ميه لمليون

لو أطلب أهل الخير وأصيح صيحه = وبشاية الله بالطلب ما يتوانون

وأرجو جنابك واطلبه واستميحه = عذراً عن اللي ما يجي حسب قانون

شعر/ نافل علي

*****

*****

لا تاخذ الايام بكثره هقاويك

***

هذه القصيدة للشاعر/ نافع بن هجاج بن قيران العلوي الحربي:

يالله دخيلك عن مشاكل بلاويك = ويالله دخيلك عن خطاة القلابه

بعض العرب شوفه على الارض يذيك = وبعض العرب تكره مقابل جنابه

وبعض العرب تفرح الى جاك ناصيك = تقدم الماجوب وتحسب حسابه

وبعض العرب دايم على الخير يهديك = يضحك حجاجه مايعرف الكأبه

وبعض العرب لا هذي ولاذي ولاذيك = طبعه غلط من ساس اول شبابه

لا تاخذ الايام بكثره هقاويك = يجيك يومن ماحسبنا حسابه

والضيف لاتعطيه مقرن علابيك = خله صديق ومن قريب القرابه

وخلك بدرب المرجله يقتدى فيك = احفظ عمود الدين واحفظ كتابه

وقولة هلا لا جيت تقهر معاديك = خطو الدليخ اللي من ادنى القرابه

اللي حكى بي يوم انته حكى فيك = لو تساله ما جاب حتى الاجابه

نمام بالمقفي وشره مقافيك = هذاك والله ماحسبنا حسابه

الشاعر/ نافع بن هجاج بن قيران

*****

*****

وسجل على الصفحات عندك اعجابه

***

هذه الأبيات قلتها مجاراة لقصيدة الشاعر/ نافع بن هجاج بن قيران العلوي،

التي قبلها:

جاريتني واليوم أنا جيت أجاريك = ببعض الصفات اللي تخص القلابه

بعض العرب حاضر كلامه شرابيك = ضارٍ على اللجه وكثر المجابه

يدجرك في ذم القرابه ويوذيك = وعند السفر ذم القرابه زهابه

تكرم رذيل وفيه خصله من الديك = وينعق نعيق البوم وسط الخرابه

حتيش لو صوته مزركش ويغريك = عادة جمال الصوت عند الربابه

لا بارك الله بالعفون الصعاليك = هذا ومثله يبعد الله ترابه

واقبل تحيات الوفا من بناخيك = وسجل على الصفحات عندك اعجابه

الشاعر/ نافل علي القمامي

*****

*****

قمامات يوم الخيل وعيشة صعاليك

***

هذه القصيدة مساجلة بعثها إليّ الشاعر/ نافع هجاج قيران العلوي، قالها رداً على قصيدة المجاراةٍ السابقة، ( وسجل على الصفحات عندك اعجابه )،

والتي قلتها مجاراةً للقصيدة التي قبلها، ( لا تاخذ الايام بكثره هقاويك )، والتي هي للشاعر/ نافع الهجاج أيضاً:

شكراً يا ابو نايف والله يعافيك = شيكك وصلني واكتمل في حسابه

كل الرخوم رخوم تسلم اياديك = تكرم عن اللي ما يثمن جوابه

شاعر واديب وجعل ربي يهنيك = كلٍ قرأ لك واحتفظ في كتابه

الطيب ساسك من قديمٍ بأهاليك = قدامك اللي ما يعرف المهابه

قمامات يوم الخيل وعيشة صعاليك = كم فارسٍ خلوه وسط الضبابه

يشهد بها الانجل وهذي بعد ذيك = خلوا عقيد القوم تشبع اذيابه

ثار الفتيل وجهزوا بالمشاويك = مضرابها بالشيخ من حد كابه

عند الرفيق يبيع نفسه ويرضيك = والجار عيوا لا تصادر اركابه

وجهت لك بيتٍ وانا فيه اجاريك = امدح به الطيب واحسب حسابه

شعر/ نافع هجاج قيران العلوي 15/2/1434هـ 0

*****

*****

واحسب احسابي جاهزٍ منك وإليك

***

هذه القصيدة قلتها رداً على قصيدة الشاعر/ نافع هجاج قيران العلوي السابقة، ( قمامات يوم الخيل وعيشة صعاليك ) :

يا مرحبا بك كل ما حل طاريك = وعداد ما هل المطر من سحابه

جاني كلامك سدد الله مساعيك = شعرٍ جزيل ويتصف بالذرابه

وشكراً على ما قلت بي من معانيك = عني وعن من قلت به بالنيابه

واحسب احسابي جاهزٍ منك وإليك = على الطلب في كل حاجه وبابه

أنته رفيق ولك علينا نبديك = منك الطلب وأنا علي الاجابه

يالطيب اللي طيباتٍ مباديك = ومن لابةٍ بالطيب يا وي لابه

واقبل سلامي جعل ربي يخليك = ويجزاك في خير الجزاء والإثابه
        شعر/ نافل علي القمامي 15/2/1434هـ 0 ​
 
 

 
محتويات الديوان الرابع
 ****

ترى ما ندانيه

***

الأبيات الآتية للشاعر الأمير/ خالد بن سعود الكبير، قالها في صف علماء المملكة، وضد الحملة المغرضة التي تشن ضدهم في الخارج، وقد جاريتها بأبياتٍ ستأتي بعدها:

قالوا علامك قلت مدري علامي = شفت الخطأ واضح ولأني مخليه

حبي لديني ساقني للكلامي = واللي يحب الدين لابد نفديه

حنا عن التوحيد لازم نحامي = ونزه أهل العلم والشرع تنزيه

سلام مني للرجال الحشامي = من لا يدانيكم ترى ماندانيه

شعر الشاعر الأمير/ خالد بن سعود

*****

*****

وبالعرض تكسيه

***

الأبيات الآتية هي مجاراة مني لأبيات الشاعر الأمير/ خالد بن سعود الكبير السابقة:

وأنا أقول ان ما حملتني عظامي = من أجل أجاهد دون ديني وأهاليه

ماني بنافل عند معنى الاسامي = ولا يعدني أخو النزاهه بناخيه

وقول الأمير أويده بانضمامي = للي على التوحيد تثبت مباديه

وراعي الضلاله لو طلع من عمامي = والله ما أرضا به ولأبقى معاديه

حتى يعود لطاعة الله تمامي = ويحكم الانصاف حتى بعوانيه

وبحر الطغام المغرضه دوم طامي = وطريقهم بين ولا أمشي مماشيه

ومن وحد الله كلنا له نحامي = ورعى البغي والشرك تفشل مساعيه

وهاذي تعابيري وبصمة ابهامي = وسلامةٍ طوله وبالعرض تكسيه

شعر/ نافل علي الحربي

*****

*****

ما به نزاهه وغيره

***

الأخ عبيد الداموك، عندما صدر مؤلفي { تحفة المساجلات }، بحثت عنك في عدة أماكن منها مقر عملك، وغيره، فلم أعثر لك على الخبر،

ولقد أسعدني انضمامك إلى هذا المنتدى، وبهذه المناسبة قلت الآن هذه الأبيات، التي أهديها إليك، وأرجو أن تجيبني عليها:

وينك وأنا أدورك لي عام يا عبيد = أسأل عليك بكل حروه وديره

أنا أحمد الله جت على كيف ما أريد = اسمك معانا يا نقي السريره

حياك ربي يا خويٍ له نريد = ونعم الخوي يا ابن الوجيه السفيره

ويفداك سودان الوجيه الملابيد = اللي بهم عن كلمة الطيب ذيره

مجردينٍ من النزيهات تجريد = حثال الرخوم أهل الفعول الشريره

أجهل عن الواجب من اللي على الديد = ما منهم اللي كان همه مصيره

يوم أن كلٍ له كتاب ومواريد = أما جنان الخلد وإلا سعيره

لهم بمجال الخوض سرد وهرابيد = وبالطيب واحدهم يخون تعبيره

الله لا يبقي للأنذال عربيد = في جاه من ما اختار به كل خيره

ويجيرنا من موجبات المناقيد = ويزيل من ما به نزاهه وغِيره

شعر/ نافل علي الخميس 13 صفر 1431

*****

*****

مثل فراش الليل

***

هذه القصيدة للشاعر/ معاند ( خالد البيضاني ) :

تجمعوا حولك ، يسار ويمينك = مثــل فراش الليل لا شافت تريك

هـذا وقف بين انتباهـك وبينك = وهــذاك باسم انك تحررت يغويك

لقــوك في وقتٍ تغرك سنينك = لحظــة تفتــح وردك ، وغاب واليك

يمـلا ابتسام الطهر نظـــرات عينك = واحساسك المرهف يســيّـر خطاويك

لقــوك والجـــاني دلالـك و زينك = مظهرك يرفض كل ماض الطفل فيــك

يبــون ربط يدينهم في يدينك = و تـتـبع طريقٍ للندامة يوديك

يقــضون لذات معـك قبـل حيـنك = ويفارقــونك قبل تدرك هقاويك

إن طعــتهم غير إنهم ظالمينـك = ظلمــت حسنك و إكتمال الحلا فيك

شعر/ معاند ( خالد محمد البيضاني )

*****

*****

ولا تجد من يبريك

***

وجدت قصيدة الشاعر معاند السابقة، فأعجبتني مادة الموضوع، في هذه القصيدة التي في غاية الجودة، والتي تصور سعة اطلاع،

وخصب فكر ناظمها، فكان ردي عليه بهذه الأبيات الآتية:

يا صاحبه يا عناد ربك يعينك = وعلى تحمل ما تعاني يقويك

ويلم شملك مع حبيبك ضنينك = ويبرئ من الغيره تجدد مكاويك

إن كان دينه يتفق هو ودينك = قل له يخلف الله على اللي حواليك

ألعب بهم مثل الورق في يدينك = أخبص ووزعهم على فروع ناهيك

والزات منهم لا توليه عينك = يخسون ولا يسوون حتى مواطيك

بسبب جمالك كل عينٍ تدينك = بقتل الغرام ولا تجد من يبريك

هذا وأنا يا أخوك قد ذقت بينك = يا عناد ما جاني من الحب ما يجيك

شعر/ نافل علي الحربي

*****

*****

يا نافل علي أنت وينك

***

هذه القصيدة للشاعر/ خالد محمد البيضاني العمري الحربي ( معاند )، قالها رداً

على قصيدتي السابقة، التي وجاريت بها قصيدته التي قبلها:

من امس يا نافل علي وانت وينك = انا من البارح اصوت واناديـك

القاف جاني كاتباته يـديـنك = و انته بشعرك تتعب اللي يجاريـك

يا قاف رد العـلم لمجوديـنك = واللي مقلطنا على اجزل معانيك

لا والله الا هي تفدى جبينك = قطعة كرستاله وصارت بلستيك

من لا يودك لا تصافح يمينك = وابعد عنه حتى ولو هو بناخيك

شعر الشاعر/ معاند ( خالد البيضاني )

*****

*****

حكمه وتكتيك

***

ردي على قصيدة معاند ( خالد البيضاني ) السابقة:

يا عناد أنا حضرت حالٍ لعينك = ساعة سمعت القاف جيتك ملبيك

يا عناد حد الله بيني وبينك = لو ما تحكم الشعر ما أعجبت أنا فيك

شعرك جواهر صياغتها يمينك = تسلم يمينٍ بالأوائل تساويك

وأنا اعتبرني من ضمن معجبينك = وتستاهل اللي يعتني بك ويرويك

مثلك علم وتنومس مدونينك = بك من مزايا العرف حكمه وتكتيك

شعر/ نافل علي الحربي

*****

*****

هيبة أصحاب السمو والمعالي

***

قصيدة للشاعر/ خالد محمد البيضاني، موجهها إليّ:

يا سلامي على اللي له بقلبي معـزه = عملةٍ مـاتفرط لو تطول الليـالـي

من بيوت على الدين انبنت و المعـزه = حرب للحرب تاريخ من اول وتالـي

مسندي هو عضيدي يالجـناب المنزه = منزلك بالسماء بين النجوم العوالـي

يا علم فوق راس طويق أبيض نـرزه = هيبـتـك هيبة أصحاب السمو والمعالي

شعر الشاعر/ خالد محمد البيضاني

*****

*****

فزعتي للتوالي

***

ردي على قصيدة الشاعر/ خالد محمد البيضاني الحربي السابقة :

يا ابو محمد فوادي فز لك كم فزه = يوم جتني بيوتك خطها ضغط عالي

يا سلامي على بيوتٍ لها زود مزه = من أديبٍ معوّد للمعان الجزالي

جعل ربي يزيدك من نعيمه وعزه = خل قدري بقدره يوم جا له مجالي

كل قدرٍ يقدر في مكانه وحزه = يا كريم السجايا لا تزود جلالي

وأنت قدرك رفيعٍ وهضبته مقلحزه = يا ابن مجدٍ معرب بين جدٍ وخالي

يا عوض من لجا له يا ملاذه وبزه = يا رفيقي صديقي من يمين وشمالي

كان قلبي وجيع وكل همٍ يحزه = ويوم جاني كتابك سحت وارتاح بالي

جعل يفداك من هو له أهدافٍ توزه = لأجل اعلومٍ رديه ما لها أول وتالي

حط رمحه بكبدي عقب كزه وهزه = جابني في طريقه فزعتي للتوالي

شعر/ نافل علي الحربي

*****

*****

اسميه تاجي

***

هذه القصيدة مساجلة مني موجهها إلى الشاعر محمد العواد الحربي، وذلك لأنه سبق وأن قال لي: سأرسل إليك قصيدةً وجهتها إليك،

ولكنها ليست لدي الآن لأنني لا أحفظها ، فلما تأخر وصول القصيدة بعد ذكرها بعض الوقت، بعثت إليه هذه القصيدة التي ضمنتها رأيي الشخصي حول ما أتمنى أن تكون القصائد اليوم من نوعه، هي القصائد الصالحة للتدوين، لا الأشعار التي لا تدون ولا تقال في كل مكان مثل قصائد الهجاء، خاصةً القصيدة الأولى، التي تكون

سبباً في التهاجي، والتي إذا قيلت ربما يقع بسببها إشكال لا تحمد عقباه، ولا تخدم القبائل بأي حالٍ من الأحوال، لأنه لا يوجد بين القبائل أي عداء، يبرر

التهاجئ بينها، قال عز من قائل: " افحكم الجاهلية يبغون ومن أحسن من الله حكماّ لقوم يُوقِنون "المائدة50 ، فالشعر الصالح هو ما كان خالاّ من االمآرب الشخصية الدنيوية الدنيئة، كطلب الشهرة على عاتق القبيلة، بل يخدم المصلحة العامة، ويعلي كلمة الله، وذلك إذا وعي الشاعر ما عليه من واجبات اتجاه دينه ومجتمعه، فاحترام أنظمة دولته، وخدمها بشعره مدحاّ كان شعره أو هجاء، في سبيل الدفاع عن الدين، والوطن والمواطنين، وتوحيد الصف والكلمة حول ولاة الأمور، قال تعالى:" ومن أحسن قولاً ممن دعا إلى الله وعمل صالحاً وقال إنني من المسلمين " .

ولا أنسى إن أقول: إن الأخ الشاعر محمد العواد أرسل إليّ القصيدة المطلوبة منه، وقصيدة أخرى رداّ على هذه القصيدة في نفس اليوم الذي وصلته فيه قصيدتي هذه، وقد رديت على القصيدة المطلوبة حين دلك، كما هو مبين لاحقاًّ:

 

يا أبو عبد الله وين مذكورك الآن = البر خيره عاجله ما يجاجي

أبي الهدف اللي أنت مسويه نيشان = بقولك أبا أرسل لك بيوتٍ سواجي

ما أدري وش اللي يلبسنه من إعلان = عن السجايا الضيقه والفجاجي

مقبولةٍ لو هي هجاءٍ لي بنقصان = أنا مع اللي ينكر الإعوجاجي

وكشف الخطا وذم الرذايل بالإنسان = مشروع وذمامه لجزواه راجي

لا صار لا يخص به فلانه ولا فلان = اصدور سمحين السجايا ملاجي

تقبر بها الأسرار من ماض الأزمان = وليل الذي عينه على الناس داجي

وأنا عدو للرداء وين ما كان = ولاني مع اللي للقبايل يهاجي

متميلحُ بعيوب ربعه دليقان = يقول يهاجيني بها كل هاجي

يعيدها بكل الأماكن والأحيان = يقول يعيروني بذيك الرواجي

ويشوف حاله من غروره بليهان = دجاجةٍ من مدحها قول ماجي

لا هو من عيال الحمايل وله شان = وله سمعةٍ قشراءٍ عليها عجاجي

يبغا يضيعها بتوزين الألحان = والمصمصه ماهي سوا والنفاجي

يزعم إصلاح الغير وجواه خربان = ومن الحياء والصمت والميز ناجي

ما في أهدافه ذرة عفه ولا إيمان = إلا الرياء والسفسطه والتهاجي

وأنت الرفيق اللي معي قلب ولسان = وأنت الوحيد اللي اسمه تاجي

يوم اختفا نجمي ولا عقبها بان = عزيتني به لا فجعكم امفاجي

يفداك من ينقر تحت كل دجان = وعنقه على الجارات فيه انعواجي

الشاعر/ نافل علي الحربي

*****

*****

ما يوافق مزاجي

***

رد الشاعر/ محمد العواد الجويعان، على قصيدتي ( اسميه تاجي ) السابقة:

حي الجواب وحي من صاغ الألحان = ترحيبةٍ يجهل مداها المجاجي

جاني جوابك يا سلايل كحيلان = وقلنا هلا بكتاب طلق الحجاجي

وأرسلت مطلوبك ولاني امّنان = لو كان مدح الروح قالو سماجي

والشعر يا نافل به اضعاف واسمان = وأنا ضعيفه ما يوافق مزاجي

وإن صار للشعار بالشعر ميدان = عن الجزيله ما ندور ملاجي

والخط يعرف كان للخط عنوان = ويعطيك سعر السوق راع الحراجي

وعن طولها يكفيك ما قال راكان = وقولٍ بلا معنا يجي به اخماجي

الشاعر/ محمد عبد الله العواد

*****

*****

صوت داعيها

***

قصيدة مساجلة للشاعر/ محمد بن عبد الله العواد الجويعان الحربي، موجهها إلى الشاعر والمؤلف/ نافل علي القمامي الحربي13 / 1 / 1429 هـ:

البارحه ليلة الهاجس ما هي ليله = ليل الهواجيس يفرق عن لياليها

يا مل قلبٍ إليا هوجس يطريله = روابعٍ كنت أظن القلب ناسيها

إليا طراله من الماضي تفاصيله = راعيه يخلف قدم رجله مواطيها

من كثر ما شاف من وقته تهاويله = تخم نفسه طواريها وتخطيها

إليا ذكر ماضي الوقت ومقابيله = يغيب مع حاضر أيامه وما فيها

لو أنت عنده تصوت له وتوميله = عنك المسامع مسكرةٍ مجاريها

وليا انتبه فاته المعنى وتحليله = تفوته السالفه ما تقل يوحيها

يا الله يا اللي خلقت الروح وتشيله =يا محصيٍ كل خلقك وأنت واليها

تلطف بحالٍ سعا وقته بتذليله =عنه المصادر مقفيةٍ سوانيها

سواني الزرع تقفي عنه وتجيله =وسواني الحال خلت له مناحيها

ما له سوا يا عسا ربه يسويله = تومي به أيام وقته مع لياليها

عبر زمانٍ مضا دارت محاحيله = وعدّت على خير وضامنه تواليها

أبا أشكي الوضع وأرسل مع مراسيله = عسا الموزع رسالتنا يوديها

يا اللي تشيل الرساله شوف من هيله = وأسلم وسلّم لنا لا جيت راعيها

وإليا تقهويت من صافي فناجيله = وقال الخبر قل له ارساله ودوكيها

وإليا أخذ الخط نافل قبل يبديله = تفصيل ما بالرساله من معانيها

ودع محله ترا الإنسان تأتيله = روابعٍ تخلف أفكاره طواريها

إليا سمع صوت رجالٍ يناديله = خصٍ إليا قام يزهم صوت داعيها

أبا انتظر رد نافل مع محاصيله = عساه يذكر دروب الخير نمشيها

وختامها العود مع بنٍ كثر هيله = مع التحيه لابو نواف نهديها

الشاعر/ محمد عبد الله العواد

*****

*****

قبل داعيها

***

قصيدة مساجلة وهي رد نافل علي الحربي، على مساجلة الشاعر/ محمد العواد الجويعان الحربي " صوت داعيها " السابقة13 / 1 / 1429 هـ:

يا مرحبا بالبيوت وحي من هيله = ارسالة اللي نحب الله يحييها

عداد ما هل هطالٍ هماليله = وعداد حاصل النجوم بضرب داجيها

وأهلا وسهلا بـمندوبه ونثنيله = وجزيل شكري لحاملها ومنشيها

ولو انتظر لي دقايق كان أخاويله = لأجل أتشفا من الشكوا بتقصيها

لكن عسا الله يرعاه بتساهيله = ما أعطا الرساله قبل يمشي لقاريها

حياة من لا فزع للربع وش هيله = شلت يمينٍ ما تفزع قبل داعيها

أما الدهر يا أبو عبد الله نرا ميله = ونحس مثلك بضداته ونوحيها

ما من أحدٍ ما توطنه غرابيله = وراعي التجارب تفيده عن خوافيها

يا معاتب الوقت عوجه ما بها حيله = جميع مخلوق بالدنيا يعانيها

والعمر عشبٍ إلى أزهر كلٍ يخيله = يرجيه يكبر وتدله به رواعيها

وإلى استوا تطرب الناظر قناديله = أزهاره اللي تشوّق من يراعيها

وكلٍ انتفع به وكلٍ وده يجيله = وكثرو أهل النفع في مخصب مراعيها

وإلى يبس قل نفعه ودمره سيله = وأخلت حدود المداهل بعد أهاليها

وأبشر بتحصيل ما يرضيك تحصيله = من الآن قدّم طلباتك وأبا أقضيها

الشاعر/ نافل علي الحربي

*****

*****

معاناة طغواك

***

الله يعين القلب يا المستبده = قلبٍ تعذب من معاناة طغواك

بقربك وبعدك غيرته مستجده = في كل لحظه مستجدات ذكراك

كن مستقيم ولا يجي فيك رِده = على سبيل الحق حسّن نواياك

لا يصير في جوك تكدر وجده = صريح حين وتخفي أحيان قصياك

لا اقبلت بحين أحيان بقفاي صده = وأنا على هالحال ماني بوياك

للصبر حدود ولا تعديه حده = عده حدوده وافقده من تحداك

واللي صديق ومخلصٍ بالموده = إن طبت طاب ولا تحديت شرواك

وإلى زعمتي تستبيحين سدّه = ما أبعد حدوده عن مفاهيم مبداك

لا توصلك هده ولا طول مدّه = ودربه مخاطر لأهل الغي وأهلاك

أخلص بعطاه الود ويعطيك وده = ومع قبسة العجلان تاصل لمغزاك

لا اتيه مع حلمه وصبره وجده = تكذبك ظنونك مع متاهات هاذاك

شعر/ نافل علي

*****

*****

خطك بيمناك

***

بيتان للشاعر / هابس العلوي قالهما مجاراة لقصيدتي " معاناة طغواك " السابقة:

الحق يا نافل ضروري نعده = نوادر الاشعار خطك بيمـناك

والحــسـد والباطل نوقًف بضده = عسى المنايا يالبناخي تعـداك

الشاعر/ هابس العلوي

*****

*****

ولفظك ومعناك

***

هذه الأبيات الآتية، قلتها رداً على البيتين السابقين اللذين عارضني بهما الأخ الشاعر هابس العلوي:

عداد ما بين الجزاير وجده = أهلاً وسهلاً يا أخي هابس وحياك

وحي الذي مثلك بعرفه وجده = يجمل رفيقه بالحصافه والادراك

والسالفه وجهة نظر مستمده = من وحي ملتنا على قدر الأفلاك

غير النصح والحق ماني بِبِدّه = وأنت العلوم الطيبه من سجاياك

تعرف هوى المعنى وتعرف مرده = إسداء النصايح لا تنوّع هو هناك

واسلم سلمت وهات إذا فيك شَدَه = تراي ما أكره بالقصايد مجاراك

شعرك جزيل وفيه للفهم سده = ويجوز لي نظمك ولفظك ومعناك

الشاعر/ نافل علي الحربي

*****

*****

بالمرجله لاعدمناك

***

رد الشاعر/ هابس العلوي، على الأبيات السابقة التي وجهتها إليه رداً على بيتي شعر المجاراة اللذين عارضني بهما، والذين هما قبل القصيدة السابقة:

الله علـى اللـي ما وقف بالمـكده = لكزس يقطٌعك الفيافـي لمسراك

بيدين قرمٍ مـا اهتوى للمخده = بالمــــرجله واقوى المــلازيم كفاك

ساعه وساعه سهلةٍ مـجرهده = القاعده يمناه مـن تحت الأسلاك

يم الحفر نارد ونشرب بعده = نافل علي بالمــــرجله لاعدمناك

اوصل لي المكتوب وايضا ترده = ياساعيٍ بالخير هذي هــداياك

مــــن يد هابس يم نافــل بيده = لا يطًلُع بالخط هـذا ولا ذاك

البيت واضح بالوزن مـــن مشده = متكتكٍ بالقافيه خوش تكتاك

وقله قريحتنا غلا مسـتعده = واسـلم وسـلم عد مـا سارت اخطاك

الشاعر/ هابس العلوي

*****

*****

من طيب ساسك ومرباك

***

هذه القصيدة الآتية قلتها رداً على قصيدة الشاعر/ هابس العلوي السابقة:

حي الكتاب وحي من قال وده = وحييت يا مرسول قرمٍ به أوصاك

يا مرحبا بمرسول رجلٍ نوده = حياك يا المندوب ربي وبيّاك

ترحيبةٍ ما هي مواجه وجده = من خاطرٍ صافي وواثق ما هو شاك

وخطٍ حملته دوك بالحال رده = للي عطاك الخط وده وقل هاك

وإلى خذيته موتر الخير قده = يمة مغيب الشمس لا هنت ممشاك

إلى القصيم لهابس اليوم رده =عسى السلامه بالسفر تتبع اخطاك

وعطه الجواب مناوله دون صده = وجهاً لوجه مباشره من محياك

وإن كان ما يعجبك موترك هده= وخذ لك جديدٍ من وكالة كديلاك

ما خاب ظني فيك شده وقده = على البديهي ارتجالي ولا اعياك

تسلم أفكارٍ تحسن اتقان عده = شعرك درر مثل الجواهر وأنا أفداك

من عيلمٍ ما أحدٍ يسد بمسده = استاذ القصيد اللي إلى ابدع به ارضاك

شعرك خطير وبه صلافه وشده = واللي يشوفك من قريب يتهاداك

تبقا وفال اللي يعاديك غده = يا طيبٍ من طيب ساسك ومرباك

الشاعر/ نافل علي الحربي

*****

*****

ومن قدم المعروف يجزى بمثيله

***

الأبيات الآتية للشاعر هابس العلوي، قالها بمناسبة عودته إلى منتدى قومه، منتدى قبة، الذي هو أحد أعضائه، بعد غيابه عنه فترة معينة، ثم عاد إليه، وجعل أول مشاركةٍ له بعد عودته هذه القصيدة، التي تتسم بسمات الوصف والحكمة، التي أهم ما في مفادها أن المرء لا يجد مقام نفسه وقيامها وقوامها إلا حين يكون مقيماً بين قومه وذويه، الذين هم أصله وفصله، والذين يشكل معهم جزءاً لا يتجزأ من النسب الكل، هنالك يعلم أن المرء بنسبه وحسبه لا بذهبه، ذلك النسب المتمايز أسرياً، المتضامن اجتماعياً، السائد على خارطة الوجود حيزاً جغرافياً معروفاً له حدوده وأبعاده، وهذا هو نص قصيدة الشاعر هابس العلوي بالحرف الواحد:

المحترم يفرض علينا احترامه = ومن قدم المعروف يجزى بمثيله

وكلٍ منادى باسـم ابوه وعمامه = والرجل يفخر بالأهل والقـبيله

وقولة نعم تبقى وسـام وعلامه = ينالهــا الرجال ناتج حصيله

والكل بالاعضا رفيعٍ مـــقامــه = عرفة وفاء بين العميل وعـميله

والمنتدى الشامخ عرف بالتحامه = موروث طبعه من ليالٍ طويله

ويا أحبابنا عدنا لكــم بالسـلامه = ونقيت من جزل المعان الجزيله

الشاعر/ هابس العلوي

*****

*****

أخو المكارم والمزايا النبيلـه

***

فلما نزلت هذه القصيدة بمنتدى قبة باسم شاعرها هابس واطلعت عليها، أعجبتني، فجعلت مروري لها قصيدةً رداً عليها، فقلت الأبيات الآتية:

حييت يا عضوٍ رفيـعٍ مقامـه = أخو المكارم والمزايا النبيلـه

مطلوبنا يحضر ويبقى دوامـه = من بيننا في كل يـومٍ وليلـه

والحمد لله بعودتك بالسلامـه = عقب فقدناكـم ليـالٍ طويلـه

لابتك بموفور القدر والكرامـه = تستقبلك يا ابن كرام الفصيلـه

وعسى جديدك يرسم الابتسامه = يثير إعجاب متابعين الفضيلـه

كعادتك حول الشيم والشهامه = ما تكتب إلا النادره والجزيلـه

الشاعر/ نافل علي الحربي

*****

*****

بلا حدود وقياس

***

هذه الأبيات ترحيبية قلتها بمناسبة انضمام الشاعر المعروف نايف بن سلمان الغتر إلى هذا المنتدى اليوم، فهي موجهة إليه:

حييت يا ضيفٍ عزيزٍ علينا = نايف ولد سلمان والغتر له ساس

لنا الشرف ينضم مثلك إلينا = وجود مثلك مكسبٍ فيه نوماس

حنا على حب الجماعه ربينا = ونشفق على اللي قربهم يرفع الراس

وش زينها لا انضم معنا حدينا = يا خال نرحب بك بلا حدود وقياس

شعر/ نافل علي القمامي الاثنين 5 /8/ 1430 هـ

*****

*****

ما دخل فيه وسواس

***

فيك البقاء يا من عشانه لفينا = من قلب صادق ما دخل فيه وسواس

صافي00ولو تطلب اكبارٍ عطينا = تبشر بها لو دونها قطع الارماس

الشاعر/ نايف بن سلمان الغتر

*****

*****

ويفهم العلم معكوس

***

هذه القصيدة للشاعر/ نايف بن سلمان الغتر، ولي بعدها قصيدة مساجلة لها:

رادار فــكـــري يــــــا بــوتــركــي تــغــيــر = والبرمـجـة فيـهـا دخــل نــوع فـيـروس

سـبــب خـلــل وانـــا احسـبـنـه مـسـيــر = يمسي ولا يصبح به السـم مدسـوس

لرجـلـن هقـيـت الطـيـب فـيــه وتـخـيـر = عـن هقـوتـي دربــن يخلـيـه مـديـوس

مــن موقـفـن شـفـتـه بعـيـنـي مـضـيـر = علـى فعولـن دونهـا تقطـع الــروؤس

مـتـمــاديــن فــيــهـــا وفــيــهـــا يــعــيـــر = مـن رافقـه لـوهـو نظيـفـن ومـحـروس

لابــــد مــــا يـخـطــي طـريـقــن امـقـيــر = ويمسك طريقن فيه رقـلات وطعـوس

هــــذا قــــراري فــيـــه واحـــــذر تـحــيــر = الوضـع مـا يحتـاج دارس ومــدروس

عـطـنــي نـصـيـحـة وانـتـبــه لا تــذيــر = الضرس يقلـع لا بـدا بداخلـه سـوس

والــعــلــم لــلــعــراف واضــــــح ونـــيــــر = أسهل على ما قيل من سنة الموس

وإلا الـغـبـي جـاهــل وعـقـلــه صـغـيــر = تعطيـه عـلـم ويفـهـم العـلـم معـكـوس

هــــذا ولأنــــي مــــن مــداهــم قـصـيــر = ابدي المشورة خوفتي شرهت نفوس

عــلــى رفـيـقــن فـزعـتــه لــــي تـســيــر = دالــوب سـيـرن فـيـه رمــان وتــروس

شعر/ نايف الغتر

*****

*****

ويفداك هدروس

***

وهذه هي المساجلة التي ساجلت بها قصيدة " ويفهم العلم معكوس " السابقة، للشاعر/ نايف الغتر:

قـيـلـك يـــا أبـــو سـلـمـان شـيــكٍ مـجـيـر = لأمـر الذي يـبـي كلامٍ ولا فلوس

يـا نــيـرٍ مـا يـشـبـهـه كـل نـيـر = عـلـم شـعـر شـعـره مـهـذب ومـدروس

لـقــيـت فـي نـظــمـك دلـيـل لـتـخـيـر = وخصـب خيالـك قابلتـنـي لــه اعـسـوس

أمـا الـرفـيـق الـلـي بـغـيت وتـذيـر = مثل القريص اللي مع القرص ملموس

رعى الرداء مـا يـنـتـواسا بـخــيـر = ما لك وما له دام هو صاحب انجـوس

ودك هــــو وشـكله ضـحايا الـمـقـيـر = علـى السريـع بغفـلـة الـنـاس مـدعـوس

كنه على شين الطبايع مضير = أو ان سحره لشين الأطباع مدسوس

شعر/ نافل القمامي

 

 
217-  اشوف ناسٍ بالمعرفه دراويش

***

اشوف ناسٍ بالمعرفه دراويش = يلعب عليهم كل راعي رديه

بالمعرفه فيهم رداوه وتشويش = يغلب عليهم طابع الجاهليه

من اول نقول لعادي الناس ذا ديش = وأثر الدياشه في جميع البريه

صحيح في وقت اللوازم مداغيش = لكن بلاهم قلة الألمعيه(1)

الحاشية:

(1)- الألمعية: حِدّة الذِهن، المهارة العقليّة، الفِطنة 0

****

****

218-  اهل الردا ما قيل راحو ولا جو

***

احدٍ يقظ واحدٍ عن الفهم دوه = يقول انا فاهم وهو كنه البو

ما فيه لا غيره ولا به حموه = وتعلمه بالعلم لا شك هو هو

يا اللي تقول القول بالفعل سوه = قولك سمع لا شك مع قولته سو

الحر ما ترقا مراقيه بوه = والكل منهم له أماكن وله جو

الرجل في زين الفعايل يفوه = واهل الردا ما قيل راحو ولا جو

****

****

219-  الله لا بعث رديين الأخلاق

***

الله لا يبعث رديين الاخلاق = اهل الطبوع المحرجه والممله

كل طبع فيهم لو تبي يليق ما لاق = وكل راي منهم منحرف عن محله

هراجهم كما يقولون هلاق = مثل الذي قول العرب يستغله

يقول أنا راعي ولا عنده نياق = ولو قال ما عنده من البلّ بله

****

****

220-  يا غافلٍ عن كل قولٍ تقوله

***

يا غافلٍ عن كل قولٍ تقوله = وعن كل فعلٍ تفعله في تعاملك

هاذي أعمال الشخص بالناس حوله = اعرف بها مرعي حلالك وهاملك

خلك التواضع فيك مع جوله = ومع كل منصب لا يتغير تحملك

ومع كل شخصٍ لو يخالف ميوله = وخلك نصيحٍ مع مديرك وعاملك

عملك ميز في  قداه وحلوله = عن الخطايا لا تخلي تأملك

وارفع مقامك عن مقام الثعوله = رعا الردا بفعل الردا لا يزاملك

****

****

221-  بعض العرب ما يعطي النقد باله

***

بعض العرب ما يعطي النقد باله = ياطا على المنقود ما فيه غيره

ما يعلمه نقد العرب من اهباله = ولا ينبه من سوء فهمه ضميره

ما ادري يتجاهل او بعقله جهاله = عن الخطايا ما يجنّب مسيره

عنده سوا فعل الحرام وحلاله = بوطي الخطايا من اللمم والكبيره

يقضي حياته غافلٍ عن خصاله = عن المعاصي ما يطاوع نذيره

يبين منضوح الجهل من مقاله = الكذب معرفته وساس تعبيره

****

****

222-  بعض البشر طيبه ما دامك قباله

***

بعض البشر طيبه ما دامك قباله  = ولا غاب غابت عن وطاه الرجوله

سربوت سر ويدعي بالرجاله = انا اشهد ان طيب الرجاله ما هوله

ما دام ما هو من رجال الشكاله = اهل الشرف والطايلات الحموله

اللي لهم هيبه ورأي  وبساله = وذكرٍ مع الأجناب كلٍ يقوله

عند الربايع يلتفت في اظلاله = ويم المجالس دوم تقرع انعوله

ما يعرف الا الثرثره والنغاله = والهمز هو واللمز قمة ميوله

الطيب ما هو بس طيب السلاله = الطيّب اللي طيباتٍ افعوله

كم من نزيهٍ كاملاتٍ خصاله = يرفع عن الهفوات  فعله وقوله

ما شيٍ إلا زبدته في كماله = ولا خير به لاعاب عرضه وطوله

****

****

223-  الشهر تعرف بديته من هلاله

***

الشهر تعرف بديته من هلاله = ويقال هذا الشهر هذا دخوله

والرجل تعرف نيته من خلاله = راع المطيه ما تغرك ذلوله

الى بدا يكرب عليها احباله = تظهر علامات السفر من احموله

يا صاح صلّح نيتك بالعداله = حاسب ضميرك عن خطاه وميوله

ترا الخطايا من نوايا الضلاله = لو ما فعلت الجرم يكتب قبوله

ترا الممنح ما يخلي حلاله = رعا العدوله ما يخلي العدوله

****

****

224-  مَن لا اتخذ مِن دِين الإله برهان

من لا اتخذ من دين الإله برهان = دليل شرعٍ ينفعه في جوابه

يترك على رغبة مباغيه الايمان = ومن بعدها تصعب عليه الانابه

يخطي ولا يسلك مساليك الإحسان = ويضيع عن درب الهدا والرتابه(1)

كم من هقاوي هاقيٍ رمي نيشان = متساويٍ فيها الخطا والاصابه

لا تقضي الحاجه ولا ترفع الشان = لا هي على صيده ولا هي حرابه

الاجردي ما يفيض سيله بفيحان = ولا البشوك تورد مع جواد اللهابه

الحاشية:

(1)- الرتابة: الطريقة النظاميّة، الثبوت والاستقرار في المكانة وعلى الأمر  0

****

****

225- للشخص خصالٍ في هداه أو ضلاله

***

للشخص خصالٍ في هداه أو ضلاله = اما لرفعه فوق وإلا لنزوله(1)

يا اخي ترا بعض خصالك عباله =  تفسد بعضها عن عمل كل طوله

اعرف خصالك كلها للثماله = لا تصير خبلٍ كل ما فيه زوله

الرجل عقل وعرف في كل حاله = في نيته ما هو بعرضه وطوله

في نيته يكمل وتصلح خصاله = يوم الحساب وعند ربه مثوله

والعقل هو حرزه وقمة كماله = عن الخطا والعيب يصغي ذلوله

ترا النوايا هي دوافع أفعاله = بتعامله مع كل من صار حوله

الحاشية:

(1)- خصال الإنسان: جمع خصلة، وتكون فضيلة أو رذيلة، وهي كثيرة، ومتضاداة، فالحميد منها ضده الذميم، مثل الصدق وضده الكذب، وتسمى الأخلاق، مكارم الأخلاق، ويطلق عليها صفات الإنسان 0

****

****

226-  النفس لا كبرت على العقل عله

***

النفس لا كبرت على العقل عله = تمشي بطريقٍ عقلها ما يريده

على الهوا تمشي بأمورٍ مخله = معاصيٍ عن طاعة الله بعيده

تتبع هواها بالأمور المضله = لو كان ما هي من الهوا مستفيده

لو كان تدري بالخطا تستغله = من ضعفها باللي تريده عنيده

قو الإراده عندها في خله = عن العمل متعطلٍ ما يجيده

تقود راعيها على كل مله = ما هي على صدق العمل والعقيده

تترك طريق الحق لو هي تدله = اللي رضي رب العباد  لعبيده

****

****

227-  المرجله ما هي سوالف دياوين

***

المرجله ما هي سوالف دياوين = اللي بها يسمع صهيل الثعاله

اللي عن أفعال المراجل بعيدين = ما همهم فعل الحرام وحلاله

المرجله تعرف من الحكم والدين = والبعد عن درب الخطا والضلاله

بعض العرب طيبه ما دامه على العين = ولا غاب به بدرب المجون انحلاله

ما الناس واحد في جميع الميادين = لو هم سوا بالمجالسه والزماله

مَن ما عرف قدره بعرف القوانين = مثل الذي بالعلم علمه لحاله

****

****

228-  أنواع المكارم في عددها عديده

***

أنواع المكارم في عددها عديده = والعيب في نوع الخصال وعددها

ومن ما عرف كل الخصال الحميده = كما يقول القول من عند يدها

واللي اهتمامه بالعلوم المفيده = مَن جد في سير المساري حمدها

ما هي على مَن شد حيله بعيده = وكل نفس محصولاتها من جهدها

والنفس عن طرق المكارم عنيده = وبذراتها شرٍ على مَن حصدها

ما يهينها غير الشجاع الوليده = اللي الى ضعفت لشيٍ لهدها

وتهين مَن طاوع لها بما تريده  = اللي الى سارت لشيٍ لكدها

****

****

229- الحظ  لَا منّه بدا به تردي

***

الحظ لا منّه بدا به تردي = سلّط عليك خبول بعض الجماعه

اهل حسد واهل ضلال وتحدي = وقطاع رزقٍ للرفيق بقطاعه

تصبر تبي ما يجيك منهم يعدي = وابو الطبايع ما يخلي اطباعه

لو أنت تعاملهم على شكل ودي = ومقامهم بالطيب ترفع اشراعه

رجالهم عن ما تريده يصدي = ويجزاك عن طيب العمل باللكاعه

طريقهم يم السنع ما يودي = لا ما تحوّل صار فيه انقطاعه

****

****

230-  بعض الرجال خبيل ما له مراويح

***

بعض الرجال خبيل ما له مراويح = عند العرب مثل الصخيل المبايت

ما له هوا بفعل النشاما الزحازيح = اهل نفوس للمراجل تهايت

ينام عن خير العمل خامد الريح = خسارةٍ به قولتك قود نايت

نامت على قلبه عراض الصلافيح = دامه يمر بكل معروف فايت

****

****

231-  ما ادري مرض أو عقدة الجاهليه

***

الله لا يجزا هل الحِسْد بالخير = اهل النمايم والعلوم الرديه

اللي على الطيب اعداةٍ مناعير = والطيب فعله ما لهم فيه نيه

قطاعة الأرزاق حسادة الغير = اللي بهم من كل عوجا سجيه

بعرض الرفيق يلفقون المعايير = ولا احدٍ ذكرهم في علوم الحميه

بكبودهم من مدح الأدنين تأثير = ما ادري مرض أو عقدةٍ الجاهليه

****

****

232-  الصدق تصلح به جميع المزايا

***

الطيب ما هو سالفة عطني ودوك = الطيب بالأخلاق قبل العطايا

الناس لو تملك ملايين وبنوك = ما ارضوا قرايبهم ببعض الهدايا

الطيب ما يصدر عن اهداف وشكوك = دوافعه صدق العمل والنوايا

حذراك طيب الوجه والقلب صعلوك = الطيب بتقوا الله وطيب السجايا

صدق النوايا يا اهل العرف مبروك = الصدق تصلح به جميع المزايا

****

****

233-  صار الطلب لاهل الردا والهكارا

***

الخيل تركت وتركو اهل المروه = وصار الطلب لاهل الردا والهكارا

تسهلت لاهل الردا دون قوه = ضعاف النفوس قريبين المدارا

وصعبت على رجال الفخر والحموه = اهل الأفعال الطايلات الغيارا

واشوف وقت اليوم مغبَرّ جوه = وكن الأمور تسير به بانحدارا

يا حيف ليه الصدق وجهه مشوه = والناس بالأكذاب قامت تبارا

****

****

234-  دنياك هاذي يا ابن آدم ثقيله

***

دنياك هاذي  يا ابن آدم ثقيله = احذر توهق ثم تطيح بنحرها

دولاتها مثل الشعيب ومسيله = لا تنام وأنت بمنتصف منحدرها

وترا لها ناسٍ اخباثٍ عليله = لازم تعرف دروبها وتحذرها

أصحاب شر وضر واهل رذيله = عمي البصاير عيبها في نظرها

المعرفه ما تدوم معهم طويله = لا بد ما ينكث بها ويغدرها

اعرف لها واعرف لمن تستوي له = واقصر أمورك دونهم واختصرها

عليك باللي يتبعون الفضيله = اللي ينومس فعلها من ذخرها ​

****

****

235-  خلك أديب ولازم الاستقامه

***

دنيا الفِتن من آدمٍ للقيامه = احذر تسبب فتنةٍ من افتنها

ابليس خله نايمٍ في ابلامه = ترا مزاميره خطيرٍ لحنها

بعض التجاره ربحها بالسلامه = ما كل فرصة مثمره في ثمنها

وبعض احتفالات الهياط المقامه = انصحك ثم اوصيك بالبعد عنها

لا تحترم من ما يجوز احترامه = بعض الأوادم لا تقيم بوطنها

خلك أديب ولازم الاستقامه = والناس جاملها بما جاك منها

****

****

236-  يا ليت عندي مِن الدراهم ملايين

***

يا ليت عندي من الدراهم ملايين = ولا احتجت ما ادور من الناس سلفه

ولا تحدني الحاجه على الناس والدَين = واسحب واسدد كل مطلب وكلفه

وامشي واتزوج من البنات المزايين = اللي بهن ميزة تحمال وألفه

لا والله مَن يترك ايتامٍ مساكين = ورملاٍ يخليها مع أطفال خَلفه

ياشينها للي وصل حول سبعين = إلا لمَن هي عانسٍ دون خِلفه

****

****

237-  طبع الزعل ما فيه غير الندامه

***

بعض الولاه يكسرون القداحين = الله يكفينا الجهل والعتامه

أكثر فعايلهم من الحِسد والشين = والباقيه قلة اسنوع ورخامه

مَن يظلم الأدنين ويخالف الدين = بالآخره لا حلل الله اعظامه

ومخافة الله في جميع الميادين = عز الحياه وعز يوم القيامه

ودرب الغضب يعمي قلوب الغضيبين = ويجنب الغاضب دروب السلامه

كفو ايديكم يا الولاه الزعولين = طبع الزعل ما فيه غير الندامه

****

****

238-  بعض العرب مبتليه العيب

***

بعض العرب مبتليه العيب = ما الله منه مطلق ايساره

توجه مع طريق الطيب = وإلى مشا حطه يساره

ما ينفع اللوم والتانيب = بالشخص لا عميت ابصاره

لو يفحصونه هل التاديب = حطو على الفهم دواره

****

****

239-  ودي اسوي بس ما هي على الكيف

***

ودي اسوي بس ما هي على الكيف = بعض الأمور بكيفنا ما تسوّا

ما هي على حسن معرفه وتصريف = بالعكس تمشينا وحيل الله أقوا

أيامنا تسوي لنا شكل تعنيف = دروبها عن ما نريده تلوا

يا ما نواجه من احباط وصواديف = منها الهقاوي ثابطه ما نتهقوا

ما غير رجا رزاق خلقه بلا حيف = بلا عقل تبحث وتلقا وتقوا

****

****

240-  بيت الشَعر بيت الستر والحموله

***

احن لبيوت الشَعر كنها هضاب = إلا اذا كان الخيام معزوله

الخيام لو تبنا على عمد وأطناب = بيت الشعر بيت الستر والحموله

بيت الشعر يبنا على الستر بحجاب = اقسامه على الدِين الصحيح معموله

فيه النساء ما تخالط رجال وأجناب = وفي رفته حقوق الضيوف محفوله

****

****

241-  يا غافر ذنوب الخطايا والآثام

***

لاجل الرواتب ننتظر نقص الأيام = والعمر ينقص حسب نقص الليالي

نعد نقص الوقت بحساب الأرقام = والعمر يتلي له من النقص تالي

يا رب ثبتنا على دين الاسلام = واجعل لنا قدرٍ برحمتك عالي

يا غافر ذنوب الخطايا والآثام = اغفر لنا يا واليٍ كل والي

****

****

242-  بعض البشر مِثل الجربوع المخورم

***

بعض البشر مثل الجربوع المخورم = كل ما يحط رقم لجواله يخليه

وإلا مثل طبع هاذيك المهورم = كل يوم تلفق في دنوعٍ وتشليه

وبعض العمل للكبد يدبل ويورم = وتكره جميع الناس كل مَن يسويه

****

****

243-  ما صحت الأديان إلا بالأبدان

***

ما صحت الأديان إلا بالأبدان = الدين يوجد بالعقول الصحيحه

والمعرفه والصدق للحق برهان = والحجه اللي مخالفتهم جريحه

ما تنقبل بكل الشرايع والأديان = وأصحابها من أهل الخصال القبيحه

من سار مع دربٍ يجنبه الايمان = لو ارتفع لا بد له من مطيحه

من لا اتقا شر المخاطر بالاحسان = انما وقع مترديه هو نطيحه

****

****

244- بعض البشر يلحس عقول الشياطين

***

اعوذ بالله من أخلاق اللهيدين = اللي خواطرهم دوامٍ عليله

بعض البشر يلحس اعقول الشياطين = لو شافه الشيطان ضيع دليله

أقشر ولا ينفع به الطيب واللين = ومن وين ما حاولت ما فيه حيله

خبيث طبعٍ مذهبه والنبا شين = بالخبث بالعادات راعي طويله

له بالحيل والكذب سبق وبراهين = مجنبٍ سبل الهدا عن سبيله

****

****

245-  كل البشر بالهرج تطحن رحاها

***

كل البشر بالهرج تطحن رحاها = لا شك ما كل الرحي تطحن حبوب

كان الرحا النيه ونسمع لغاها = شوف الرحا في داخل الظن مطلوب

الهروج واجد والنوايا وراها = وبعض النوايا كلها خبال وعيوب

سبحان من عنده كتاب بخفاها = جميع سر بنية العبد مكتوب

والنيه الحسنه هداها بقداها = والنيه السيه سبب كل عذروب

وحسن الظنون يورط اللي نواها = والحذر ياقا من غدر كل مصحوب

 

 
186- أمر وأدها بالخيانه من الذيب

***

انا علامي ما اقدر اسكت على العيب = وبعض البشر يغضي عن العيب بسكات

يا رب ياللي خالق العيب والطيب = وبصرتنا بالعيب والطيب بآيات

سلط على اصحاب الحيل والالاعيب = اللي تسوي بالطريق المطبات

اللي تفرّق بين جمع الاصاحيب = وتعد انفسها من اصحاب المهمات

امر وأدها  بالخيانه من الذيب = ومن الثعل بالمكر فيها لعانات

****

****

187- قبل ياصلهم ينقسم فيه فرعي

***

لقيت دربٍ للضعف والسكانه = يمشي به اللي ما يعرف شي شرعي

يقصر عن المعروف به والامانه = قبل ياصلهم ينقسم فيه فرعي

****

****

188- رعا الخفا يضحي ضحية خفيه

***

يا مسوي المعروف بالناس حذراك = اعرف أمان الشخص واعرف نويه

من خان ربه بالخيانه تهقواك = ورعا الخفا مثل غريب الهويه

ولا صرت ما تعرف من أدناك لاقصاك  = تخفا عليك أهل النوايا الخفيه

ولا لك عليهم حق لاخفيت قصياك = رعا الخفا يضحي ضحية خفيه

****

****

189- مَن لا أنكر المنكر فلا به رجوله

***

مَن لا أنكر المنكر فلا به رجوله = هاذاك عده من حساب الاناثي

وبعض النساء فيهن على البعض طوله = فيها شجاعه وهو من الخوف جاثي

ما ينفع إلا كان تنفع انعوله = وعند الرخا وسط المجالس يثاثي

يعل وجهٍ ما تنومس  افعوله  = يحثا عليه من أنعم الطين حاثي

****

****

190- ماني وبعض الناس بدرب وحبايب

***

ماني وبعض الناس بدرب وحبايب = ما بيننا ببعض المسايل محبه

هو يعتبر رايه ولو كان خايب = وانا ما احب الراي إلا بمذنبه

اللي مع الانذال وأهل المعايب = اكره افعوله واستحي من مطبه

مَن ما تجنّب كل خايب وعايب = ما يتقي شر الخطا والمسبه

وما دام ما خلا دروب اللعايب = لا بد من تلحق عليه المغبه

****

****

191- حذراك شيء يزعل الناس حذراك

***

حذراك شيءٍ يزعل الناس حذراك = ما لك  للناس تبحث خفاهم

الناس في كل المهمات شرواك = واللي يجيهم بقوة الفعل واهم

كانك تحدا الناس مثلك تحداك = يغدر بك اللي ما ضرا للتفاهم

****

****

192- اعرف خصال الشخص تعرف مقامه

***

اعرف خصال الشخص تعرف مقامه = وإلا المظاهر في بعضها خديعه

كم من خسيسٍ يدعي بالزعامه = وهو داخليه به فتوقٍ وسيعه

وكم من وسيمٍ يخدعك بالوسامه = متمكيجٍ مثل خطاة المذيعه

يعجبك زوله بالشكل والضخامه = وهو لمعةٍ مثل سرابٍ بقيعه

وكم من بليدٍ للمجالس حمامه = ضعيف بخصٍ للمجالس صنيعه

ما يدري وش السالفه من النمامه = يشريه جيّاب العلوم ويبيعه

****

****

 

193- بالك تخلي مدخلٍ فيك للاه

***

يا العبد ربك لا تفرط بتقواهخلك معه بالثانيه والدقيقه

بالك تخلي مدخلٍ فيك للاه = يدخل عليك من الملا مع طريقه

واللي معه رب الملا ما انت وإياه = تقصر يدينك ما تحدا الحقيقه

الصدق نورٍ للخلايق ومنجاه = والكذب غيبه تبتلش ما تطيقه

****

****

194- يا ما تخطتنا الخطايا من اللاش

***

لو كل زلة خبل تحرق لنا جاش = ما شفتنا نمشي على الارض ونعيش

يا ما تخطتنا الخطايا من اللاش = بلا سبب ونغضي اغضاي الدراويش

ما هي بساعة هوش هايش وهواش = يوم العذارا يرفعن اللواليش

سوالفٍ سهمة مغاليل واوباش = اهل العلوم الخايبه زمرة الطيش

حنا مراجلنا نظيفه كما الشاش = مجدٍ نقيٍ ما دخل فيه تشويش

يوم الظفر دون المكارم والأدباش = بكسب الطوال وجدعنا للمداغيش

****

****

195- ما فيه غير الصدق إلى الله مزرق

***

الكذب راع الكذب خاين وبواق = ولا يصدقه غير الختوش الدبهرق

ما يدري انه تال الوقت ينعاق = لا صار درب الكذب للناس مغلق

في ساعةٍ يسكت بها كل هلاق = ويعرف بها عن درب غيره ويفرق

لا انسد درب الكذب ما معه مزراق = ولا فيه بغير الصدق الى الله مزرق

في ساعة تجف بالحلق الارياق = وراع الكذب يغص بريقه ويشرق

****

****

196-  خلك حكيم تميّز الفعل والقول

***

لا تطيع خبلٍ ما يقدر مشاعرك = تراه يسترحلك في غير معقول

ما به من الله خوف حتى يوفرك = ولو قلت خذ هالشوف يقول مقبول

مثل الطفل ما يدري انه يحقرك = جاهل وكل ما يفعله معك مجهول

ما يحس بالرحمه الى هان خاطرك = ما هو عن افعاله مع الناس مسؤول

قرر أفعالك ما احد غيرك يقررك = واعرف ترا بالناس ضايع ومبدول

والخبل ما قدر مقامه يقدرك = خلك حكيم تميّز الفعل والقول

****

****

197-  يا اهل الزلات يا عمي البصيره

***يا اهل الزلات يا عمي البصيره = وش بلاكم ما لكم بالصدق هِمه

الجهل والكذب معروفٍ مصيره = كلهم عند العرب كلٍ يذمه

والصدق لله مع نظف السريره = مسلك اللي بالخفا يدرا المذمه

ما يعرف الحق مَن يعما ضميره = مع طريق الصح ما يودي مهمه

مخالفٍ فعل المكارم في مسيره = الصحيح بصوب وأهدافه بيمه

****

****

198-  سواة من بالهلك ضيّع ذلوله

***

يا الطيّب الصادق إلى شان خاطرك = لا يحرجك قول الكذوب وميوله

ترا الكذوب اللي بكذبه يناورك = حل المشاكل يختلف عن حلوله

يضيع الحجه الى جا يحاورك = سواة من بالهلك ضيّع ذلوله

ما له نصير وقولك الحق ينصرك = لا ينفعه فعله ولا يفيد قوله

****

****

199-  الدين لفعل الحق وجهه وتوجيه

***

الناس ما تحكم على غير بيّن = ورعا الخطايا ما يعلم بطاريه

الناس تحسب خافي الفعل هيّن = وفعل الخيانه بالخفا وش تسميه

رعا الرديه يا اهل العرف بيّن = تشوف بغيرك بالخيانه مواريه

يا اللي تبي لفعل الخفايا تزين = فعل الخفا تورد جهنم مماشيه

ما لك عذر يا مخالفٍ للتدين = الدين لفعل الحق وجهه وتوجيه

****

****

200-  الطيب كله بالنوايا محله

***

الطيب كله بالنوايا محله = ويعرف بتصريف الفعل والأقاويل

بعض النوايا للمراجل مدله = وبعض النوايا للمراجل معاويل

فعول المراجل دربها ما يدله - إلا الذي عنده دليل التفاصيل

العرف والمعروف حاويه كله = عرفه دليله ما يغيره تضليل

يمشي على سلوم العرب بالادله = ما غيره عنها مصالح وتطبيل

يصبر على قسا الزمن ما يمله = مهما حصل له في طريقه عراقيل

****

****

201-  يا كبرها يا عبرها من بلاوي

***

اللي يحسب ان الكرم بالقهاوي = غلطان يا أهل العرف ولا بالذبايح

الرجل الى من صار قلبه عماوي = يدرق بترحيب الوجه والمدايح

ما يدري ان الناس قصار الهقاوي = اهل كرم واهل فساد وفضايح

يا كبرها يا عبرها من بلاوي = من اللي يحطون الفضايح منايح

بعض المرض معدي ولا له مداوي = قالوه قبلي بالحكم  والنصايح

****

****

202-  لقيت راعي الصدق ما عنده اصحاب

?***

لقيت راعي الصدق ما عنده اصحاب = والفاسد الكذاب ما أكثر اصحابه

يا للغرابه من محبين كذاب = يا كبرها يا عبرها من غرابه

بعض العرب تترك تعاليم الاداب = وتتبع اصحابٍ معرفتها مصابه

اللي دليله في مهماته اغراب = الى الجيف تلقاه يتبع اغرابه

****

****

203-  الكذب ورانا النجوم القوايل

***

الكذب ورانا النجوم القوايل = كل ما هقينا بصاحبٍ صار كذاب

الكذب حيلة كل خاين ومايل = اللي تواليها يحدون الأنياب

الكاذبين اليوم هم الاوايل = هم الذي لهم مؤيدين وأصحاب

وهم الذي يحسب لهم بالمسايل = في كل قاله ما يسكر لهم باب

وتركو هل المعروف عيال الحمايل = وراع الوفاء ما عاد يحسب له حساب

****

****

 

204- أقول حسب عرفي وانا انسان خطّا

***

أقول حسب عرفي وانا انسان خطّا = والله على فهم الصحيح يهداني

بعض الأمور تسير تحت المغطا = لها اهلٍ ما هم من أهل البياني

ناسٍ على بعض المسايل توطا = يرضا بهم راع الجهل والهداني

يا كذبهم بالعذر للي يتعطا = ويا صدقهم لأكل اللحم بالصياني

مجموعهم فوق المعدّل تخطا = الله  يقطع فاسدين المعاني

****

****

205- احذر رفيقٍ ما يداوم على الود

***

بعض الأشخاص يخرب بهزله الجد = يومٍ يوخر بك ويومٍ يقدمك

اللي يبنيك بيد ويهدمك في يد = خل الذي لا زان مبناك يهدمك

احذر من اللي كنه الجزر والمد = يومٍ يسرك فيه ويومٍ يندمك

احذر رفيقٍ ما يداوم على الود = اخاف من يومٍ إلى ازعلته اعدمك

****

****

206- دنياٍ بها للمعرفه بِين وإشكال

***

دنياٍ بها للمعرفه بِين وإشكال = علمٍ علينا صعب وعلمٍ نعرفه

ونعرض عن المخطي ونسمع من الدال = ومن كل خطا نكسب فوايد معرفه

تجارب الغلطات فيهن تحوال = وكل إكتشافٍ نعرفه في طرفه

ومن لا تعلم ما تعلّمه الأقوال = يخطي ولا له في خطاياه صرفه

يزول عمره والجهل عنه ما زال = مثل الذي ما له مع الناس حِرفه

****

****

207-  مَن تبع هدي الشريعه ما غدا

***

يا ابن آدم ما بهالدين مفيد = إلا ما يفعل على علم وهدا

الهدا يقداك للعلم الأكيد = من تبع هدي الشريعه ما غدا

يضيع من هو عن هدا ربه بعيد = يقضي عمره بالضلاله ما اهتدا

وخل طبعك دايمٍ سمح وحميد = واحذر التوهات وعلوم الردا

ولا تصادق كل تواهٍ مريد = تتوه مثله ما توافق للقدا

****

****

208- يا عل بيتٍ ما يشيد على الطيب

***

يعل بيتٍ ما يشيد على الطيب = ينهد بنيانه ويضحي مطوا

لا صار ما اهله للمكارم معازيب = ولا صيتهم بين القبايل يدوا

يوم المراجل بالمراجل غلاليب = يسوون مجدٍ بغيرهم ما يسوا

كم طيبٍ لكن قريّب محاظيب = وعند اللوازم عن طلبك يتلوا

ولا له بما يرضي إله مقاضيب = ما يدري انه للضياع يتبوا

****

****

209-  من الشر ما يخفا على الله ذره

***

يا من غديت وصرت عبد لمعاصيك = ولا لك مع دروب الميامين جره

اترك طريق اللي على الشر قاديك = هاذاك خيره ما يلادي لشره

احذر صديقٍ بالضلاله يخليك = بعض الصداقه تاليتها مغره

يدلك على دروب الردا والصعاليك = دربٍ حلاته ما تلادي لمره

ميّز طريقك لا تغيّر مباديك = لا تضيع بين المنفعه والمضره

ان كان عند الناس كذبك يخفيك = من الشر ما يخفا على الله ذره

****

****

210-  ما يستوون اثنين صادق وكذاب

***

ما يستوون اثنين صادق وكذاب = الكذب يفسد بينهم بالعلاقه

ما يظن ظن براعي الكذب ما خاب = خوّان وبه عن وجهة الحق عاقه

ما يخاف من يومٍ به حساب وعقاب = قلبه عما بين الطمع والحماقه

ما حسّب لويلٍ وعد به بالاياب = يذوق به شيٍ يهينه مذاقه

يا ويل رعا الكذب لا مات ما تاب = من موقفٍ ما له بما فيه   طاقه

والصدق هو ساس الولاء بين الصحاب = والصدق هو ساس الوفاء والصداقه

****

****

211-  الطيب طبعٍ في هل الطيب دايم

***

الطيب طبعٍ بأهل الطيب دايم = سجيةٍ تبقا على غير تقصير

ما هو بطيب اهل الريا بالولايم = اهل الهياط مجمعين المسايير

الضيوف ما تعرف كروت العزايم = وقدم المصور واقفين طوابير

تقليدهم ما هو صحيحٍ ملايم = ما يجوز في علم الحقايق ولا يصير

ومهما تعرض لفعلهم كل لايم = ما يقبلون للحق ناصح ولا مشير

وصارت تقاليدٍ لعمي البهايم = اللي على دبكٍ يدبّك لها تغير

****

****

212-  بعض البشر مطلوبه انه يكدرك

***

بعض البشر مطلوبه انه يكدرك = يفرح عليك بكل نقص وخساره

وده الى شافك مكدّر يصورك = ليقول شوفو كيف صار اعتباره

من غل صدره وده انه يناظرك = ويفرح ضميرٍ منك وسطه حراره

وده يبهذل بك ووده يخسرك = ووده على ما تريد يحكم حصاره

اصبر وشل رد الخطا من تصورك = ورعا الخطا يلقا الجزا بانتظاره

****

****

213-  الله يقطع من اخلاقه رديه

***

الله يقطع من اخلاقه رديه = صبره ضعيف ويزعله كل حاجه

له نيةٍ ما هي على كل نيه = متخالفٍ رأيه وراعي المواجِه

لا يطيع شور ولا يصرف قضيه = ولا فيه عرفٍ في كلام المواجَه

يومٍ يسب ويوم يمدح خويه = أدنى طلب له يختلف به مزاجه

قرطاس برٍ يختلف في نويه = تغير تجاهه كل وجهة عجاجه

عقله سخيف وبه خطا وعنجهيه = ولا هو خلي بلا خبال ومراجه

****

****

214-  كبد الزعول الوارمه من زعلها

***

كبد الزعول الوارمه من زعلها = بلا سبب بالعكس ما تقدر الطيب

من عيبها تزعل وتوثر باهلها = وتحط بالحاضر جميع العذاريب

ما أكثر مشاكلها وما أكثر عللها = ما تنتقد ترك المشاريه والعيب

ويا شين في حل المشاكل جدلها = يحط في كبد المجادل لواهيب

ما تتقي يوم القيامه عملها = يوم السلاسل تجرها بالتلابيب

****

****

 

215-  طبع الردا باهل الردا ما يتغير

***

طبع الردا باهل الردا ما يتغير = رعا الردا بكل المسايل لعاوه

تشوف به ببعض المسايل تحير = وفي بعضها يظهر بنضحه عداوه

وعن العداله والصحيح يتذير = وكنه يحسب ان المراجل عشاوه

وحبله عن أفعال المراجل قصير = وعن ما يطوله فيه ضعف ورخاوه

****

****

216-  المدح يجرّم بعض الأحيان راعبه

***

بعض الكلام اللي من الناس تلقيه = يضيّع اللي جاهلٍ يعتني به

منه الاعلام تزين اللي توديه = وترفع مقام اللي سخيفٍ تجيبه

فيها  الصحيح تزيد به عن مجاريه = والزود عن حد المشرع يعيبه

والمدح يجرّم بعض الأحيان راعيه = ويجرّم اللي يسمعه يقتدي به(1)

فسّر كلامي واعرفه من معانيه = علمٍ يخلّص طالبٍ من طليبه

بالمختصر ما هي اكثار التراريه = بالسفسطه تستر على كل ريبه

الحاشية:

(1)- يجرّم صاحبَه: يجعل صاحبَه مُجْرِماً، أي مُذِنب، إذا كان في غير محله 0****

****

 

 

 
155- يعد نفسه من هل العرف والطيب

***

تدري وش يقوي فساد الخفايا = هرج الغشيم بمجلسٍ يجهل الغيب

وصمت الحكيم اللي سليم النوايا = ما معه لا سامعٍ ولا لقوله مجيب

يا ما ما تحت الساهيا دهايا = لكن على درب المذمات والعيب

يا جاهلٍ بالناس صنف ومزايا = لا تنخدع بطيب الوجه والتراحيب

كم جاهلٍ بالطيب وحل القضايا = ويعد نفسه من هل العرف والطيب

****

****

 

156- إلى بغيت خصله حميده من الناس

***

إلى بغيت خصله حميده من الناس = خلك قبل تشره عليها مِن أهلها

إلى بغيت العدل كن فيه مقياس = لا مالت نفسك للصحيح تعدلها

وإلى بغيت العلم كن فيه نبراس = والنفس خلّص فكرها مِن جهلها

ترا الردا والطيب بالخصله ايقاس = وعند الولي حساب الخصال وعملها

والخصله السيه تردك للافلاس = يوم القيامه خايبٍ من حملها

****

****

 

157- العلم هو نور العقول السليمه

***

بعض الرجال يسنعنه حريمه = مثل الخصي يتبع طريق الرعيه

ما فيه من معنى الرياجيل قيمه = لا فيه لا غيره ولابه حميه

ما ادري جهل وإلا جبانه مقيمه = لا يحل خلاف ولا يحكم بقضيه

العلم هو نور العقول السليمه = يخلي القلوب الميته تصير حيه

يرفع بيوتٍ عقب ما هي هديمه = الى هي من أشرف ما عرف بالبريه

تبنا على طرق الهدا المستقيمه = بالعلم وتصريف العزوم القويه

****

****

158- صار الوضع يزداد سو وبشاعه

***

حتى الرخوم اليوم حطت دياوين = وصارت تهوم الواسطه والشفاعه

صارت تكبر دون دنيا ولا دين = شر الجهل بانٍ عليها شراعه

تغيرت كل الحجج والقوانين = كلٍ يسوي حجته باختراعه

صارت تعد أهل الشجاعه مساكين = وابن السكانه امشمرٍ عن اذراعه

اللي على خبث النوايا امقيمين = يا علهم فدوة رجال الشجاعه

اللي على ما يرضي الله امعيين = أهل الحميا والشرف والبتاعه

تغيرت صبغة هل الزين بالشين = وصار الوضع يزداد سو وبشاعه

****

****

159- أبيهم يعرفون نيتي ولا يعرفون

***

بيني وبين البعض سوءة تفاهم = من اين ما ابيهم على الصدق يأبون

والحق ما هو من مقاصد هواهم = والعدل عن وجهة طريقه يصدون

ناسٍ تكتم ما اعرف ما بخفاهم = وابيهم يعرفون نيتي ولا يعرفون

عرف تقاليد العرب مستواهم = حتى ولو هي خالفت خالق الكون

صحيح من قال هالناس على عماهم = يدلون ما يدرون ويخطون هاللون

****

****

160- العلم نور وعكسه الجهل ديجور

***

ما ادري علام الناس ما تقبل الشور = اظنها ما تحسبه بمستواها

والعلم ما يبقا على حد مقصور = علم الخصال وكل شخصٍ يحواها

دام الجهل ظلام والعلم له نور = ليش الاوادم ما تعالج عماها

العلم نور وعكسه الجهل ديجور = يعمي البصاير عن أمورٍ تراها

واللي يخالف دين الإله مثبور = وعلمه كما نبح الكلاب وعواها

****

****

161-  هنيت من له خاطرٍ مسفهلي

***

هني من له خاطرٍ مسفهلي = يقضي حياته دالهٍ دون طوله

يمسي ويصبح غارقٍ بالتسلي = افكاره عن هموم العزيز معزوله

ما فيه ميزٍ بين دقٍ وجلي = عنده كما الوجهين بفية عموله

يعجز عن أفعال الهميم ويملي = ويتبع طريق العجز لاجل السهوله

بين الربايع بالمحيط المحلي = ويعدها مقام عز وبطوله

من بينهن مثل العديم المغلي = ولا الفعل هو فعله ولا الزول زوله

****

****

162- لا خير في راعٍ على غير قانون

***

يا اللي على درب الجهاله تسيرون = درب الجهل ما له بهالوقت داعي

الرجل له سمعه وله عقل وعيون = يحكم ضميره عن دروب الضياعي

تعلمو من دينكم ما تحفظون = نورٍ ينوّر ادروبك بالمساعي

عن ما يريد الله لكم لا تصدون = تعلمو مايجعل العقل واعي

تعلمو لأولادكم لا يضيعون = ترا الولد لما يفعل أهله يراعي

ولا بد عن كل ما فعلتم تسألون = وكل شخص عن ما تملكه ايديه راعي

ولا خير في راعٍ على غير قانون = ولا خير في قانون من غير راعي

****

****

 

163- هو والثقه بالغيب ما هم ولايف

***

لا شفت كسلانٍ مجمع سوالف = ابعد عنه تراه ما هو بمضبوط

تراه عن كل المراجل مخالف = كنه عن أفعال المصافيط مصفوط

هو والثقه بالغيب ما هم ولايف = ومن الكسل شنٍ على الدار مقروط

ما فيه عز وكل ما به مضالف = فرقاه خير وكل ما منه مغلوط

وش عاد لو هو بالمجالس يهالف = بالوجه رجالٍ وبالغيب خربوط

****

****

164- مَن ما عرف قدره فلا يقدر الناس

***

مَن ما عرف قدره فلا يقدر الناس = وتصرفاته بحق نفسه سقيمه

النفع هو والضر للرجل مقياس = مَن ما عرف نفعه وضره بهيمه

الرجل عنده ذوق وبه فهم واحساس = ويدرا العواقب من ضمير  وحشيمه

وتجنبه عن كل ما يحذر قياس = ياقاه من فعل الخطا والجريمه

والا تحت غيره  بالأقدام ينداس = ولاعاش بأعضاه العزيزه سليمه

 

165- بعض البشر عن بعض فيها اختلافات

***

وبل المطر ينبت جميع النباتات = لا شك ما كل النباتات تنذاق

ولا كل ولد على طريق السلالات = كم واحدٍ باير وكم واحد عاق

بعض البشر عن بعض فيها اختلافات = ما هم سوا في حسن الاريا والاخلاق

ما كل نواياهم سوا مستقيمات = بعض البشر مع درب الانذال ينساق

تحسن عليه وتذخره للمهمات = وتلقاه ضدك مع رديين الأعماق

****

****

166- قدوة حضور وفي غيابه فقيده

***

أشوف ناسٍ همها القيل والقال = وسوالفٍ ما هي لقلبي وديده

الله يكافينا من علوم  الأنذال = اللي عن دروب الحقايق بعيده

قلوبٍ عن علوم السنع دونها اقفال = ما منهم اللي يجيب جمله مفيده

تخوض بهروج على غير معدال = وعن ما يريد الرب منها بليده

المرجله فيهم عن علومها اهمال = يصدون عنها في أمورٍ عديده

ما ادري جهل والا مرض قلب وخبال = وإلا سعيّد كنه أخته سعيده

الرجل لعلوم الرجاجيل تمثال = قدوة حضور وفي غيابه فقيده

****

****

168- يا لقطة غليص يا بلشة هل التلعه

***

يا لقطة غليص يا بلشة هل التلعه = ابعد ولا ابيك لا شرك ولا خيرك

ناسٍ على ما يخفانا منك مطلعه = جابتنا نقل وافي عن تقاريرك

ما دام دعواك عن ما نريد منقلعه = دور على ما يناسب نوع تفكيرك

****

****

169- يصيدهم في كل مطمع ولذه

***

يا من لقلبٍ صار للعقل بذاذ = اشغل هواجيسه وفكره وبذه

فكري غدا عن بعض ما يراد شذاذ = به عن بعض ما يريده الناس شذه

واعد تفكيري على فهم وانقاذ = واحسب حسابه صالحٍ مع مشذه

بسم الذي ألوذ بحماه واعتاذ = عن كل ما يبغا ابليس بمهذه

حيث لخيله مع هل الغي هذاذ = يصيدهم في كل مطمع ولذه

****

****

170- خلك على درب المعزه حيادي

***

بعض البشر عن كل قانون غادي = هامل ونفسه ما يقنن سنعها

ما له نظر بالمعرفه والمبادي = وكل لقمةٍ يقدر عليها بلعها

يقول المثل ما ينفعن الدوادي = والسوق لا ما طاوعت معك طعها

وخلك على درب المعزه حيادي = وانصح لها مَن يجهل يصير معها

والله هو اللي للمخاليق هادي = وأفضل قوانين المعزه شرعها

****

****

171- سبحان من تظهر  له آيات وإعجاز

***

كم صاحبٍ تلقاه للضد منحاز = زوله رجل والفعل فعل العجايز

وكم واحدٍ عن مرقب الطيب عجاز = مع السهل لو هو على غير جايز

ابو حقب ما هو سوا  وقيمة الباز = ما فعلهم واحد بقضي العوايز

وكم واحدٍ ياعد ولا يفعل انجاز = يقدر ولكن دون الانجاز حاجز

سبحان من تظهر  له آيات وإعجاز = عن فهمها يقصر مدا العقل عاجز

?هذا بعض ما اردت لا شك بايجاز = وإلا خصال الناس فيها تمايز

كم واحدٍ من نوع عادي وممتاز = وكم واحدٍ من نوع ممتاز بايز

****

****

172- خلك على ما يرضي الرب لازي

***

يا ابن الشرف والعز يا ابن الحموله = ارفع مقامك عن دروب المخازي

طيب الرجل نفعه لمن كان حوله = ينفع والى جته النفيعه يجازي

ويحرص عن الهنات عن كل طوله = حصنٍ حصينٍ عن جميع المغازي

والحر يفهم والثعوله اثعوله = خلك على حفظ الامانه احجازي

والروح عندك في مقام العدوله = ولا بد ما تجري عليها التعازي

احسب ليومك قبل ساعة حلوله = خلك على ما يرضي الرب لازي

****

****

173- طريقهم مهجور ما هو بمأثور

***

بعض العرب ينظر ورا عكس الايجاب = الناس تتقدم وهم للورا دور

الله لا يثري ثرا عوج الأرقاب = طريقهم مهجور ما هو بماثور

مَن لا يتعلم علم دينه والآداب = مثل العمى ياطا مطبات ووعور

ألا ان هذا كل ما يخطي يثاب = ورعا الخطا بالجهل ما هو بماجور

من لا عرف عوجاه واقداه ما طاب = وطيبه على غير القدا منه به زور

****

****

174- يا مَن عمارك مِن فعولك دارك

***

يا مَن عمارك في افعولك دمارك = ليه التجارب ما تعلمك الاخطا

وين العِبَر بالعرف عن اعتبارك = ما تعتبر من فعل غيرك الى اخطا

ويا راعي الاجرام عدل عيارك = تراك لا ما ذبحت تبلا تعطا

ويا راعي التفحيط امسك مسارك = لا تصير بوجيه الآوادم تنطا

لا تصير بالتفحيط تثوّر اغبارك = ولاملاك وأجساد الآوادم توطا

دمرت ملك ابوك جعله دمارك = وجهٍ على ما قيل جعله يلطا

****

****

 

175- الطِيب للطَيّب رصيد وتجاره

***

الطيب للطيّب رصيد وتجاره = وإلا الرخامه سلعةٍ ما بها خير

يرضا بها من كان فعله خساره = من اين ما تحتاج له فيه تقصير

لو صحت له باعلا صريح العباره = ما يسمع الميت جميع التعابير

والحي يفهم مقصدك بالاشاره = ويقضي الطلب بلا تردد وتأخير

وإلا الردي حول الربايع مداره = نعامةٍ لا هي بعيرٍ ولا طير

****

****

176- يا طابخ الفاس طبخك ما به فياده

***

يا طابخ الفاس ما في طبخك فياده = شيمتك عن منزل الهزلات بعدّها

الرجل يعرف مداه ويعرف امراده = ما يأكل الحر صيده غير صايدها

ما يجهل الطيب غير الخبل والداده = وعفنٍ اطبوعه على الخيبه معودها

وبعض العرب ما تعرف السلم والعاده = وتخطي بعرف المسايل ما تفندها

عقلك دليلك وخذ من شرعك زياده = والنفس هنها عن الشينه وجاهدها

****

****

177- ثورٍ يزعلّه الخَلَق والحماره

***

بعض العرب ترثة رجالٍ عريبه = وساع الصدور وفهمهم بالاشاره

اصدورهم على التحمل رحيبه = ويلقا بهم راع اللوازم مداره

وبعض العرب ادناة حاجه تجيبه = ثورٍ يزعلّه الخَلَق والحماره

وبعض العرب ما هو على ما هقي به = خيبة أمل رجواه دون اعتباره

وبعض العرب اهل مناظر عجيبه = هيكل جسد ما غير بدي وغماره

****

****

 

178- يا ليت للكلمه الى خابت خزام

***

يا شينها لاجيت محتاجٍ مضام = وهقيت في شخصٍ ولا هو قدها

خيّب أملك وصار بك مثل الحيام = والكلمه ان سمعت صعيبٍ ردها

يا ليت للكلمه الى خابت اخزام = وعن سمع باق الناس تقصر حدها

لكن تشعب بين عقال وطغام = وكلٍ بفسرها على ما يحدها

****

****

179- الناس نيه بالضمير ومعرفه

***

يا اللي تحسب الناس تعرف بما يشاف = الناس نيه بالضمير ومعرفه

الناس بالباطن لها عدة أهداف = شيٍ على المطلوب وشيٍ تحرفه

مَن جاك ما هو في معانيه شفاف = خبلٍ على ما قيل ما فيه صرفه

لا تامنه تراه ما عنده انصاف = ولا هو ثقه ولا يعتبر عرف عرفه

الرجل من يتبع قوانين الأعراف = وما كان عليه أو له كله يعرفه

****

****

180- يعقب وزلا تكفي له يعقب يخسا

***

مَن ما هو بار بوالدي ولا وفي = يعقب ولا تكفي له يعقب يخسا

الله لا يجزاه خير ولا يعفي = وعسا البلا يبلاه ما كمّل مسا

لا صار ما هو في رعايتهم حفي = عسا مغبتها يسير بلا كِسا

****

****

181- يا الإمعةه لا تصير دايم ورا الناس

***

يا الإمعه لا تصير دايم ورا الناس = بعض تقاليد العرب لك عليها

بعض العرب مثله مثل طابخ الفاس = يبي المرق من طعم شيٍ عليها

وبعض العرب ما يعتبر عرفها قياس = تعمي بصرها من تصرف ايديها

عندك مثل كل البشر عقل واحساس = والعلم نور للعقول يهديها

وخل العلوم اللي ترهل بلا ساس = المحدثه واللي يرآي ذويها

****

****

 

182- ما له على الله وجه ما دام كذاب

 

اللي على كيفه يخادع وسلاب = بدرب الخفا ياطا عيوب وخوارم

تغيب المراجل معه بغياب الآداب = ما تنفع الحكمه بقلب المهارم

ما له على الله وجه ما دام كذاب = ولا يجتنب بفعل الحرام المحارم

من خان قانون الأقارب والأصحاب = حقه كرامة ضيف من حد صارم

****

****

183- الحق ما هو بالتحايل نهابه

***

أشوف ناسٍ مثل طبع الذيابه = تأخذ عشاها بغفلة الناس ممسين

والحق ما هو بالتحايل نهابه = الحق بتحكيم الشرع والقوانين

كأنهم يعيشون في شرع غابه = عن كل ما يرضا به الرب مقفين

يا كثر من هو بالمعرفه قلابه = الله يقطع جنس عصاية الدين

أهل الحرام اللي وبيه ترابه = اللي على طبع الخيانه امقيمين

****

****

184- المراجل بالعرب فيها تنافي

***

الله اللي للمرض بالقلب شافي = كم عقولٍ من نواياها سقيمه

المراجل بالعرب فيها تنافي = مثل ما تفرق رحيلٍ عن مقيمه

كم زولٍ بمنظره بالشكل وافي = من يشوفه يقول ذا والله صتيمه

وأثر زنده لا بدا لازمك طافي = وفوق هذا فيه هنات ذميمه

وكم لبيبٍ منصحٍ ولمٍ سنافي = به حميا وفيه عز وبه حشيمه

وبعض غلطات الردي تلقا تلافي = وبعض غلطات الوفي تبقا مقيمه

والفهم والطيب ينقصهن ملافي = ما تقدر قدرهن ناسٍ غشيمه

****

****

185- دنياك هاذي ما عليها حسوفه

***

أشوف شيءٍ ما احد غيري يشوفه = ناسٍ تحسب الصدق والدين خذلان

دنياك هاذي ما عليها حسوفه = ما دام أهلها بين كاذب ومنّان

بالوجه عندك ما على الهرج حوفه = لا شك لا غابو يروع الأذهان

عن الطريق المستقيم محروفه = بالحق والانصاف صمٍ وعميان

****

****

 

 
124- اسفه كلام المنحرف والمحايد

***

لا تحسب ان نصح الحكيم بقصيده = يكفي عن ما عنده بعدة قصايد

تتبعه واحرص على ما يزيده = في كل قصيده من أنواع الفوايد

ولا تحسب ان النصح كله بسيده = بعض النصايح آخذٍ رون سايد

احرص على فهم الخصال المفيده = واسفه كلام المنحرف والمحايد

****

****

125- يا من هوا نفسك لذنبك يجرك

***

يا من هوا نفسك لذنبك يجرك = ويبعدك عن صدق النوايا والايمان

اخلص بدينك عن علوم تضرك = لا يميل بك عن يمة الدين نيشان

بمعاملتك الناس بجهرك وسرك = حذرا تسير بدرب كاذب وخوان

أول فوايد للبشر  كف شرك = لا تحبط أعمالك ولو بزلة لسان

وأصدق مع الوالدين في حسن برك = واحذر تعاملهم بلا جد واحسان

****

****

126- يا مدعي بالطيب وإلا أنت باغي

***

يا مدعي بالطيب وإلا أنت باغي = وينك عن الإيمان ووين الامانه

جميع طيبٍ بأهل البغي لاغي = الطيب ما يرهم براع  اللعانه

تبي تسوغ شي ما يستساغي = الطيب ما هو طيب إلا بمكانه

لا تصير كذابٍ سربع المراغي = أبعد ادروبك عن دروب الخيانه

****

****

127- ما ينفعه من قال لله دره

***

رجوا البشر من غير تقوا مضره = جميع فعل بغير تقوا خساره

ومن كان يرجي خالق الخلق سره = ما دام تقوا خالقه هي مداره

ومن جاك ما يبعد عن الناس شره = الشر مهما يمهله بانتظاره

والشر ما به غير شر ومغره = والشر يالع مثل نار الشراره

ومن ما يجامل في أمورٍ تمره = وعنده عن مداراة غيره نعاره

الناس لا عرفت اهدافه تضره = تجزاه جزوا المنتقم لاعتباره

ما ينفعه من قال لله دره = لا صار مع درب التعدي مساره

****

****

128-  كم مجلسٍ يرتاح فيه المنافق

***

كم مجلسٍ يرتاح فيه المنافق = اللي عن أفعال الملازيم ينعاق

للهرج هراجٍ وبالهرج لافق = يحضّر لهن عنده جديدات وعتاق

والفعل ما بينه وبينه توافق = ردي حظٍ من قليلين الأوفاق

ويلٍ لمن بالهرج لغيره يسابق = وبالظلم لأعراض الاجاويد لحاق

الهرج عنده من جميع المرافق = ما يختصر هرجه على حد ما لاق

ما يقول قولٍ للنصيحه موافق = تعرف بمضمونٍ يتبيّن من اسياق

حاشية:

1- المنافق: للمنافق معانيٌ كثيرة، منها صفة من يخفي الكفر ويظهر الإيمان، أي يتظاهر أمام الغير بأنه تقي، وهو غير تقي 0 ومن يظهر للناس عكس ما يبطن عنهم 0 ومن يضمر العداوة، ويظهر الصداقة 0 والمخادع 0 ومن كثر كلامه، وقل عمله 0

2- مضمون الكلام: ما يفهم من الكلام 0 سياق الكلام: خلاله 0

****

****

129- يقصر عن الطولات مَن ما احتواها

***

يا العبد ما كل الفعايل سديده = وتكفي عن افعالٍ تخفّا وراها

مثلٍ نرا المعروف خصله حميده = ويشكر عليها من بفعله سداها

لكن خصال الطيب اذا هي فريده = ما تكفي بالرجال عن ما عداها

الطيب في كل الخصال العديده = اللي تخالف للنفوس وهواها

ومن يتبع لنفسه على ما تريده = ترا خصاله ناقصٍ مستواها

ما يريدها الله مِن الخصال لعبيده = يقصر عن الطولات مَن ما احتواها

****

****

130- حذراك يا اللي في هوا النفس لاهي

***

حذراك ياللي في هوا النفس لاهي = حذراك لا تجني عليك بهواها

ترا الردي حيله عن النفس واهي = عزمه ضعيفٍ ما يقاوم رداها

كم فرصةٍ للطيب تاطاه فاهي = لو ما سها عن معرفتها تساها

ويا ما ما تحت السواهي دواهي = لا شك مبلغ عزها مبتغاها

وحذراك ناسٍ بالمعاصي تباهي = تعتز في فعل الأثام وتباها

****

****

131- حذراك  مِن عِمْي البصر والبصيره

***

يا صاح بعض الناس فيها جهاله = والله العليم بما بخفايا السريره

لا تصادق اللي به فساد  بخصاله = ولا تصاحب اللي به مضره لغيره

ولا تحب غير المستقيم بعداله = مع كل شخصٍ ما يتغير مسيره

ولا شفت مَن يظهر بغيرك خماله = ترا السبب خصلة فساد بضميره

ويقال بعض الناس يعدي خباله = حذراك  مِن عِمْي البصر والبصيره

****

****

132- العلم يزرع بالضمير المبادي

***

العلم يزرع بالضمير المبادي = وهو الطريق المقتدي للهدايه

وهو الدليل اللي على الخير قادي = والتوبه العصماء تزيل الغوايه

مَن تاب عن فعل الردا والفسادي = مثل البشر إلى اعتصم بالوقايه

لو كان عن درب المكارم حيادي = يرجع إليها في حماس وعنايه

ولوكان عن درب التعاليم غادي = يصير له حفظ النصايح هوايه

 

133- الضال مثل المهتدي في ضلاله

***

الضال مثل المهتدي في ضلاله = عنده أفعاله في خطاها صحيحه

رعا الخطا مِن غير قصد بضلاله = دامه سوا عنده خطاه وصحيحه

ورعا الضلال العمد ما الخير فاله = كل ما هوت نفسه هواٍ يستبيحه

يتبع هوا نفسه على ما بداله = متعوّدٍ على الأمور القبيحه

اللي بها على الجماعه عباله = وعارٍ مرده للخطر والفضيحه

****

****

134- أفٍ على مَن خالف الاستقامه

***

اللي يخفي في ضميره مرامه = ويمشي مماشي السربته والملاعين

يدس شره مثل رأس النعامه = ما يدري ان العلم لابده يبين

عليه من رب الخلايق ملامه = يوم الحساب وصولة الحق والدِين

في حين ما ينفع ملاذ وندامه = ويلقا جميع اللي فعله باقيٍ دَين

ويبي السلامه حين ما من سلامه = يفر من شوف الاهل والقريبين

أفٍ على مَن خالف الاستقامه = على طريق المخلصين النصحين

****

****

135- ما يعرف نفسه من مَعَرفة خِصاله

***

أشوف كثير الناس للنفس مجهول = ما يعرف نفسه من مَعَرفة خِصاله

وهي التي تُعرف بمنطق ومعقول = وهي التي تحاسب عليها أعماله

وهي التي يعرف بها الفعل والقول = وهي التي فيها الهدا والضلاله

وهي التي لها دلاله ومدلول = الشرع فيه لكل خصله دلاله

****

****

136- الصدق بغياب الردي ما يودا

***

الكذب لراع الكذب طبعه ومبداه = خصلة ردا ومَن فيه منها تردا

لو يتقي ربه نفاه وتعداه = قبل مدا التوبه عليه يتعدا

ما يدري ان الكذب يفسد سجاياه = ولا يدري ان ويلٍ لمثله معدا

اللوم ياطا من يلوّث مزاياه = بالكذب ووجه بالخساسه مصدّا

طبعه ردي ما يمتثل لأمر مولاه = يسمع وكنه للصدوق يتحدا

صدقه مواجه لا ابتعد عنك خلاه = الصدق بغياب الردي ما يودا

****

****

137- الجهل بأخلاق البشر والعباده

***

يا مكثر الترحال من غير رايد = ما مِن رحيلٍ ما سبقته رياده

دوّر على اللي فيه نفع وفوايد = لا تكلّف نفسك بشي ما به فياده

لا تقلد اللي جاهلٍ بالعوايد = يقلد بشيٍ نقص ما زياده

فهمه عن علوم المكارم محايد = عن الطريق المعتدل به قراده

العلم نورٍ بالرخا والشدايد = يدل من راد المراجل مراده

والجهل ما به غير تقليد بايد = والجهل بأخلاق البشر والعباده

 

****

****

138- تحاول رجوعه عن بلاويه لكن ماش

***

صحيح ان بعض الخلق نفسه رديه لاش = ردي الفعول ولا تناسب مراميعه

تحاول رجوعه عن بلاويه لكن ماش = أبو طبيع بقول الناس ما يخلي طبيعه

ولو كنت معه بكل ما تستطيع بلاش = مثل من زرع زرعٍ بصبخاٍ لها بقيعه

****

****

139- يوم لا ينفع وجاه ولا كنوز

***

اعرف اللي لك واعرف ما عليك = عرفك اللي لك وحده ما يجوز

حق غيرك بالشرع دينٍ عليك = يوم  راع الحق يلقاه  محجوز

اعط حقوق الناس يرضا عليك = وابذل المعروف لو كنت معيوز

وأد حق الله لا يبقا عليك = يوم لا ينفع وجاه ولا كنوز

 

****

****

140- الطيب لأهل الطيب معنى ما هو شي

***

الطيب لأهل الطيب معنى ما هو شي = ينشاف بعين العقل مثل المعاني

الطيب عقل وعلم بالهاجس الحي = ما هي تقاليد الجهل بالبياني

الحاشية:

الشيء: كل ما يُعرف بالعين 0

المعنى: ما يُعرف بالعقل، ولا يُرى بالعين 0

التقاليد: عادات الناس، التي يجب تقليدها من قبل جميع الناس، جاهلهم، وعالمهم، ولكن بعضها ليس على حق، كالرياء مثلاً 0

****

****

141- ما هو صحيح اللسان يدل على القلب

***

ما هو صحيح اللسان يدل على القلب = يدل على النيه وتعطيه وجهين

ما كل لفظ لسان دالٍ الصلب = الكذب ما يعطي دليلٍ على الثنين

مَن يعرف الايجاب ويميز السلب = يعرف كلام المتبع للقوانين

ويعرف كلام اللي بنياتهم قلب = يحزر مخالفهم عن العرف والدين

****

****

142- عن الخَبَر يكفي الخِبر والتجارب

***

عن الخَبَر يكفي الخِبر والتجارب = ياللي بشِعرك تمدح أوغاد الأسرار

لا يدفعك حب الطمع والمآرب = لا تمدح إلا من لهم فضل وأخيار

وخلك على الحكمه مقيمٍ امدارب = دور بها مع مسلك الخير معبار

سدد بشعرك للنصايح وقارب = ترا النصايح ما تقدر بالأسعار

مدحك على غير الخِبربيع خارب = وسبك لمن كنت تمدحه هرج ثرثار

****

****

143- صداقتي صداقة  الحب باللاه

***

صداقتي لك ما هي عطني وانا اعطيك = صداقتي صداقة  الحب باللاه

أنا احبك من خصال الوفا فيك = ولا احب من تكْرِه خِصاله  لمولاه

ولا احب من لاجل المصالح يخاويك = وإلى عطيته مطلبه غير أرياه

ان كان لك عنده طلب ما يدانيك = دور على غيرك جديدٍ وخاواه

****

****

 

144- لا ما رحمت نفسك فلا احدٍ براحمك

***

سالم تسالم لا تهاجم تهاجمك = ناسٍ عن دروب التهور تديرك

لا ما زاحمت الناس تغلب مزاحمك = في حجتك عند العليم بمصيرك

لا ما رحمت نفسك فلا احدٍ براحمك = اشره على عقلك قبل عقل غيرك

وش ينفعك عند الاوادم تظلمك = الى خلي من رحمة الله ضميرك

اجعل تجنب حق غيرك ملازمك = ابعد عن العيلات مجرا مسيرك

وترا الزعل في كل حاله يوهمك = شرٍ إلى ما انّه حضر غاب خيرك

واخير من تلعن ظلامٍ يظلمك = تضي شمعة نور يبصر نظيرك

****

****

145- أنا اكتشف ان الزرايا دليلين

***

انا اكتشفت ان الزرايا دليلين = كلٍ هوا نفسه لنفسه دليله

رجلٍ هواه الطيب وموافق الدين = وراعي فسادٍ مخالفٍ مع عميله

عميله الشيطان يدله على الشين = من اين ما وداه يمسك شليله

ويزرا على من يتبع الدين واللين = يقداه أخو مره على كل عيله

والنوع الأول قدوةٍ للبيبين = وزريته مثل النصيحه فضيله

ولا شفت من يزرا وزراياه ما تبين = حوّقل وخل المنحرف في سبيله(1)

الحاشية:

1- حوّقل: قِلْ: لا حولَ ولا قوةَ إلا بالله 0

****

****

146-السخريا حرب نفسيه

***

السخريا حرب نفسيه = يسخر مِنِك مَن بغا يهينك

احذر من الخبل والعيه = لا تنكسر دونهم عينك

وإن صادفك مثل هالفيه = قلّه بخلا بينه وبينك

حذراك لا تعترض ليه = فيما بعد خل ما يدينك

واهجر مجالسته السيه = ما دام ما هو على دينك

****

****

147- لا وا حلالاه يا اعدامه

***

يا عاذل الجاهل المقرود = ما لك سبيلٍ على ارغامه

ما بك عن عباد ربك زود = وراع الجهل ياجب اعلامه

افهم هوا النقد والمنقود = بينك وبينه تعلامه

ومَن يبذل الجد والمجهود = لا بد ما يلبس اوسامه

ومَن صد مِن علمه المحدود = يجب على غيره افهامه

ولا تستمع مَن يقول بزود = لا وا حلالاه يا اعدامه

****

****

148- الكذب هو والصدق مبدا ونيه

***

الكذب هو والصدق مبدا ونيه = ولا طيّب إلا من صدق في نواياه

الكذب يزيّن لصاحبه كل سيه = والصدق عن كل الخطيات ينحاه

الكذب هو درب الخصال الرديه = والصدق هو درب الخصال المنجاه

الكذب عله للأفعال الخفيه = والصدق لقاحٍ للخطا والمعاداه

هم الدليل بكل حق وقضيه = بالكذب مهواةٍ وبالصدق منجاه

****

****

149- البغض بالله للمخالف فضيله

***

البغض بالله للمخالف فضيله = مثل النصيحه تنصحه عن خطاياه

ومن حب له ساواه بحب الرذيله = اللي تخالف طاعة الله وارضاه

والمشكله لا صار راعي طويله = واستعمرك طوال عمرك بعوجاه

مهما تحاول فيه بأي وسيله = متمسكٍ طوال عمره بمبداه

****

****

150- تعلمت حتى مل من درسي التعليم

***

انا لا عذلني جاهلٍ زادني تصميم = ولا اطيع بزود العلم جاهل ومتجاهل

تعلمت حتى مل من درسي التعليم = على شان ما احد يقول لي ليه يا جاهل

وحطيت لي بالكِتب علمٍ يضل مقيم = يتعلم منه من كان للعلم يستاهل

ابيّن معانٍ غامضه شابها التعتيم = توضح خصالٍ عيبها كل متساهل

ودونت مجدٍ ما عرضته على التحكيم = لمَن يستحق المدح وللكَتْب يستاهل

****

****

151- لو تمنع الواحد عن الشر ينهار

***

الناس تعادي بطبعها كل مجهول = حتى تعرف وش فيه من نفع واخطار

تخاف من شيٍ بلا سلم واوصول = شيٍ طبيعي كم محدث له أضرار

إلا قليلٍ من هل الجهل مبدول = عجلٍ على الموضات مع اول اصدار

وتتبع الممنوع مِن غير معقول = لو تمنع الواحد عن الشر ينهار

في وقتنا الحالي هذا النوع ممول = يا كثرهم في كل مجمع ومضمار

****

****

152- وإلى دخلنا ببابها ما طلعنا

***

اليوم عصر محاربة كل فاسد = ما هي تقاليدٍ على غير معنا

بعض تقاليد العرب صار بايد = ان ما عادانا لديننا ما نفعنا

جوزو من اللي بطبعكم صار سايد = تقليدٍ أعما مجنبٍ عن سنعنا

ثم قاطعو شين الطبع والعوايد = عدونا بغيابنا وهو معنا

أخاف عوجاٍ شرها يصير كايد = وإلى دخلنا ببابها ما طلعنا

****

****

153- صاحب غيورٍ تعرف أدناه وأقصاه

***

صاحب غيورٍ تعرف أدناه وأقصاه = واضح وتعرف كل ما في ضميره

عن مسلك المنكر تشرف سجاياه = رجلٍ عفيف وبه حميه وغيره

وأبعد عن اللي تشتبه في نواياه = لا صار شره زايدٍ فوق خيره

ما يامنه من يقربه من خطاياه = عارٍ وجوده في قرابه وجيره

لو كان تسمع بالمجالس هذاياه = وجميع هرجه فيه نقدٍ لغيره

السرسري رعا العلوم المخباه = اللي مع الغرات يدرق قصيره

****

****

154- لا قمت بأسباب الزعل لا تطيعه

***

لا قمت بأسباب الزعل لا تطيعه = لا تقول شي أو تفعله وأنت زعلان

ترا الزعل فساد عقل وطبيعه = وتنها عنه كل المعارف والأديان

وترا الزعل ينتج نتايج فظيعه = وراعيه دايم ما يطاوع للاذعان

يفِسد ولا يصِلح ولا به نفيعه = ودايم يعادي ناس ما هم بعدوان

ونفسه عن الغلطات ما هي رفيعه = ما هو بعقله مسيطرٍ فيه شيطان

له لجةٍ مع من يكلّم رفيعه = يسمع بها عابر سبيلٍ وجيران

خل البنايق وسط صدرك وسيعه = وخلك على حَمْل الثقايل بليهان

****

****